ខេត្តកំពង់ឆ្នាំ ៖សិស្សនុសិស្សមកពីវិទ្យាល័យហ៊ុនសែនស្រុកទឹកផុសខេត្តកំពង់ឆ្នាំងចំនួន២១៦រូប បានស្ម័គ្រចិត្តចូលជាសមាជិកគណបក្សប្រជាជនកម្ពុជាខេត្តកំពង់ឆ្នាំង ពិធីប្រកាសបញ្ចូលសមាជិក សមាជិកាថ្មីនេះបានធ្វើឡើង នៅថ្ងៃទី០៩ ខែសីហា ឆ្នាំ២០១៥ នៅក្នុងទីស្នាក់ការគណបក្សប្រជាជនកម្ពុជាស្រុកទឹកផុសខេត្តកំពង់ឆ្នាំង ក្រោមអធិបតីភាពឯកឧត្តម តូច កុសល សមាជិកគណៈកម្មាធិការកណ្តាលគណៈបក្សប្រជាជនកម្ពុជា និងជាអនុប្រធានក្រុមការងារចុះជួយស្រុកទឹកផុស,ឯកឧត្តម ទន់ ចនក្រុមការងារថ្នាក់កណ្តាល និងជាអនុប្រធានក្រុមការងារចុះជួយស្រុកទឹកផុស ,លោកជំទា វដោក សុទ្ធាសមាជិកអចិន្ត្រៃយ៍គណៈបក្សប្រជាជនកម្ពុជាខេត្តកំពង់ឆ្នាំង ក្រុមការងារថ្នាក់ខេត្ត និងជាប្រធានក្រុមការងារថ្នាក់ខេត្តចុះជួយស្រុកទឹកផុសខេត្តកំពង់ឆ្នាំង និងមានការចូលរួមពី ឯកឧត្តម លោកជំទាវ ក្រុមការងារថ្នាក់កណ្តាលថ្នាក់ខេត្តថ្នាក់ស្រុក/ឃុំក្នុងស្រុកទឹកផុសសមាជិកសមាជិកាថ្មីសរុបចំនួន១៤០នាក់។
បន្ទាប់ពី តំណាងអោយសមាជិកថ្មីទាំង១២៦រូប បានឡើងអានពាក្យសុំចូលសមាជិកគណបក្សប្រជាជនកម្ពុជាខេត្តកំពង់ឆ្នាំងរួចមក លោក ឈួង ឃឿន ប្រធានគណៈកម្មាធិការគណបក្សប្រជាជនកម្ពុជាស្រុកទឹកផុស បានអានសេចក្តីសំរេចលេខ១២៧/០១៥ចុះថៃ្ងទី០៧ខែសីហាឆ្នាំ២០១៥ របស់គណៈកម្មាធិការគណបក្សប្រជាជនកម្ពុជាស្រុកទឹកផុស ខេត្តកំពង់ឆ្នាំង សំរេចបញ្ចូលសមាជិកសមាជិកាថ្មី មកពីវិទ្យាល័យហ៊ុនសែនទឹកផុស ចំនួន១២៦រូប ស្រី៦៥រូប ជាផ្លូវការចាប់ពីថ្ងៃប្រកាសនេះតទៅ។
លោកជំទាវ ដោក សុទ្ធា បានមានប្រសាសន៍ថា៖ក្មួយៗទាំងអស់ពិតជាបានយល់ច្បាស់ពីគោលនយោបាយការដឹកនាំរបស់គណបក្សប្រជាជនកម្ពុជាគឺធ្វើអ្វីៗទាំងអស់ដើម្បីប្រទេសជាតិ និងដើម្បីប្រជាជន ដែលកន្លងមកគ្រប់អាណត្តិគណៈបក្សប្រជាជនកម្ពុជាត្រូវបានប្រជាជនបានបោះឆ្នោតគាំទ្រជានិច្ច ហើយក្រោមការដឹកនាំរបស់រាជរដ្ឋាភិបាល ដែលមានថ្នាក់ដឹកនាំជាច្រើនជាមន្ត្រីរបស់គណៈបក្សប្រជាជន បានធ្វើអោយប្រទេសជាតិមានការអភិវឌ្ឍន៍រីកចំរើនលើគ្រប់វិស័យ។ក្មួយៗទាំងអស់ជាសិស្ស ជាលោកគ្រូអ្នកគ្រូ សុទ្ធតែមានសម្ថភាពពិតៗ ជាទំពាំងស្នងឫស្សី និងជាសសរទ្រូង ដ៏រឹងមាំរបស់ប្រទេ សជាតិ យុវជនជាស្នូលដ៏សំខាន់នៅក្នុងមូលដ្ឋាន ដើម្បីអោយមូលដ្ឋាន រឹងមាំរីកចម្រើន និងមានសុវត្ថិភាពល្អទៅបានទាល់តែមានក្មួយៗចូលរួមផងដែរ។
ឯកឧត្តម តូច ចាន់កុសល និយាយទៅកាន់សមាជិកបក្សថ្មីទាំងអស់ថា៖គណៈបក្សប្រជាជនគឺជាគណៈបក្សតែមួយគត់ដែលបានរំដោះប្រទេសជាតិ ប្រជាជនអោយរួចផុតពីរបបប្រល័យពូជសាសន៍ ប៉ុល ពត។ គណៈបក្សប្រជាជនបានយកវប្ពធម៌សន្ទនាចរចាស្វែងរកសន្តិភាពជា មួយ សម្តេច ស៊ីហនុ និងជាអ្នកយាង សម្តេច ស៊ីហនុ ចូលប្រទេស គ្រប់គ្រងរាជសម្បត្តិឡើងវិញ និងក៏ជាបង្រួបបង្រួមជាតិខ្មែរតែមួយឡើងវិញ។ប្រទេសជាតិមានលទ្ធិប្រជាធិបតេយ្យមានសុខសន្តិភាព មានគណៈបក្សជាច្រើនចូលរួមបោះឆ្នោតកសាងប្រទេស ក៏ដោយសារគណៈបក្សប្រជាជនកម្ពុជាផងដែរ។
ឯកឧត្តម តូច ចាន់កុសល ក៏បានផ្តាំផ្ញើផងដែរដល់សមាជិកបក្សទាំងអស់ ត្រូវរឹតចំណងសាមគ្គីផ្ទៃក្នុងបក្សអោយបានរឹងមាំ ត្រូវចូលរួមផ្សព្វផ្សាយគោលនយោបាយរបស់គណៈបក្សប្រជាកម្ពុជាអោយបានទូលំទូលាយដល់ប្រជាពលរដ្ឋនៅក្នុងមូលដ្ឋាន ដើម្បីអោយពួកគាត់បានយល់ច្បាស់ និងចូលរួមគាំទ្របោះឆ្នោតគាំគណៈបក្សប្រជាជនកម្ពុជា ក្នុងពេលបោះឆ្នោតឆ្នាំ២០១៧និង២០១៨ខាងមុខនេះ៕