ខេត្តបន្ទាយមានជ័យ៖នៅព្រឹកថ្ងៃទី៩ខែសីហាឆ្នាំ២០១៥លោកឧត្តមសេនីយ៏ ត្រី អាត់ខែមស្នងការនគបាលខេត្តបន្ទាយមានជ័យនិងជាសមាជិកអចិន្ត្រៃយ៍គណបក្សប្រជាជនកម្ពុជាខេត្តបន្ទាយមានជ័យនិងក្រុនការងារបាននាំយកអំណោយ ជាគ្រឿងឧបភោគ បរិភោគ និងថវិកាមួយចំនួនទៅចែកជូនប្រជាពលរដ្ឋដែលមានជីវភាពក្រីក្រមួយគ្រួសារដែលកំពុងមានជំងឺនិងជួយសាងសង់ផ្ទះជូនមន្ត្រីនគរបាលមូលដ្ឋានមួយគ្រួសារទៀតស្ថិតនៅសង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ រួចបន្តដំណើរទៅលើកស្លាកគណបក្សប្រជាជនថ្មីនៅតាមដងផ្លូវចំនួន៣ផ្ទាំងធំៗដែលមានរូបសម្តេចពញាចក្រីហេងសំរិននិងសម្តេចតេជោហ៊ុនសែន។អំណោយទាំងនេះបានមកពីការឧបត្ថម្ភពីសំណាក់លោកឧបនាយករដ្ឋន្ត្រីកែគឹមយ៉ានប្រធានក្រុមការងារថ្នាក់ជាតិចុះជួយខេត្តបន្ទាយមានជ័យហើយតាមរយះលោកអាត់ខែម អំណោយទាំងនេះត្រូវបានប្រគល់ជូនទី១គ្រួសារក្រីក្ររមួយគ្រួសារនូវសង្គ័សី២៥សន្លឹកអង្ករ៥០គីឡូថវិកា១០មឺុនរៀលទឹកត្រីទឹកសីុវអីវ ទី២ប្រជាពលរដ្ឋមានជម្ងឺបានទទួលថវិកា១០មឺុនរៀលអង្ករ៥០គីឡូទី៣បានជួយធ្វើផ្ទះជូននគរបាលប៉ុស្តិរដ្ឋបាលឲ្យបានសមរម្យសម្រាប់ការស្នាក់នៅផងដែរ។នៅចំពោះមុខប្រជាពលរដ្ឋ ខាងលើនេះលោក អាត់ ខែម ក្រៅពីការផ្តាំផ្ញើការសួរសុខទុក្ខពីថ្នាក់ដឹកនាំគណបក្សប្រជាជន ដែលមានសម្តេចតេជោហ៊ុនសែនជាប្រធានគណបក្សនោះ លោកបានលើកឡើងពីស្ថានភាពនយោបាមួយចំនួនដែលបាននិងកំពុងកើតឡើងនៅពេលនេះហើយក្នុងនោះគណបក្សនយោបាយមួយចំនួនបានបញ្ចេញយុទ្ធសាស្ត្រដើរបំផុសនិងលាបពណ៌នាំឲ្យបែកបាក់សង្គមជាតិនិងអាចនាំឲ្យមានភាពចលាចលផង ។លោកអាត់ខែមបានបន្តលើកឡើងបន្តថា ប្រទេសជាតិក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោហ៊ុនសែននោះបានធ្វើឲ្យមានការរីកចំរើនលើគ្រប់វិស័យដោយមានសុខសន្តិភាពមានសេរីភាពក្នុងការដើរហើរកែប្រែជីវភាពរបស់ប្រជាពលដ្ឋមានការឈានទៅមុខពីមួយឆ្នាំទៅមួយឆ្នាំតាមរយ:ប្រព័ន្ធហេដ្ឋារចនាសម្ព័ន្ធមានគ្រប់ទីកន្លែង ទាំងអស់ នៅក្នុងប្រទេស។ក្រោយបញ្ចប់ការសំណេះសំណាល និងចែកអំណោយជូនប្រជាពលរដ្ឋ លោក អាត់ ខែម និងក្រុមការងារ បានទៅលើកស្លាកគណបក្សប្រជាជន្មី ចំនួន ៣ផ្ទាំង ក្នុងទីរួមខេត្តបន្ទាយមនជ័យ នៃក្រុងសិរីសោភ័ណ គឺទី១ ស្ថិតនៅតាមផ្លូវ ត្រង់ស្ពាន ឆ្ពោះទៅខេត្តសៀមរាប ទី២ស្ថិតនៅតាមដងផ្លូវ ត្រង់ស្ពានឆ្ពោទៅ ក្រុងប៉ោយប៉ែត និងទី៣ ស្ថិតនៅតាមដងផ្លូវ ត្រង់ស្ពាន ឆ្ពោះទៅខេត្តបាត់ដំបង ដែលមានរូបសម្តេចតេជោ ហ៊ុន សែន និងរូបសម្តេចពញាចក្រី ហេងសំរិននៅអ្នកដែលចូលរួចំនួន២០០នាក់បានសារុងមួយម្នាក់គ្រប់ៗគ្នាផងដែរ៕