ខេត្តកំពង់ឆ្នាំង៖ យុវជនម្នាក់ត្រូវបានគេកាប់អោយរងរបួសធ្ងន់ នៅពេលដែលយុវជនរងគ្រោះបានដើរចេញពីផ្ទះសំណាក់មួយកន្លែង ហេតុការណ៍នេះបានកើតឡើងនៅម៉ោង ១និង៣០នាទីរំលងអាធ្រាតុឈានចូលថ្ងៃទី១៧ ខែសីហា ឆ្នាំ២០១៥ នៅមុខសាលាបុណ្យភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ។ លោក ម៉ា យន្ត សមត្ថកិច្ចនគរបាលព្រហ្មទណ្ឌ័ក្រុងកំពង់ឆ្នាំងបាននិយាយអោយដឹងថា៖ ជនរងគ្រោះមានឈ្មោះ វង វ៉ាង អាយុ៣៣ឆ្នាំ មានទីលំនៅភូមិប្រផ្លូច ឃុំរលាប្អៀរ ស្រុករលាប្អៀរ មានមុខរបរជាអ្នករត់តុ នៅហាងម្លប់ស្បូវ ក្នុងសង្កាត់កំពង់ឆ្នាំង។
មុនពេលកើតហេតុជនរងគ្រោះនិងមិត្តភក្រ័ម្នាក់ទៀត បាននាំគ្នាទៅកំសាន្តនៅក្នុងក្លឹបមួយ នៅេជិតផ្ទះសំណាក់សាន់ដេរ២ បន្ទាប់ពីរាំលេងកំសាន្តបានបន្តិច ជនរងគ្រោះបានចេញពីក្លឹប ទៅដេកនៅផ្ទះសំណាក់សាន់ដេ២ជាមួយមនុស្សប្រុសម្នាក់ផ្សេងទៀត។ ក្រោយពេលដេកហើយបានចេញមកវិញ និងបានទូរស័ទ្ទទៅមិត្តភក្រ័ ដែលមកជាមួយដោយប្រាប់ថា៖ អញចេញទៅផ្ទះហើយ មកទៅផ្ទះជាមួយគ្នា ហើយក៏បានដើរដល់ជិតសាលាបុណ្យ ស្រាប់ត្រូវជនមិនស្គាល់មុខជិៈម៉ូតូមកកាប់ប្រហារពីក្រោយជាច្រើនកាំបិតរួចគេចខ្លួនបាត់។ក្រោយពេលកើតហេតុ ជនរងគ្រោះត្រូវបានគេដឹកមកសង្គ្រោះនៅមន្ទីរពេទ្យខេត្ត ដោយរងរបួសត្រូវ ក្បាល ដៃ និងក ជាច្រើនកន្លែង ។
ករណីនេះសមត្ថកិច្ចនគរបាលក្រុងកំពង់ឆ្នាំង កំពុងស្រាវរកមុខសញ្ញាជនដៃដល់ ព្រោះបាន
កំណត់មុខសញ្ញាបានខ្លះៗហើយ គឺសង្ស័យជារឿងប្រច័ណ្ឌរវាងមនុស្សស្រឡាញ់ភេទដូចគ្នា៕
