ខេត្តបន្ទាយមានជ័យ៖ព្រឹកថ្ងៃទី២៤ខែសីហាឆ្នាំ២០១៥នៅសាលប្រជុំសាលាខេត្តបន្ទាយមានជ័យស្មៀនឃុំ ចៅសង្កាត់ មេឃុំនិងមន្ត្រីពាក់ព័ន្ធជាច្រើននាក់បានចូលមករៀនវគ្គបណ្តុះបណ្តាលអំពីបច្ចេកទេសបញ្ជីថវិការឆ្នាំ២០១៥ដល់ឆ្នាំ២០១៦។ពិធីនេះមានការចូលរួមលោក
ចុងផែត អភិបាលរងខេត្តបន្ទាយមានជ័យលោកប៉ង់ប្រុស ប្រធានការិយាល័យកសាងសត្តភាពនិងសិក្ខាកាមជិត៣០០នាក់បានចូលរៀនវគ្គនេះផងដែរ។លោកចុងផែតបានមានប្រសាសន៍ថាវគ្គបណ្តុះបណ្តាលដល់ស្មៀនឃុំ សង្កាត់នេះគឺដើម្បីពង្រឹងសមិត្តភាពបន្ថែមដល់ក្រុមប្រឹក្សា និងស្មៀនឃុំ ចៅសង្កាត់ និងឃុំក្នុងដំណើរការគាំទ្រដល់គណកម្មាធិការកសាងផែនការនិងថវិកាឃុំ និងសង្កាត់លើការបិទបញ្ជីថវិការប្រចាំឆ្នាំ២០១៥និងការរៀបចំគំរោងថវិការឆ្នាំ២០១៦និងកិច្ចការបញ្ជីការផ្នែករជ្ជទេយ្យបុរេប្រទានថ្នាក់ក្រោមជាតិនិងរជ្ជទេយ្យការចំនូលរួមទាំងការចុះបញ្ជីសារពើភ័ណ្ឌទ្រព្យសម្បត្តិឃុំ សង្កាត់ដើម្បីដាក់ជូនឯកសារទាំងនេះសុំអនុលោមភាពពីលោកអភិបាលខេត្ត។លោកបានបន្តទៀតថាស្មៀនឃុំ សង្កាត់ និងឃុំត្រូវបិទបញ្ជីគណនរយ្យភាពថវិការឆ្នាំ២០១៥ឲ្យមានប្រសិទ្ធភាពនិងទាន់ពេលវេលា និងរៀបចំគំរោងថវិការឆ្នាំ២០១៦ដោយមានការចូលរួមដោយតម្លាភាពនិងទាន់ពេលវេលាស្មៀនឃុំ សង្កាត់ត្រូវចុះបញ្ជូសារពើភ័ណទ្រព្យសម្បត្តិ ឃុំ សង្កាត់ ដែលជាផ្នែកមួយនៃការបិទបញ្ជីថវិការឆ្នាំ២០១៥ព្រោះកិច្ចបញ្ជីការផ្នែករជ្ជទេយ្យបុរេប្រទានថ្នាក់ក្រោមជាតិនិងរជ្ជទេយ្យករចំណូលចំណាយឲ្យបានទាន់ពេលវេលា៕
