ខេត្តព្រះសីហនុ នេះជាលើកទី២ ក្នុងខែសីហា ដែលនាវាទេសចរណ៍បរទេសធុនយក្យនាំភ្ញៀវមកទស្សនាចរនៅខេត្តព្រះសីហនុ ។លោកវរសេនីយឯក ស៊ាង ឡេង ប្រធានប៉ុស្តិនគរបាលច្រកទ្វាកំពង់ផែអន្តរជាតិខេត្តព្រះសីហនុ បានអោយដឹងថា នៅថ្ងៃទី៣១ ខែសីហា ឆ្នាំ២០១៥ ភ្ញៀវទេសចរបរទេសចម្រុះជាតិសាសន៍ចំនួន ១៨៥២នាក់ ធ្វើដំណើតាមនាវាទេសចរណ៍យក្សមួយគ្រឿងមានឈ្មោះ LEGEND of The SEAS សញ្ជាតិ BAHAMA មកពីប្រទេសថែ ចូលចតកំពង់ផែអន្តរជាតិក្រុងព្រះសីហនុវេលាម៉ោង៨ព្រឹក ក្នុងដំណើទស្សនាចរនៅក្នុងប្រទេសកម្ពុជារយពេលមួយថ្ងៃ មុននឹងធ្វើដំណើចាកចេញទៅកាន់ប្រទេសវៀតណាម នៅវេលាម៉ោង ១៧និងល្ងាចថ្ងៃដដែល ។
លោកវរសេនីយឯក ស៊ាង ឡេង បានអោយដឹងបន្តទៀតថា នាវា Legend of The seas មានបណ្តោយ២៦៤ ម៉ែត្រទទឹង៣២ម៉ែត្រ និងមាននាវឹកសរុបចំនួន ៧៥២នាក់ ដែលមាន ៥៨សញ្ជាតិផ្សេងគ្នា ។ ភ្ញៀវទេសចរដែលធ្វើដំណើរតាមនាវា Legend of the seas មានភ្ញៀចចម្រុះជាតិសាសន៍ចំនួន ១៨៥២នាក់ ក្នុងនោះស្រី ៩៨៦នាក់ មាន៤៦សញ្ជាតិ ផ្សេងគ្នា ក្នុងចំណោមភ្ញៀវមានសញ្ជាតិច្រើនជាងគេ គឺអូស្ត្រាលីចំនួន ៧៦៣នាក់ អង់គ្លេស២៣០នាក់ ញូសឺឡែន ១៣០នាក់ និងក្រៅពីនោះមានភ្ញៀវទសចរសញ្ជាតិផ្សេងៗជាច្រើននាក់ទៀត ។
លោកវរសេនីយឯក ស៊ាង ឡេង បានបញ្ជាក់ថា មុនពេលនាវាចូលមកដល់កំពង់ផែរមន្ត្រីរបស់យើងបានឡើងទៅលើនាវាដើម្បីបំពេញបែបបទសម្រួលជូនភ្ញៀវទេសចរបានទាន់ពេលវេលា ហើយនៅពេលនាវាចូលមកដល់កំពង់ផែ ពួកគាត់មានពេលយូរក្នុងការធ្វើដំណើទស្សនាកំសាន្តនៅតាមតំបន់រមនីយដ្ឋាននានាក្នុងខេត្តព្រះសីហនុ ក៍ដូចជាការទៅទស្សនានៅសារះមន្ទីរជាតិ និងរមនីយដ្ឋាននានាក្នុងរាជធានីភ្នំពេញ និងប្រាសាទអង្គក្នុង ខេត្តសៀមរាប និងតំបន់រមណីយដ្ឋាននានាផ្សេងទៀត ។
លោកបានបញ្ជាក់ថា ដោយគោលនយោបាយបើកចំហរជើងមេឃ ជើងអាកាស និងជើងទឹកធ្វើអោយភ្ញៀវទេសចរធ្វើដំណើកាន់តែច្រើន០ឡើងមកកំសាន្តប្រទេសកម្ពុជា ហើយនៅរដូវប្រាំងខាងមុខភ្ញៀវទេសចរនិងធ្វើដំណើតាមនាវាចូលចតធ្វើទស្សនានៅព្រះរាជាណាចក្រកម្ពុជាមានចំនួនច្រើនបន្ថែមទៀត ។
គួរបញ្ជាក់ថា កាលពីដើមខែសីហា ឆ្នាំ២០១៥នេះខេត្តព្រះសីហនុទទួលនាវាទេសចរណ៍យក្យមួយគ្រឿង ដែលបាននាំភ្ញៀវទេសចរណ៍ចម្រុះជាតិសាសន៍ជិត ២០០០នាក់ចូលមកទស្សនះកិច្ចនៅព្រះរាជាណាចក្រកម្ពុជាផងដែរ ៕