ស្ទឹងត្រែង៖ជនសង្ស័យខ្មែរ៤នាក់ឡាវម្នាក់ពាក់ព័ន្ធនិងការជួញដូរប្រើប្រាស់ចែកចាយគ្រឿងញៀន ដែលកំលាំងអាវុធហត្ថខេត្តឃាត់ខ្លួនបានជាបន្តបន្ទាប់នោះ នៅរសៀលថ្ងៃទី១៨សីហាឆ្នាំ២០១៥នេះ ត្រូវបាននាំខ្លួនទៅកាន់តុលាការដើម្បីចាត់ការបន្តទៀត។
ជនសង្ស័យខ្មែរ៤នាក់ ត្រូវបានសមត្ថកិច្ចឃាត់ខ្លួននៅថ្ងៃទី១៧សីហានៅចំនុចភូមិរាជានុកូលសង្កាត់ក្រុងខេត្តស្ទឹងត្រែង។ចំណែកឡាវម្នាក់ឃាត់ខ្លួននៅរសៀលថ្ងៃ១៧សីហា នៅចំនុចភូមិរិទ្ធីសែនមានជ័យ ក្នុងសង្កាត់សាមគ្គីក្រុង ខេត្តស្ទឹងត្រែង។
លោកវរសេនីយ៍ទោដួង វិចិត្រប្រធានមន្ទីរព័តិ៍មាននិងសន្តិសុខអាវុធហត្ថខេត្តបានអោយដឹងថា
ជនសង្ស័យខ្នែរ៤នាក់និងឡាវម្នាក់ដែលកំលាំងអាវុហត្ថឃាត់ខ្លួនបានមនោះ មាន១ឈ្មោះស្រី រដ្ឋាភេទប្រុស អាយុ៣០ឆ្នាំជនជាតិខ្មែរ ជាមន្ត្រីយោធា រស់នៅភូមិហាងខូសួន សង្កាត់សាមគ្គី ក្រុងស្ទឹងត្រែង ២ឈ្មោះណែម ស៊ីចាន់ភេទប្រុស អាយុ៣៦ឆ្នាំ ជាមន្ត្រីយោធា ៣ឈ្មោះណែម ស៊ីថុន ភេទប្រុសអាយុ៤៥ឆ្នាំ មន្ត្រីយោធា ទាំង២នាក់នេះ រស់នៅភូមិ ប៊ុនរ៉ានីសែនជ័យ ឃុំក្បាលរមាស ស្រុកសេសានខេត្ត៤ឈ្មោះកន ចាន់ធានី (ហៅចយ)ភេទប្រុសអាយុ២៥ឆ្នាំមុខរបរនៅផ្ទះរស់នៅភូមិហាងខូបាន សង្កាត់ក្រុងស្ទឹងត្រែង។ចំណែកជនង្ស័យឡាវម្នាក់ពាក់ព័ន្ធនិងការជួញដូរគ្រឿងញៀនឆ្លងដែនចូលមកទឹកដីកម្ពុជាមានឈ្មោះឡៃ សៃ ភេទប្រុស អាយុ២៧ឆ្នាំ(ជនជាតិឡាវ)មុខរបរធ្វើស្រែចំការ រស់នៅភូមិប៉ាក់សង ស្រុ កប៉ាក់សេ ខេត្តចំប៉ាសាក់ ប្រទេសឡាវ។
លោកប្រធាមន្ទីព័តិ៍មាននិងសន្តិសុខបានបន្តអោយដឹងទៀតថាជនសង្ស័យទាំង៥នាក់ក្នុងនោះមានឡាវម្នាក់ ដែលកំលាំងអាវុធហត្ថឃាត់ខ្លួនបាន ជនជាតិខ្មែរ៤នាក់ គឺពាក់ព័ន្ធនិងការធ្វើសកម្មភាពចែកចាយប្រើប្រាស់គ្រឿងញៀននៅក្នុងក្រុងស្ទឹងត្រែង។ចំណែកឡាវម្នាក់គឺបាននាំគ្រឿងញៀនចូលមកទឹកដីកម្ពុជា ក្រោយពីមានការឃ្លាំមើលរបស់កំលាំងអាវុធហត្ថ នៅតាមគោលដៅទើបបានឈានទៅធ្វើការឃាត់ខ្លួនឡាវម្នាក់និងខ្មែរ៤នាក់ជាបន្តបន្ទាប់ រួមនិងថ្នាំញៀន៥កញ្ចប់តូចនិងម៉ូតូ២គ្រឿងសម្ភារៈបំរើសារធាតុញៀនខុសច្បាប់មួយចំនួន ផងដែរ។
បច្ចុប្បន្នជនសង្ស័យទាំង៥នាក់ខ្មែរ៤នាក់ឡាវម្នាក់រួមនិងសម្ភារៈខុសច្បាប់មួយចំនួននៅរសៀលថ្ងៃទី១៨សីហានេះ ត្រូវបានកំលាំងជំនាញនៃកងរាជអាវុធហត្ថខេត្តស្ទឹងត្រែងបានកសាងសំណុំរឿងនាំខ្លួនទៅកាន់អយ្យការអមសាលាដំបូងខេត្តស្ទឹងត្រែងដើម្បីចាត់ការបន្តតាមនីតិវិធីច្បាប់៕