សៀមរាប : លោកឩត្តមសេនីយ៍ត្រី ញ៉ឹក កែវ ស្នងការរងនិងជាប្រធានការិយាល័យកណ្តាលសន្តិសុខ ព្រមទាំង លោកវរសេនីយ៍ទោ ហួត សុធី នាយការិយាល័យសន្តិសុខនៃស្នងការដ្ឋាននគរបាលខេត្តសៀមរាបបានដឹកនាំកម្លាំងក្នុងអង្គភាពមួយចំនួនកាលពីព្រឹកថ្ងៃទី ១៧ ខែ សីហា ឆ្នាំ ២០១៥ ទៅសួរសុខទុកលោក ឡុង ឌីសារ៉េត ជានាយរងការិយាល័យសន្តិសុខនៃស្នងការដ្ឋាននគរបាលខេត្តសៀមរាប ។ ដែលកំពុងតែសម្រាកព្យាបាលជម្ងឺលើសឈាម និង ជម្ងឺទឹកនោមផ្អែម នៅគេហដ្ឋានរបស់លោកឡុង ឌីសារ៉េត ផ្ទាល់ស្ថិតនៅក្នុងភូមិទ្រាំង សង្កាត់ស្លក្រាម ក្រុង និង ខេត្តសៀមរាប ។ ដោយលោកឩត្តមសេនីយ៍ត្រី ញ៉ឹក កែវ ព្រមទាំងមិត្តរួម
ការងារក្នុងអង្គភាពក៏បាន ពាំនាំនូវការសាកសួរសុខទុកពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងបានពន្យល់ណែនាំបន្ថែមនិងធ្វើការផ្តាំផ្ញើដល់ក្រុមគ្រួសារក៏ដូចជាលោកឡុង ឌីសារ៉េត ដែលកំពុងតែសម្រាកព្យាបាលជម្ងឺអោយធ្វើយ៉ាងណាត្រូវខិតខំមើលថែខ្លួនអោយបានល្អដោយត្រូវព្យាយាមលេបថ្នាំនិងធ្វើទៅតាមអ្វីដែលគ្រូពេទ្យបានប្រាប់អោយបានទៀងពេលវេលាបើទោះបីជាយ៉ាងណាក៏ដោយក៏ថ្នាក់ដឹកនាំទាំងអស់យកចិត្តទុកដាក់និងមិនទុកអោយមន្ត្រីនគរបាលក្រោមឱវាទណាដែលមានទុកលំបាកនៅឯកកោនៅទេ ។ ក្នុងឱកាសចុះសួរសុខទុកនោះដែរក្នុងនាមការិយាល័យកណ្តាលសន្តិសុខលោកឩត្តមសេនីយ៍ត្រី ញ៉ឹក កែវ ស្នងការរងនិងជាប្រធានការិយាល័យកណ្តាលសន្តិសុខនៃស្នងការដ្ឋាននគរបាលខេត្តសៀមរាប បានប្រគល់វថិកា ចំនួន ១០០ ដុល្លា និងគ្រឿងឩបភោគ បរិភោគ មួយចំនួនដល់លោក ឡុង ឌីសារ៉េត ទុកសម្រាប់យកទៅប្រើប្រាស់តាមតម្រូវការក្នុងការព្យាបាលជម្ងឺផងដែរ ៕ ដោយ លោក ព្រិន្ទបាលទោ ខេង ខេមរា
