ស្ទឹងត្រែង៖មន្ត្រីយោធាម្នាក់ខឹងប្រពន្ធដើរផឹកស៊ី ព្រោះតែភ្លើងប្រច័ណបានបាញ់ប្រពន្ធអោយរងរបួសធ្ងន់ បានគេចខ្លួនទៅប្រទេសឡាវ ត្រូវបានប៉ូលិសអធិការស្រុកសៀមប៉ាងសហការជាមួយសមត្ថកិច្ចឡាវឃាត់ខ្លួនកំពុងតែនាំខ្លួនមកកាន់ស្នងការដ្ឋាននគរបាលខេត្តស្ទឹងត្រែង។
គួររំលឹកផងដែរថាករណីបាញ់ប្រហាព្រោះតែភ្លើងប្រច័ណបណ្តាលអោយស្ត្រីម្នាក់រងរបួសនោះបានកើតឡើងនៅវេលាម៉ោង១៩និង៣៥នាទីយប់ថ្ងៃទី១០ខែសីហាឆ្នាំ២០១៥នៅចំណុចភូមិសំរោង ឃុំស្រែសំបូរ ស្រុកសៀមប៉ាង ខេត្តស្ទឹងត្រែង ពេលនេះត្រូវបានកំលាំងអធិការស្រុកសៀមប៉ាងសហការជាសមតកិច្ចឃាត់ខ្លួនកាលរសៀលថ្ងៃទី១២សីហានេះនៅក្នុងទឹកដីប្រទេឡាវ។
ស្ត្រីរងគ្រោះដែលត្រូវបានប្តីបាញ់ប្រហាដោយកាំភ្លើង A K នោះមានឈ្មោះចាន់ ណៃ ភេទស្រីអាយុ៣៧ឆ្នាំ (ប្រពន្ធ)រស់នៅភូមិសំរោង ឃុំស្រែសំបូរ ស្រុកសៀមប៉ាង ខេត្តស្ទឹងត្រែង។ចំណែកប្តីមានឈ្មោះ នៅ សារិទ្ធ ភេទប្រុសអាយុ៤១ឆ្នាំ(ប្តី) ជាមន្ត្រីយោធា (គ៣)និងមានទីលំនៅក្នុងភូមិឃុំជាមួយគ្នា។
ពេលនេះមន្ត្រីយោធាដែលពាក់ព័ន្ធនិងការបាញ់ប្រហានេះបាននិងកំពុងនាំខ្លួនពីប្រទេសឡាវមកដល់ព្រំដែនអន្តរជាតិត្រពាំងគ្រៀលហើយ និងបន្តនាំខ្លួនមកកាន់ស្នងការដ្ឋាននគរបាលខេត្តដើម្បីចាត់ការតាមនីតិវិធីច្បាប់៕
