ខេត្តកំពង់ឆ្នាំង ៖បុរសម្នាក់បានរងរបួសធ្ងន់ ដោយបានដាច់ម្រាមដៃមួយ និងរបួសស្មងជើងឆ្វេង នៅក្នុងករណីជម្លោះគ្នា ក្នុងពេលស៊ីផឹកស្រវឹងជនបង្កប្រើកាំបិតកកុកកាប់គ្នា។ហេតុការណ៍នេះបានកើតឡើងនៅម៉ោង ៩និង៣០នាទីយប់ថ្ងៃទី១០ ខែសីហា ឆ្នាំ២០១៥ ន ក្នុងភូមិត្រពាំងពោធិ ឃុំពង្រ ស្រុកលាប្អៀរ។ សមត្ថកិច្ចនគរបាលស្រុករលាប្អៀរបានអោយដឹងថា៖ មុនពេលកើតហេតុ ជនរងគ្រោះ ឈ្មោះ ពុធ នុន អាយុ២១ឆ្នាំ បានផឹកស្រាជាមួយជនបង្កឈ្មោះ អែម គីម អាយុ៤៤ឆ្នាំ មានទីលំនៅភូមិត្រ ពាំងពោធិជាមួយគ្នា លុះពេលស្រវឹង ឈ្មោះអែម គីម បានអោយឈ្មោះ ទិត្យ ដែលផឹកបានជាមួយជិៈម៉ូតូឌុប ឈ្មោះ ពុធ នុន ទៅ
ផ្ទះ។ ពេលឈ្មោះ ទិត្យ ដឹកឈ្មោះ ពុធ នុន ដល់ពាក់កណ្តាលផ្លូវ ក៏កើតរឿងឈ្លោះនិងវ៉ៃគ្នា ភ្លាមនោះឈ្មោះ ទិត្យ បានទូរស័ព្ទហៅឈ្មោះ អែម គីម អោយទៅជួយ ហើយក៏បានវ៉ៃប្រតប់គ្នាមួយប្រាវបន្ទាប់មកក៏រត់ទៅផ្ទះយកកាំបិតយកកាំបិតផ្គាក់រៀងៗខ្លួនមកកាប់គ្នាម្តងទៀត តែឈ្មោះ ពុធ នុន ចាញ់ដៃត្រូវឈ្មោះ អែម គីម កាប់ដាច់ម្រាមចង្អុលដៃឆ្វេង១និងកាប់របួសស្មងជើងខាងខាងឆ្វេងម្ខាង។
ជនរងគ្រោះឈ្មោះ ពុធ នុន ត្រូវបានក្រុមគ្រួសារដឹកមកកាន់មន្ទីពេទ្យខេត្ត ចំណែកជនបង្កឈ្មោះអែម គីម ត្រូវបានសមត្ថកិច្ចនគរបាលស្រុករលាប្អៀរ ធ្វើការចាប់ឃាត់ខ្លួន កសាងសំណុំរឿងប ញ្ជូនទៅស្នងការដ្ឋាននគរបាលខេត្ត ដើម្បីបញ្ជូនខ្លួនទៅតុលាការខេត្តតាមចាត់ការតាមផ្លូវច្បាប់៕
