ខេត្តបន្ទាយមានជ័យ/ នៅព្រឹកថ្ងៃទី១៣ខែសីហាឆ្នាំ២០១៥នៅក្នុងមេបញ្ជាការកងរាជអាវុធហត្ថខេត្តបន្ទាយមានជ័យបានបើកកិច្ចប្រជុំដាក់វិធានការដល់កងកម្លាំងរាជអាវុធហត្ថទាំងអស់នៅតាមមូលដ្ឋានត្រូវធ្វើការចុះស្រាវជ្រាវចាប់ឲ្យបាននូវបទល្មើសផ្សេងៗដូចជាករណីប្លន់ប្រដាប់អាវុធដែលកើតមានក្នុងខេត្តនិងករំីផ្សេងៗជាច្រើនទៀត។ក្នុងកិច្ចប្រជុំនេះមានការចូលរួមលោកឧត្តមសេនីយ៍ត្រី ឱបូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យនិងមន្ត្រីក្រោមឨវាទជាច្រើននាក់ទៀត។ក្នុងកិច្ចប្រជុំនោះលោកឨបូរិន្ទបានមានប្រសាសន៍ថាកម្លាំងកងរាជអាវុធហត្ថខេត្ត/ស្រុក.ក្រុងមានភារកិច្ចត្រូវការពារបូរណះភាពទឹកដីនិងសន្តិសុខនិងសណ្តាប់ធ្នាប់ជូនប្រជាពលរដ្ឋនិងប្រទេសជាតិ។លោកឨបូរិន្ទបាននិយាយបន្តទៀតថាក្រៅពីការពារជាតិនិងទឹកដីនោះនៅមានភារកិច្ចមួយទៀតគឺត្រូវចុះជួយដល់ប្រជាពលរដ្ឋដែលជួបប្រទះនូវគ្រោះធម្មជាតិផ្សេងៗដូចជាមានគ្រោះទឹកជំនន់និងខ្យល់កន្ត្រាក់ចុះជួយច្រូតស្រូវនិងប្រមូលផលជូនប្រជាកសិករ។ក្នុងកិច្ចប្រជុំនោះដែរត្រូវចុះពង្រឹងការងារដល់កងកម្លាំងអាវុធហត្ថឲ្យបានរឹងមាំឲ្យសមជាកំលាំងការពារជាតិនិងឈានមុខ។លោកឨបូរិន្ទបានដាក់វិធានការដល់មេបញ្ជាការរងទទួលការងារតាមបណ្តាស្រុក/ក្រុងត្រូវស្រាវជ្រាវរកមុខសញ្ញាបទល្មើសប្លន់ប្រដាប់អាវុធនិងបទល្មើសផ្សេងៗដែលកើតមានក្នុងទឹកដីខេត្តបន្ទាយមានជ័យនេះត្រូវតាមចាប់ខ្លួនជនល្មើសឲ្យបានដើម្បីចាត់ការតាមច្បាប់ដើម្បីការពារភូមិ/ឃុំមានសុវត្ថិភាពជូនប្រជាពលរដ្ឋ៕