ប៉ៃលិន៖ នៅព្រឹកថ្ងៃទី២០ ខែសីហា ឆ្នាំ២០១៥ លោក ស៊ុន យី ប្រធានក្រុមការងារគណបក្សប្រជាជនកម្ពុជាចុះជួយភូមិបរតាំងស៊ូ បានចុះពង្រឹង និងសំណោះសំណាលជាមួយសមាជិកបក្ស ដោយមានការចូលរួមពីលោក ឡុង សុឃាវី ក្រុមការងារចុះជួយភូមិបរតាំងស៊ូ។ ពិធីនេះប្រព្រឹត្តទៅនៅភូមិបរតាំងស៊ូ សង្កាត់បរយ៉ាខា ក្រុងប៉ៃលិន ខេត្តប៉ៃលិន ។បន្ទាប់ពីក្រុមការងារ បានអាននូវរបាយការណ៏រួចមកលោក ស៊ុន យី ប្រធានក្រុមការងារចុះពង្រឹងនៅភូមិបរតាំងស៊ូ បានមានប្រសាសន៍លើកឡើងថា៖ ក្នុងការចុះពង្រឹងសមាជិកក្រុមបក្សមានសារៈសំខាន់
ណាស់គឺធ្វើអោយមានមូលដ្ឋានជាក់លាក់ ។ លោកបន្តថា ចំពោះធ្វើបច្ចុប្បន្នភាពសមាជិកបក្ស គឺចង់ដឹងចំនួនប្រជាពលរដ្ឋពិតប្រាកដ ព្រោះកន្លងមកប្រជាពលរដ្ឋមានតែតួលេខច្រើន តែជាក់ស្តែងមនុស្សមានតិច ដូច្នេះប្រធានសាខាបក្សភូមិត្រូវពិនិត្យបញ្ហានេះអោយបានច្បាស់ហើយធ្វើរបាយ
ការណ៍ជូនថ្នាក់លើអោយបានដឹងផង។ លោកបន្ថែមថា ប្រធានសាខាក្រុមបក្សមានតួនាទីយ៉ាងសំខាន់ ព្រោះប្រធានក្រុមបក្សរស់នៅជាមួយប្រជាពលរដ្ឋពិតប្រាកដ ដឹងសុខ ដឹងទុក្ខ និងការរស់នៅរបស់ពួកគាត់ ដូច្នេះបើសិនមានបងប្អូនណាម្នាក់មានបញ្ហាអ្វីកើតឡើងក្នុងក្រុម សូមរាយការណ៍មកក្រុមការងារយើងជាបន្ទាន់ ដើម្បីអោយក្រុមការងារចុះដោះស្រាយជួយពួកគាត់តាមលទ្ធភាពជាក់ស្តែង។
លោកក៏បានសំណូមពរដល់សមាជិកបក្សទាំងអស់ត្រូវបន្តថែរក្សាសន្តិភាព ស្ថិរភាព សន្តិសុខ និងសណ្តាប់ធ្នាប់សង្គមអោយបានរឹងមាំ បន្តអនុវត្តគោលនយោបាយ ភូមិ ឃុំ មានសុវត្តិភាពរបស់រាជរដ្ឋាភិបាលអោយមាន ប្រសិទ្ធភាព ព្រមទាំងពង្រឹងសមាជិកបក្សដែលមានស្រាប់ និងពង្រីកសមាជិកថ្មីក្នុងជួរយុវជន និងគណបក្សដ៏ទៃបន្ថែមទៀត ជាពិសេស ក្រុមការងារទាំងអស់ត្រូវបន្តយកចិត្តទុកដាក់ពង្រឹងសាមគ្គី ឯកភាពផ្ទៃឲ្យបានរឹងមាំ ដើម្បីបន្តអនុវត្តការងារកសាងកម្លាំងបក្សនៅមូលដ្ឋានអោយបានបន្ថែមទៀត៕
