ខេត្តកំពង់ឆ្នាំង៖ថ្នាំញៀនម៉ាទឹកកចំនួន១៥កញ្ចប់ រួមជាមួយអ្នកចែកចាយនិងប្រើប្រាស់ថ្នាំញៀន៣នាក់ត្រូវសមត្ថកិច្ចនគរបាលក្រុង និងនគរបាលប្រឆាំងគ្រឿងញៀនខេត្តឡោមព័ទ្ធចាប់ខ្លួនបាន ក្រោមកិច្ចសហការសម្របសម្រួលពីលោកនិងលោកស្រី ព្រះរាជអាជ្ញារងសាលាដំបូង ខេត្ត២រូប។ករណីបង្ក្រាបគ្រឿងញៀននេះបានធ្វើឡើង នៅម៉ោង១០និង១៥នាទី នៅតូបកាត់សក់មួយកន្លែងក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង។
មន្ត្រីសមត្ថកិច្ចការិយាល័យនគរបាលប្រឆាំងគ្រឿងញៀនខេត្តបានអោយដឹងថា៖ករណី
បង្ក្រាបបទល្មើសគ្រឿងញៀននេះ ដឹកនាំដោយលោក ជុន ថារិទ្ធ ស្នងការរងនគរបាលខេត្ត និងដោយមានការសម្រមសម្រួលសហការ របស់លោក ឡង ស៊ីថា និងលោកស្រី សាន ធីតា
ព្រះរាជអាជ្ញារងមកថ្មី អមសាលាដំបូងខេត្តកំពង់ឆ្នាំង។
ជនសង្ស័យដែលចាប់ខ្លួនបាន ១.ឈ្មោះ យ៉ង់ សុភ័ក្ត អាយុ១៩ឆ្នាំ រស់នៅក្នុងភូមិផ្សារលើ សង្កាត់ផ្សារឆ្នាំង រូគេជាអ្នកជិះកង់ដើរចែកចាយថ្នាំញៀន ដែលសមត្ថកិច្ចដកហូតបានមានថ្នាំញៀនចំនួន១៥កញ្ចប់ ២.ឈ្មោះ ចេង សុផល អាយុ៣១ឆ្នាំ រស់នៅភូមិផ្សារលើ មុខរបរជាងកាត់សក់ ជាអ្នកប្រើប្រាស់ថ្នាំញៀន សមត្ថកិច្ចរកឃើញសំភារៈជក់ថ្នាំញៀនមួយចំ
នួន នៅក្នុងតូបកាត់សក់របស់គេ ៣.ឈ្មោះ សន ពិសិដ្ឋ អាយុ៣០ឆ្នាំ មុខរបរជាងអគ្គីសនី រស់នៅភូមិទី១ សង្កាត់ខ្សាម ក្រុងកំពង់ឆ្នាំង សមត្ថកិច្ចចាប់ខ្លួនបាននៅបេនរ៉ឺម៉កដើមស្រល់ផ្សារលើ នៅពេលគេទូរស័ព្ទសុំទិញថ្នាំញៀនពីឈ្មោះ យ៉ង់ សុភ័ក្ត។ចំណែកវត្ថុតាងដែលសម ត្ថកិច្ចរឹបអូសបានមាន ថ្នាំញៀនម៉ាទឹកក១៥កញ្ចប់ ម៉ូតូ១គ្រឿង កង់១គ្រឿង សំភារៈបំរើអោយការជក់គ្រឿងញៀនមួយចំនួន និងទូរស័ព្ទដៃមួយចំនួនផងដែរ។
ជនសង្ស័យទាំង៣នាក់ និងវត្ថុតាង ត្រូវបានសមត្ថកិច្ចការិយាល័យនគរបាលប្រឆាំងគ្រឿ
ងញៀនខេត្ត កសាងសំណុំរឿង តាមនិតិវិធី បញ្ជូនទៅកាន់សាលាដំបូងខេត្ត ដើម្បីចាត់ការ
បន្ត ដោយធ្វើការចោទប្រកាន់ ជុំនំជុំរះ និងផ្តន្ទាទោសតាមផ្លូវច្បាប់៕
