ខេត្តបន្ទាយមានជ័យ៖កាលពីល្ងាចថ្ងៃទី២១ខែសីហាឆ្នាំ២០១៥នៅសាលប្រជុំគណបក្សប្រជាជនកម្ពុជាខេត្តមន្ត្រីគណបក្សប្រជាជនកម្ពុជាបានចុះពង្រឹងយុវជនគណបក្ស ឃុំ សង្កាត់ មានចំនួន៣៣០នាក់ដើម្បីយកទៅអនវត្តន៍គោលនយោបាយរបស់គណបក្សប្រជាជនកម្ពុជា
។ពិធីនេះមានការចូលរួមលោកលីសារីអភិបាលរងខេត្តបន្ទាយមានជ័យ លោកឡាយគីមលី សមាជិកយុវជនបក្សថ្នាក់កណ្តាល មន្ត្រីជាន់ខ្ពស់បក្សនិងយុវជនបក្ស ឃុំសង្កាត់ចំនួន៣៣០នាក់។លោកឡាយគឹមលីបានមានប្រសាសន៍ថាការតែងតាំងគណៈកម្មាធិការយុវជនគណៈបក្សសង្កាត់មានសង្កាត់អូរអំបិលមានសមាសភាព១០នាក់សង្កាត់ព្រះពន្លាមានសមាជិក៤១នាក់សង្កាត់កោះពងសត្វមានសមាសភាព២០នាក់សង្កាត់ទឹកថ្លាមានសមាជិក៤៧នាក់សង្កាត់ម្កាក់មានសមាជិក៤៦នាក់សង្កាត់កំពង់ស្វាយមានសមាជិក៥១នាក់សង្កាត់ភ្នៀតមានសមាជិក៤០នាក់។លោកឡាយគឹមលីបានបន្តទៀតថាយុវជនបក្សសង្កាត់និងយុវជនបក្សភូមិមានភារកិច្ចដូចជាក្តាប់ឲ្យជាប់នូវកម្មវិធីនយោបាយគោលការណ៍និងសេចក្តីសម្រេចចិត្តនានារបស់បក្ស។ត្រូវបញ្ជៀបកម្មវិធីនយោបាយ គោលការណ៍ គោលនយោបាយនិងសេចក្តីសម្រេចចិត្តនានារបស់គណៈបក្សក្នុងជួរយុវជនសំដៅលើកកំពស់ស្មារតីភ្ញាក់រលឹកមានជំនឿជឿជាក់លើការដឹកនាំរបស់បក្សទៅបោះឆ្នោតជូនគណៈបក្សប្រជាជនកម្ពុជា។យុវជនគណបក្សប្រជាជនកម្ពុជាដែលទើបតែងតាំងថ្មីបានធ្វើការប្តេជ្ញាចិត្តថាយកឲ្យអស់ពីកម្លាំងកាយចិត្តព្រមទាំង ធានាបាននូវសាមគ្គីភាពផ្ទៃក្នុងយ៉ាងរឹងមាំដើម្បី សម្រាលទុក្ខលំបាកនានារបស់ប្រជាពលរដ្ឋដែលកើតមានឡើងដោយសារគ្រោះមហន្តរាយ, ការជួយសង្គ្រោះជីវិតមនុស្ស និងឈានទៅរកការបញ្ឈប់ការរើសអើងគ្រប់ប្រភេទ លុបបំបាត់គ្រឿងញៀន និងល្បែងពាលា ដែលបង្កគ្រោះថ្នាក់ធ្ងន់ធ្ងរដល់យុវជន និងសង្គមជាតិ បន្តរក្សាបាននូវចិរភាព នៃកិច្ច អភិវឌ្ឍន៍បរិស្ថាន សន្តិភាព និងបន្តពង្រឹងពង្រីកកម្លាំងយុវជនឲ្យស្ថិតនៅជាកម្លាំងស្នូលសម្រាប់ការងារ ជួយសង្គ្រោះនានា រួមចំណែកដល់ការលើកកម្ពស់វឌ្ឍនភាព និងសេចក្តីថ្លៃថ្នូររបស់មនុស្សជាតិគ្រប់ៗគ្នា៕
