ស្វាយរៀង៖ បុរសម្នាក់ដែលជាបុគ្គលិកបំរើការងារនៅក្នុងកាស៊ីណូ sun city ក្រុងបាវិតបានលង់ទឹកស្រះស្លាបនៅ់ខាងក្រោយកាស៊ីណូរបស់ខ្លួនខណះដែលជនរងគ្រោះនិងមិត្តភក្តិចំនួន៩នាក់បាននាំគ្នាចុះលេងទឹកស្រះក្រោយពេលស្រវឹងស្រាដែលហេតុការណ៍បានកើតឡើងកាលពីវេលាម៉ោង ១៧:០០នាទីល្ងាចថ្ងៃទី២៦ខែមេសាឆ្នាំ២០១។សមត្ថកិច្ចបានឲ្យដឹងថាជនរងគ្រោះមានឈ្មោះ ស្ទែនលីហេនដូកូ ភេទប្រុសអាយុ ២៣ឆ្នាំ ជាជនជាតិឥណ្ឌូណេស៊ីជាបុគ្គលិកកាស៊ីណូ sun city ។
នៅមុនពេលកើតហេតុជនរងគ្រោះនិងមិត្តភក្តិបាននាំគ្នាំផឹកស្រាបណ្តាលឲ្យស្រវឹងក្រោយពេលស្រវឹងហើយនោះក៏នាំគ្នាមកហែលទឹកលេងនៅស្រះខាងក្រោយកាសីុណូប៉ុន្តែពុំបានចុះលេងទឹកទាំងអស់គ្នាទេគឺចុះតែ៤នាក់ដោយឡែក៥ផ្សេងទៀតនៅអង្គុយមាត់ច្រាំងចាំទះដៃអបអរអ្នកហែលទឹកប្រណាំងគ្នាក្នុងស្រះប៉ុន្តែចៃដន្យក៏មានអ្នកលង់ទឹកស្លាប់តែម្តង។
ប្រភពខាងលើបានឲ្យដឹងទៀតថាពេលឃើញមានអ្នកលង់ទឹកដូចច្នេះមិត្តភក្តិរបស់ជនរងគ្រោះខឹតខំព្យាយាមជួយសងគ្រោះដែរប៉ុន្តែហាក់ដូចជាមានអ្វីមកបាំងមុខម្យ៉ាងទៀតស្រះទឹកនោះមានទំហំជាងមួយហិកតានិងមានជំរៅជាង១០ម៉ែត្រទើបពុំហ៊ានចុះទៅជួយ។ក្រោយកើតហេតុខាងកាស៊ីណូបានឲ្យជនជាតិវៀតណាមចុះរាវរកដែរប៉ុន្តែរកពុំឃើញ។
គួររំលឹកផងដែរថា រហូតដល់ព្រឹកថ្ងៃទី២៧ខែមេសាឆ្នាំ២០១៤ខាងកាស៊ីណូបានជួលអ្នកមុជទឹកពីភ្នំពេញចំនួន៣នាក់ក្នុងតំលៃ៣០០០ដុល្លាដើម្បីរុករកសាកសពអស់រយះពេលជាង៣ម៉ោងទើបប្រទះឃើញសាកសពហើយក៏ស្រង់យកមកលើគោកតែម្តងហើយបានយកសាកសពមកតំកល់នៅវត្តពោធិ៍ថ្មីហៅវត្តបាវិតដើម្បីទុកឲ្យគ្រួសាជនរងគ្រោះធ្វើបុណ្យទៅតាមប្រពៃណី៕
