កំពង់ធំ=នៅរសៀលថ្ងៃទី២៥ ខែសីហាវេលាម៉ោង៤និង២៥នាទី មានហេតុការគ្រោះថ្នាក់ចរាចរណ៍មួយបានកើតឡើងនៅចំនុច ក្បែរផ្សារថ្នល់បែក ស្ថិតនៅក្នុងភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំរវាង ម៉ូតូនិងត្រាក់ទ័រ ដែលប្រជាពលរដ្នចាត់ទុកថាជា
សំណាងក្នុង១ម៉ឺនគ្រោះថ្នាក់ក្នុងហេតុការនេះធ្វើអោយមានការភ្ញាក់ផ្អើលយ៉ាងខ្លាំង ដល់ អ្នកដែលរស់នៅក្បែរនោះ។
តាមប្រភពពត័មានពីកន្លែងកើតហេតុ បានអោយដឹងថា ដំបូងគេឃើញម៉ូតូម៉ាក សង សេ១២៥ ពណ៍ខ្មៅ សេរី២០០៨ មួយគ្រឿង ពាក់ផ្លាកលេខ AL៩៨៨៧ បើកបរដោយស្ដ្រីម្នាក់អាយុ ៣៨ឆ្នាំរួមដំណើរជាមួយកូនប្រុសម្នាក់បើកមកដល់ចំនុចកើតហេតុ ក៏ឈប់ដើម្បីពាក់មួកសុវត្ថិភាព ព្រោះក្លាយប៉ូលិស ផាក គាត់ឈប់នៅលើចិញ្ចើមថ្នល់កៅស៊ូមិនបានរកកន្លែងឈប់អោយមានសុវត្ថិភាពនោះទេ ជួនពេលនោះត្រាទ័របានបើកមកដល់ក្នុងទិសដៅស្របគ្នា ពីជើងទៅត្បូងក៏បានប៉ះផាលត្រាទ័រចំគូទម៉ូតូផ្នែកខាងក្រោយ ធ្វើអោយទាំង២នាក់ម៉ែនិងកូនដួលទៅរកខាងចិញ្ចើមថ្នល់ តែបើដួលមកខាងទ្រូងថ្នល់វិញម្លេះសមត្រាទ័រកិចស្លាប់ជាមិនខាន។
អ្នកបើកត្រាកទ័រ ឈ្មោះ សៀក អាយុ ៤០ឆ្នាំ បានបើកបរត្រាក់ទ័រចេញពីភ្នំដែក ខេត្តព្រះវិហារ ឆ្ពោះទៅផ្ទះនៅក្នុងភូមិ ខ្វែក ឃុំ កំពង់ថ្ម ស្រុកសន្ទុក ខេត្តកំពង់ធំ ចំណែកអ្នកបើកបរម៉ូតូ ឈ្មោះហេង វៀត អាយុ ៣៨ឆ្នាំ និងកូនឈ្មោះ សួរឋិត អាយុ ៨ឆ្នាំ រស់នៅភូមិ តារាម ឃុំ ត្បែង ស្រុកកំពង់ស្វាយ ខេត្តកំពង់ធំ ដោយម្ដាយរបួសក្បាល និងកូន រលាតជើង ខាងឈ្វេងតិចតួច ក្រោយមក សមត្ថកិច្ចមកធ្វើការវាស់វែង ធ្វើកំណត់ហេតុ ដោយម្ចាស់នៃភាគីទាំងសងខាង ព្រមសំរួលគ្នាដើម្បីបញ្ចប់រឿង ៕ប៊ុន រិទ្ធី
