ខេត្តឧត្តរមានជ័យ៖ ការផ្សព្វផ្សាយ នូវផែន៦ចំណុច បន្ថែម ដល់កងកម្លាំងប្រដាប់អាវុធគ្រប់ ដែលក្នុងនោះកងទ័ព ក៏បានចាត់រាប់បញ្ចូល និងមានសារសំខាន់ណាស់ ក្នុងផែនថ្មីទាំង ៦ចំណុច របស់សម្តេចតេជោហ៊ុន សែន។ ដែលត្រូវបានបានអង្គភាពកងពលតូចថ្មើងលេខ៤១ បានចុះផ្សព្វផ្សាយដល់យោធិន នៅវេលាម៉ោង៧និង៣០នាទីព្រឹកថ្ងៃទី១៨ ខែសីហា ឆ្នាំ២០១៥ ហើយក្នុងនោះ នៅវរសេនាតូចលេខ៤១២ នឹងត្រូវចាប់ផ្តើមមុនគេ ក្នុងបណ្តាលកងឯកភាព ចំណុះកងពលតូច។
ឯកឧត្តមឧត្តមនសេនីយ៍ទោ នាង ឃីម មេបញ្ជាការមេបញ្ជាការកងពលតូចថ្មើរជើងលេខ៤១ ដែលឯកឧត្តមបានអប់រំផ្សព្វផ្សាយផ្ទាល់ដល់យោធិន បានលើកឡើងថា ភារកិច្ច ៦ចំណុចបន្ថែម របស់ប្រមុខសម្តេចតេជោ៖ដែលទី១. បានសំដៅ និងលើកកំពស់ដល់កងទ័ព គ្រប់បណ្តាលអង្គភាព ឱ្យមានស្មារតីស្នេហាជាតិមាតុភូមិ ការពារឯករាជ្យដោយស្របច្បាប់កើតចេញពីឆន្ទៈ នៃការបោះឆ្នោតរបស់ប្រជាជន និងច្បាប់រដ្ឋធម្មនុញ្ញ។
ទី២. កងទ័ព បានចូលរួមចំណែកពង្រឹងសន្តិសុខ សណ្ឋាប់ធ្នាប់សង្គម និងការថែរក្សានូវសមទ្ធិផល ដែល សង្គមជាតិមាការរីកចំរើន ប្រឆាំងលើការប៉ុនប៉ង ពីជនឱកាសនិយម ដែលធ្វើឱ្យអស្ថេរភាពនយោបាយ បង្កការរាំងស្ទះ ក្នុងការអភិវឌ្ឍន៍ប្រទេសជាតិ។
ទី៣.កងទ័ពក៏បានចូលរួមទប់ស្កាត់រាល់សង្គ្រាមមនោគមន៍វិជ្ជា ផ្តួលរលំរាជរដ្ឋាភិបាល និងអំពើភេរវកម្មនៅក្នុងប្រទេស។ ទី៤.ជម្រុញដល់យោធិនឱ្យយល់ដឹង លើការចួលរួមអភិវឌ្ឍន៍ប្រទេសជាតិ ទប់ស្កាតបទល្មើសផ្សេងៗ រួមទាំងសារពើពន្ធ ដើម្បីបង្កើនប្រាក់ចំណូល ជួយសង្គមជាតិ។
ទី៥.មេបញ្ជាការគ្រប់អង្គភាព ត្រូវចូលរួមឱ្យសកម្មជាមួយយោធិន ធ្វើការគ្រប់គ្រងកម្លាំង ជាប្រចាំ ទប់ស្កាត់រាល់ការលំហូរចូល រាល់ការវាយប្រហារ បញ្ហានយោបាយ ក្នុងអង្គភាពយោធា ដែលឈានដល់ការប្រើប្រាស់អាវុធ ទៅក្រៅអង្គភាពខុសនឹងនីតិវិធីច្បាប់។
ទី៦. កងទ័ពត្រូវលុបបំបាត់ឱ្យអស់នូវភាពអសកម្ម ដែលប៉ះពាល់សិទ្ធិប្រជាជន ធ្វើឱ្យបាត់ជំនឿទុកចិត្តពីប្រជាជន និងត្រូវអនុវត្តន៍ពាក្យស្លោកថា ពេលនៅឱ្យគេស្រឡាញ់ ពេលឱ្យគេរលឹក។
បន្ទាប់មកឯកឧត្តម ក៏បានមានប្រសាសន៍បន្ថែមថា ចំពោះចំណុចទាំងនេះហើយ គ្រប់យោធិនទាំងអស់ ត្រូវមានវិន័យហ្មឺងម៉ាត់ និងមានសត្ថភាពគ្រប់គ្រាន់ ដើម្បីឆ្លើយតប ប្រកបដោយមានប្រសិទ្ធិភាព រាល់សភាពការណ៍កើតឡើង និងបំពេញតាមតម្រូវការរបស់ប្រជាពលរដ្ឋ។.