ខេត្តកំពង់ឆ្នាំង៖ លោកជំទាវ កែ ច័ន្ទមុនី អ្នកតំណាងរាស្ត្រគណបក្សប្រជាជនកម្ពុជាមណ្ឌលកំពង់ឆ្នាំងនៅរសៀលថៃ្ងទី២៣ ខែសីហា ឆ្នាំ២០១៥ រួមដំណើរដោយលោកជំទាវ ប៉ាល់យឿន អភិបាលរងខេត្ត,លោក ថោង ចំរើន ប្រធានមន្ទីរសង្គមកិច្ចខេត្ត,លោកស្រី ឈុំ ចាន់សុខ
ប្រធានមន្ទីកិច្ចការនារីខេត្តព្រមទាំងមន្ត្រីសហភាពសហព័ន្ធស្រុករលាប្អៀរ បានចុះសាកសួរសុខទុក្ខនាំ និងប្រគល់ផ្ទះជាជំនួយសប្បុរសធម៌១ខ្នង ជូនលោកយាយទុរគត៌ចាស់ជរាគ្មានទីពឹងម្នាក់ឈ្មោះសៅ ព្រីង អាយុ៧១ឆ្នាំ រស់២នាក់ចៅស្រីអាយុ៦ឆ្នាំនៅលើដីគេ នៅភូមិព្រៃខ្មែរ ឃុំរលាប្អៀរ ស្រុករលាប្អៀរ។
លោក ចក់ កែវចំរើន ប្រធានការិយាល័យនៃមន្ទីរសង្គមកិច្ចខេត្តបានអោយដឹងថា៖ ដោយពិនិត្យឃើញសភាពលំបាកជាក់ស្តែងរបស់លោកយាយខាងលើ លោកជំទាវ កែ ច័ន្ទមុនី,លោកជំទាវ ដោក សុទ្ធា ,ឯកឧត្តម ឈួរ ច័ន្ទឌឿន អភិបាលខេត្ត ,លោក ម៉មឈឿម និងលោក ថោង ចំរើន បានចំណាយថវិកាផ្ទាល់ខ្លួន និងថវិកាបានចូលរួមពីសប្បុរសជន បាននាំគ្នាធ្វើផ្ទះជូនលោកយាយ មានទំហំ៣,៥ម៉ែត្រគុណនិង៣,៥ម៉ែត្រ ធ្វើពីឈើប្រកស័ង្កសី ជញ្ជាំងស័ង្កសី និងចាក់សាបខាងក្រោម ហើយផ្ទះលោកយាយចាប់ធ្វើពីថៃ្ងទី១៨ រួចរាល់នៅថៃ្ងទី២៣ ខែសីហា នេះ ដែលចំណាយទឹកប្រាក់អស់ចំនួន៨២៣ដុល្លា ថវិកាទាំងនេះ បានមកពីការជួយឧបត្ថម្ភរបស់សប្បុរសជនមួយចំនួនទៀតរួមមាន៖ ឯឧត្តម លាង សេង ,លោក ផែង វណ្ណៈ,លោក យ៉ង់ សៅវុឌ្ឍី,លោកជំទាវ កែ សុភារី,លោក ស្រី ឡុញពិសា,លោក ហ៊ុន លី,លោក ជិន សុផាត,លោក ប៊ឿន ប៊ុនថន,លោក សេង វិចិត្រ,លោកស្រី គង់ វិសាខា,លោកស្រី លី ឡាយ,លោក ឈាង ចន្ធី,លោកស្រី សោម ឡាង,ព្រះចៅអធិការ វត្តភ្នំរាប់បាត និងមានថវិកាខ្លួនលោកផ្ទាល់មួយចំនួនផងដែរ។
ក្នុងឱកាសនោះលោកជំទាវ កែ ច័ន្ទមុនី បានពាំនាំនូវប្រសាសន៍ផ្តាំផ្ញើ សាកសួរសុខទុក្ខរបស់សម្តេចអគ្គមហាសេនាពញាចក្រី ហេង សំរិន ប្រធានរដ្ឋសភា សម្តេចអគ្គមហាសេនាបតីតេជោ ហ៊ុនសែននាយករដ្ឋមន្ត្រី សម្តេចគតិព្រឹទ្ធិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលកន្លងមកសម្តេចតែងតែនឹករលឹក គិតគូរពីសុខទុក្ខ ពីផលលំបាកក្នុងការរស់នៅរបស់បងប្អូននៅគ្រប់ទីកន្លែងនៅពេលដែលមានទុក្ខលំបាក គឺសម្តេចតែងជួយដល់បងប្អូនគ្រប់ៗគ្នាទាំងអស់ដោយមិនប្រកាន់ពូជសាសន៍ និងនិន្នាការនយោបាយឡើយ។
លោកជំទាវបានលើឡើតទៀតថា៖ទោះបីផ្ទះនេះវាតូចល្មម តែវាអាចជួយអោយលោកយាយស្នាក់នៅជាមួយចៅបានមួយគ្រាផងដែរ។លោកជំទាវបានបន្តថា៖ផ្ទះមនុស្សធម៌នេះចាប់ពីថ្ងៃនេះទៅ ជាកម្មសិទ្ធិរបស់លោកយាយនិងចៅសំរាប់ស្នាក់នៅរហូត ហើយ លោកជំទាវក៏បានផ្តាំផ្ញើដល់លោកយាយ សៅព្រីង ត្រូវខិតខំថែរក្សាសុខភាពដោយរស់នៅស្អាតហូបស្អាតផឹកស្អាតទើបមានសុខភាពល្អ។
លោកយាយសៅព្រីងនិងចៅស្រី បានសម្តែងនៅទឹកចិត្តសប្បាយរីករាយយ៉ាងខ្លាំងដល់សម្តេចអគ្គមហាពញាចក្រីហេងសំរិន,សម្តេចអគ្គមហាសេនាបតីតេជោហ៊ុនសែន,សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន និងលោកជំទាវ ឯកឧត្តម ព្រមសប្បុរសជនទាំងអស់ដែលបានជួយសំរាលការលំបាករបស់គាត់និងចៅស្រី និងសូមគោរពជួនពរដល់សម្តេច,ឯកឧត្តម លោកជំទាវលោកលោកស្រីនិងសប្បុរសជនទាំងអស់ សូមទទួលបានជ័យជំនះគ្រប់តួនាទីភារកិច្ច ដើម្បីដឹកនាំប្រទេសជាតិប្រកបដោយសុខសន្តិភាព និងភាពសម្បូរសប្បាយរុងរឿងរហូតតទៅ៕
