ស្ទឹងត្រែង៖ជនសង្ស័យ៣នាក់ពាក់ព័ន្ធនិងករណីចែកចាយប្រើប្រាស់គ្រឿងញៀនម្នាក់បានរត់គេចខ្លួន២នាក់ត្រូវបានអាវុធហត្ថឃាត់ខ្លួន បញ្ជូនទៅតុលាការនា ព្រឹកថ្ងៃទី២២ខែសីហាឆ្នាំ២០១៥នេះ។ជនសង្ស័យទាំង២នាក់ត្រូវបានកំលាំងអាវុធហត្ថ ធ្វើការឃាត់ខ្លួនកាលពីវេលាម៉ោង ១៩និង៣០នាទីយប់ថ្ងៃទី២០ខែសីហាឆ្នាំ២០១៥នៅចំណុចមុខផ្ទះសំណាក់សុផល ស្ថិតក្នុងភូមិត្រពាំងព្រីងសង្កាត់ ក្រុងស្ទឹងត្រែង។លោកវរសេនីយ៍ទោដួង វិចិត្រប្រធានមន្ទីព័ត៍និងសន្តិសុខអាវុធហត្ថខេត្តបានអោយដឹងថាជនសង្ស័យ២នាក់ដែលសមត្ថកិច្ចឃាត់បញ្ជូបទៅតុលាការមាន១ឈ្មោះឌឿ រិទ្ធីសិទ្ធភេទប្រុស អាយុ១៧ឆ្នាំជនជាតិខ្មែរ ២ឈ្មោះឈន ឌីណា 
ហៅមែន ភេទប្រុស អាយុ២៦ឆ្នាំជានជាតិខ្មែរ អ្នកទាំង២រស់នៅក្នុងភូមិងរាជានុកូល សង្កាត់ក្រុងស្ទឹងត្រែង។ចំណែកម្នាក់ដែលរត់គេចខ្លួន មានឈ្មោះសី ហាភេទប្រុសអាយុ២១ឆ្នាំជនជាតិខ្មែរ មុខរបរមិនពិប្រាកដរស់នៅភូមិជាមួយជនសង្ស័យខាលើ។
លោកវរសេនីយ៍ទោបានបន្តអោយដឹងទៀតថាការឃាត់ខ្លួនសង្ស័យ២នាក់ខាងលើ ស្ថិតក្រោមការអង្កេតបទល្មើសជាក់ស្តែង និងវិធានញុះញង់បណ្តាញភ្នាក់ងាររបស់អាវុធហត្ថ ក្រោយពីស៊ើបអង្កេតដឹងថាពួកគេពាក់ព័ន្ធនិងចែកចាយប្រើប្រាស់នូវសាធតុញៀនខុសច្បាប់។
លោកបន្តថាក្រោយពីស្រាវជ្រាវដឹងថាពួកគេមានការពាក់ព័ន្ធក្នុងករណីខាងលើនោះ សមត្ថកិច្ចបានរៀបចំវិធានញុះញង់លក់ ទិញ ទើបឈានដល់ការឃាត់ខ្លួនជនសង្ស័យទាំង២នាក់រួមនិងវត្ថុតាងថ្នាំញៀន២កញ្ចប់តូច ខណជនសង្ស័យធ្វើសកម្មភាព នាំយកគ្រឿងញៀនទៅបក្ស ពួកគេនៅចំណុចមុខផ្ទះសំណាក់សុផលនិងឃាត់ខ្លួនបញ្ជូនទៅកាន់ទីបញ្ជាការអាវុធហត្ថខេត្ត។ ជនសង្ស័យទាំង២នាក់ត្រូវបានអាវុធហត្ថរៀបចំសំណុំរឿងរួចរាល់ នៅរសៀលថ្ងៃទី២២សីហានេះបានបញ្ជូនខ្លួនទៅកាន់តុលាការ ដើម្បីចាត់ការបន្តទៅតាមនីតិវិធីច្បាប់៕
