ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថស្រុកព្រះនេត្រព្រះបានចុះសហការជាមួយស្នាក់ការសន្តិសុខ៦៦៦ប្រចាំការនៅភ្នំលៀបចំនួន៥នាក់ដឹកនាំដោយលោកវរ:សេនីយ៍ ស៊ិនរ៉ាស៊ី មេបញ្ជាការមូលដ្ឋានកងរាជអាវុធហត្ថស្រុកព្រះនេត្រព្រះបានចេញល្បាតនៅចំណុចភូមិភ្នំលៀប ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ នៅវេលាម៉ោង១១និ20នាទីយប់ថ្ងៃទី២៤ខែសីហាឆ្នាំ២០១៥បានជួបយុវជន២នាក់កំពុងប្រើប្រាស់គ្រឿងញៀនកំលាំងអាវុធហត្ថបានធ្វើការឃាត់ខ្លួនយកមកមូលដ្ឋានអាវុធហត្ថខេត្តដើម្បីធ្វើការសាកសួរ។
លោកឧត្តមសេនីយ៍ត្រីឨបូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យបានឲ្យដឹងថាជនសង្ស័យ១មានឈ្មោះ ញ៉ែម ព្រឿង ភេទប្រុស អាយុ២៤ឆ្នាំ រស់នៅភូមិ ភ្នំលៀបលិច ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។២មានឈ្មោះ វឿន នូវ ភេទ ប្រុស អាយុ១៨ឆ្នាំ រស់នៅភូមិភ្នំលៀបកើត ឃុំភ្នំលៀប ស្រុកព្រះនេត្រព្រះខេត្តបន្ទាយមានជ័យ។លោកឨបូរិន្ទបាននិយាយបន្តទៀតថាក្រោយពីធ្វើការសាកសួររួចមកទើបសមត្ថកិច្ចឈានដល់ឃាត់ខ្លួនជន
សង្ស័យម្នាក់ទៀតឈ្មោះ សល់ចេក ភេទប្រុស អាយុ២៣ឆ្នាំ រស់នៅភូមិកំពង់ស្វាយ សង្កាត់កំពង់ស្វាយ ក្រុង សិរីសោភ័ណ ខេត្តបន្ទាយមានជ័យកាលពីវេលាម៉ោង៣និង១៥នាទីរសៀលថ្ងៃទី២៥ខែសីហាឆ្នាំ២០១៥ជាអ្នកចែកចាយគ្រឿងញៀន ព្រមទាំងដកហូតវត្ថុតាងរួមមាន១ខេទឹកកក១ថង់តូច២ប្រាក់ខ្មែរ ៤៨០០០រៀល៣ប្រាក់ដុល្លា២ដុល្លា៤ទូរស័ព្ទដៃ៣គ្រឿង៥ម៉ូតូ១គ្រឿងម៉ាកហុងដា សេ១២៥ពណ៍ខ្មៅ ស្លាកលេខ បន្ទាយមានជ័យ ១A ៨៨០២។លោកឨបូរិន្ទបានបន្តទៀតថាជនសង្ស័យទាំង3នាក់និងវត្ថុតាងកំលាំងអាវុធហត្ថខេត្តកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធីច្បាប់៕
