ខេត្តកំពង់ឆ្នាំង៖ « នៅឆ្នាំ២០២៤រដ្ឋបាលជលផលនិងបង្កើនត្រីអោយបាន១៥០ម៉ឺនតោន
សំរាប់សេចក្តីត្រូវការរបស់ប្រជាពលរដ្ឋកម្ពុជា » លោកបណ្ឌិត ហាវ វិសិដ្ឋ អនុប្រធាននាយកដ្ឋានរដ្ឋបាលជលផល បានថ្លែងបែបនេះនៅក្នុងពិធីលេងត្រីមេពូជធំៗ ចំនួន១០០ គីឡូក្រាមនៅក្នុងបឹងជម្រកត្រី ចាន់គៀក ក្នុងភូមិក្រឡាញ់ ឃុំអូរឬស្សី ស្រុកកំពង់ត្រឡាច កាលពីព្រឹកថ្ងៃទី២៤ ខែសីហា ឆ្នាំង២០១៥។លោកបណ្ឌិត ហាវ វិសិដ្ឋ បាននិយាយអោយដឹងទៀតថា៖ តាមការវាយតម្លៃរបស់អន្តរជាតិ ប្រទេសកម្ពុជាបានជាប់ចំណាត់ថ្នាក់លេខ៤ ជាប្រទេសដែលសំបូរត្រីទឹកសាប បន្ទាប់ពីប្រទេសចិនលេខ១ ឥណ្ឌាលេខ២ បង់ក្លាដេសលេខ៣ និងប្រទេសកម្ពុជាយើងជាប់លេខ៤។
ឆ្លើយតបជាមួយចំណាត់ថ្នាក់ខាងលើនេះ និងដើម្បីឆ្លើយតបនូវសេចក្តីត្រូវការរបស់ប្រ ជាពលរដ្ឋនៅតាមមូលដ្ឋាន អគ្គនាយកដ្ឋានរដ្ឋបាលជលផល បានដាក់ចេញផែនការបង្កើន
ផលត្រីពីពេលនេះ ដល់ឆ្នាំ២០២៤អោយបានត្រីចំនួន ១៥០ម៉ឺនតោន។ក្នុងនោះបង្កើនត្រីតាម
ទន្លេ បឹងធម្មជាតិ ក្នុងកិច្ចការពារតំបន់អភិរក្សពូជត្រីអោយបាន ៦០០ពាន់តោន បង្កើនត្រីតាម
ការចិញ្ចឹមតាមស្រះវាលស្រែអោយបាន ១១០ពាន់តោន និងចិញ្ចឹមត្រីតាមវារីវប្បកម្មអោយ
បាន ៧៤០ពាន់តោន។ដើម្បីសំរេចបានគោលបំណងនៃផែនការខាងលើ ខណ្ឌ័រដ្ឋបាលជលផល សហគមនេសាទ ត្រូវខិតខំការពារនិងទប់ស្កាត់អោយបានរាល់បទល្មើស កុំអោយកើត
មាននៅក្នុងបឹងបួរ ព្រែកទន្លេ ដែលជាតំបន់អភិរក្សពូជត្រី។
លោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង ដែលបានចូលរួមជាអធិបតី
ក្នុងពិធីលែងមេត្រីពូជ ពេលនេះបានថ្លែងទៅកាន់ប្រជាពលរដ្ឋថា៖លោកជំទាវមានមោទនៈភា ពណាស់នៅពេលដឹងថាប្រទេសកម្ពុជាយើងត្រូវបានអន្តរជាតិអោយចំណាត់ថ្នាក់លេខ៤ ជាប្រទេសសំបូរត្រីទឹកសាប ដែលនេះក៏ដោយសារប្រមុខរាជរដ្ឋាភិបាលយើងមានគោលនយោ
បាយដឹកនាំដ៏ត្រឹមត្រូវក្នុងវិស័យជលផល ដូចជាការរំសាយឡូត៍នេសាទដើម្បីរាស្ត្រជាដើម។
លោកជំទាវបានផ្តាំផ្ញើដល់ប្រជាពលរដ្ឋ និងសហគមនេសាទក្នុងមូលដ្ឋានថា៖សូមរួមគ្នារក្សា
ការពារអោយបាននូវមេពូជត្រីដែលបានលែងក្នុងពេលនេះ ក្នុងបឹងជម្រកត្រីអោយបានគង់វង្ស
អោយមេពូជត្រីបានពងកូងនិងរីកធំធាត់ល្អ និងត្រូវណែនាំប្រជាពលរដ្ឋប្រើប្រាស់ឧបករណ៍នេ សាទតាមច្បាប់ជលផលកំណត់ ដោយត្រូវទប់ស្កាត់អោយបានបទល្មើសក្នុងបឹងជម្រកត្រី។
លោក សោម ភិរុណ នាយខណ្ឌ័រដ្ឋបានជលផលកំពង់ឆ្នាំងបានអោយដឹងថា៖ការលែងត្រីមេពូជធំៗក្នុងបឹងជម្រកត្រីចាន់គៀកក្នុងពេលនេះមានចំនួន១០០គីឡូ ដែលមានត្រី៣ប្រភេ
ទ គឺត្រីអណ្តែង ត្រីរ៉ស់ និងត្រីក្រាញ់ ដែលជាការជួយឧបត្ថម្ភពីគម្រោងសហគមអឺរ៉ុប។ ដោយ
ឡែកនៅថ្ងៃទី២៦ ខែសីហានេះ ខណ្ឌ័រដ្ឋបាលជលផល និងលែងមេពូជត្រីដូចគ្នានេះក្នុងបឹងខ្នារ ជាបឹងជម្រកត្រី នៅភូមិក្រោយវត្ត ឃុំខ្លុងពពក ស្រុកទឹកផុស ជាបន្តទៀត៕