បន្ទាយមានជ័យ:បុរសជាជនជាតិខ្មែរពីរនាក់ត្រូវបានសមត្ថកិច្ចថៃបញ្ជូនមកកម្ពុជាវិញតាមច្រកអន្តរជាតិប៉ោយប៉ែតកាលពីរសៀលថ្ងៃទី18សីហា2015បន្ទាប់ពីិពលរដ្ឋកម្ពុជាទាំងពីនេះត្រូវបានចាប់ឃុំខ្លួនក្នុងទឹកដីថៃអស់រយះពេល48ថ្ងៃពីបទនាំយកបារីបីសុងតាមខ្លួនចូលដីថៃ។
តាមការអោយដឹងពីសមត្ថកិច្ចនគរបាលអន្តោប្រវេសន៍ច្រកទ្វារ ប៉ោយប៉ែតលោក សេម មករា បានអោយដឹងថា ជនរងគ្រោះទាំងពីរនាក់មានឈ្មោះង៉ា រស់ អាយុ៣៩ឆ្នាំនិងឈ្មោះ ភា តាន់ អាយុ ២២ឆ្នាំ ។អ្នកទាំងពីរមានទីលំនៅក្នុងខេត្តបាត់ដំបងហើយត្រូវបានចាប់ខ្លួនកាលពីខែមិថុនាខណះដែលនាំយកបារីចំនួនបីសុងឆ្លងចូលទៅក្នុងទឹកដីថៃ។
សមត្ថកិច្ចបានអោយដឹងទៀតថាច្បាប់ប្រទេសថៃបានហាមដាច់ខាតមិនអោយមានការនាំចូលបារីពីប្រទេសជិតខាងដោយខុសច្បាប់ចូលទៅប្រទេសខ្លួនទេ ដោយម្នាក់កាន់បានតែបួនទៅប្រាំកញ្ចប់រឺអាចកាន់បានមួយសុងបើលើសពីនេះត្រូវតែមានទោស។តែផ្ទុយទៅវិញពលរដ្ឋថៃដែលឆ្លងដែនមកកម្ពជាតាមច្រកអន្តរជាតិប៉ោយប៉ែតភាគច្រើនពេលត្រឡប់ទៅវិញបង្កប់បារីតាមខ្លួនជាច្រើនសុងចូលទៅលក់នៅស្រុកខ្លួនវិញ។
បន្ទាប់ពីបញ្ជូនដល់និងមានការអប់រំពី សំណាក់សមត្ថកិច្ចជំនាញ អង្គការដៃគូព្រមទាំងធ្វើកិច្ចសន្យា បុរស ទាំងពីបានវិលត្រឡប់ទៅលំនៅដ្ឋានវិញហើយ។