កំពង់ធំ. ដើម្បីបង្កើនប្រសិទ្ធភាពផ្នែកច្បាប់ដល់តួនាទីរបស់មន្ត្រីនគរបាលយុត្តិធម៌ដែលមានការ ចូលរួមពីមន្ត្រីរដ្ឋបាលជលផល មន្ត្រីរដ្ឋបាលព្រៃឈើ ប៉ូលិសប៉េអុឹម និងបរិស្ថាន បានចូលរួមប្រជុំ នៅសាលាដំបូងសាលាខេត្តកំពង់ធំ នៅព្រឹកថ្ងៃទី ១៧ ខែសីហា ឆ្នាំ២០១៥ ស្ថិតក្នុងភូមិទី៧ សង្កាត់កំពង់ធំ ក្រុងស្ទឹងសែន ខេត្តកំពង់ធំ. ក្រោមការចូលរួមរបស់លោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ ។
បន្ទាប់ពីមន្ត្រីនគរបាលយុត្តធម៌គ្រប់ស្ថាប័នបានលើកឡើងពីបទពិសោធន៍ និងផលពិបាក ដែលបានជួបប្រទះនៅក្នុងការអនុវត្តច្បាប់កន្លងមកដើម្បីទទួលការណែនាំ ពីព្រះរាជអាជ្ញារដែលជាស្ថាប័នអយ្យការ ក្នុងការជួយដោះស្រាយបញ្ហាសង្ស័យក្នុងការប្រតិបត្តិតួនាទីមួយចំនួន ក្នុងឱកាសជាមួយគ្នានោះ ក៏បានណែនាំលោក ដួង សារ៉ន ជាព្រះរាជអាជ្ញារងខេត្តកំពង់ធំ ដែលបានផ្លាសមកថ្មី ជំនួសលោក គុច គឹមឡុង ព្រះរាជអាជ្ញារងផ្លាស់ទៅភ្នំពេញ ។
លោក អ៊ិត សុធា ព្រះរាជអាជ្ញាខេត្តកំពង់ធំ បានមានប្រសាសន៍ថា មន្ត្រីនគរបាលយុត្តធម៌ មួយចំនួនធ្វើការដោយមិនបាន រាយការណ៍មកស្ថាប័នអយ្យការ ជាហេតុធ្វើឲ្យជួបនូវការលំបាក ជាពិសេសគឺបញ្ហារគ្រឿងញៀន ជូនកាលមានការផ្ទុះអាវុធ និងការចាប់ចងដោយប្រការណាមួយ វាអាចនឹងខុសនិងនិតិវិធីច្បាប់បើកាលណាធ្វើការដោយចិត្តឯង។ ហើយសុំឲ្យបញ្ឈប់ការដេញឡាន រ៉ឺម់កឈើ របស់កងកម្លាំងបន្តទៀត តែបើមានឡានដឹកបទល្មើស ត្រូវសហការគ្នាព្រោះប៉េអុឹម ប៉ូលិសនៅពេញតែផ្លូវ ស្នាក់ការក៏នៅតាមផ្លូវ ហេតុអ្វីបានចាប់ឡានឈើមួយមិនបាន បើចាប់មិនបានឈប់ធ្វើជាកងកម្លាំងទៅ ចំណែកកងកម្លាំងដែលមានអាជីព រត់ការដឹកឈើ ជ្រេរផ្លូវ និងដឹកបទល្មើស វាមានទោសធ្ងន់ណាស់សម្រាប់កងកម្លាំង ហើយមិនត្រូវសុំគ្រលុបផ្សំគំនិតជាមួយជនដឹកបទល្មើស ជួនកាលបើកឡានប្រដេញបង្ករឲ្យបុកមនុស្សស្លាប់ ក៏សុទ្ធតែមន្ត្រីនគរបាលយុត្តធម៌។
ក្នុងនោះដែរលោក អ៊ិត សុធា បានសង្កត់ធ្ងន់ទៅលើលោក. អាំ ប៊ុនថា. នាយរងខណ្ទរដ្ឋបាលព្រៃឈើ រឹតបន្តឹងកិច្ចការព្រៃឈើ ការពារបន្ថែម. កុំឲ្យមានការឈូសឆាយដីព្រៃបន្តទៀតនាំឲ្យរលាយហិនហោចនៃព្រៃឈើ ។
ដោយ ប៊ុន រដ្ឋា