កូរ៉េ ៖ (ប្រែភាសាដោយ ប៊ុន រដ្ឋា) នៅមន្ទីរពេទ្យកូរ៉េ ខាងត្បូង បានចេញលិខិតធានាអះអាង ពីរូបភាព ផ្ទៃមុខជូនដល់ អតិថិជនជនជាតិបរទេស ដែលបានមកកែប្រែរូបសម្ភស្ស និងតុបតែងផ្ទៃមុខ ដោយសារតែកន្លងមក មន្ត្រីអន្តោប្រវេស ត្រួតពិនិត្យ តាមច្រកព្រំដែន បដិសេធចំពោះផ្ទៃមុខ មិនដូចគ្នា នៅក្នុងប៉ាស់ស្ព័រ ថែមទាំងរារាំងមិនឲ្យជនបរទេសទាំងនោះ វិលត្រឡប់ទៅប្រទេសវិញ។
សេចក្តីរាយការណ៍ ក្រៅប្រទេសពីទីក្រុង ហ្សូល ប្រទេសកូរ៉េខាងត្បូង បានឲ្យដឹងថា នៅថ្ងៃទី២៣ ខែ មេសា ឆ្នាំ ២០១៤ ពត៌មាន តាមប្រព័ន្ឋផ្សព្វផ្សាយ របស់ប្រទេសកូរ៉េបានបញ្ជាក់ថា បច្ចប្បន្ននេះមន្ទីរពេទ្យជាច្រើនកន្លែង របស់ប្រទេសកូរ៉េ ចាំបាច់ត្រូវតែ ចេញឯកសារធានា និងបញ្ជាក់ពីការកែប្រែមុខមាត់ ដោយមានភាពទទួលខុសត្រូវ ជូនដល់អតិថិជន ដែល
បានមកពីក្រៅប្រទេស ដោយសារតែ ផ្ទៃមុខមុនពេលកែប្រែ និងក្រោយពេលកែប្រែមាត់ភាពខុសប្លែកពីគ្នាឆ្ងាយណាស់ ទើបមានបញ្ហាកន្លងមក មានប្រជាជនចិនចំនួន ២៣នាក់និងជនជាតិជប៉ុន ដែលមានអាយុ ៣៦ ដល់ ៥៤ឆ្នាំ ដែលបានធ្វើដំណើរទៅកែប្រែមុខមាត់នៅប្រទេសកូរ៉េ តែមិនអាចចាកចេញពីប្រទេសកូរ៉េបាន ដោយ សារមានបញ្ហារដូចហេតុការកែប្រែមុខមាត់មិនត្រង់តាម ប៉ាស់ស្ព័រ។
ដោយជួបនិងបញ្ហាបែបនេះ រដ្ឋបាលចិន បបានឲ្យដឹងថា ស្ត្រី និងបុរស ដែលបានត្រឡប់មកពី កែប្រែមុខមាត់ នៅប្រទេសកូរ៉េ ត្រូវបានមន្ត្រីអន្តោប្រវេស ត្រួតពិនិត្យប៉ាស់ស្ព័រ ណែនាំឲ្យទៅធ្វើលិខិតឆ្លងដែនថ្មីជាបន្ទាន់ ។ ប្រទេសកូរ៉េខាងត្បូង កំពុងតែក្លាយ ជាទីក្រុងនៃកែសម្ភស្ស ផ្ទៃមុខ ដែលមានមនុស្សមកពីពិភពលោក បានមកប្រទេសកូរ៉េដើម្បីកែសម្ភស្ស ចំនួន ២៥១៧៦នាក់ ភាពច្រើនជាប្រជាជនចិន ។ 
