ខេត្តបន្ទាយមានជ័យ នៅក្នុងវេទិកាសាធារណៈថ្នាក់ជាតិ ក្នុងគោលបំណងស្វែងយល់អំពីទុក្ខកង្វល់ និងសំណូមពររបស់ប្រជាពលរដ្ឋ ដែលបានធ្វើឡើងនាព្រឹកថ្ងៃទី១ខែកញ្ញា ឆ្នាំ២០១៥ នៅសាលាក្រុងសិរីសោភ័ណ ខេត្តបន្ទាយមានជ័យ ប្រជាពលរដ្ឋបានចេញនូវសេចក្តីក្លាហានក្នុងការបញ្ចេញមតិជាច្រើនបញ្ហា ដែលទាក់ទងទៅនឹងជីវភាពរស់នៅប្រចាំថ្ងៃរបស់ពួកគាត់។ក្នុងនោះមានវត្តមានរបស់លោកសុនគន្ធររដ្ឋមន្ត្រីប្រតិភូអមនាយករដ្ឋមន្ត្រី លោកលីសារីអភិបាលរងខេត្តបន្ទាយមានជ័យ លោកស្រីចាន់ថេងអភិបាលក្រុងសិរីសោភ័យ សិស្សនិងប្រជាពលរដ្ឋទាំង៧សង្កាត់បានមកចូលរួមស្តាប់និងបញ្ចេញមតិផងដែរ។លោកសុនគន្ធរបានមានប្រសាសន៍ថាក្នុងវេទិការសាធា រណៈនេះថាលោកបានឲ្យប្រជាពលរដ្ឋទាំងអស់ដែលមានទុក្ខកង្វល់និងសំណូមពរមួយចំនួនបានលើកឡើងនៅក្នុងវេទិកានេះមានទាំងបញ្ហាថ្មីៗដែលទើបនឹងកើតឡើង និងបញ្ហាចាស់មួយចំនួនដែលនៅសេសសល់មិនទាន់ដោះស្រាយពីលើកមុនដូចជាបញ្ហាធ្វើអត្តសញ្ញាណប័ណ្ណខុសទិន្នន័យនិងយឺតយ៉ាវ បញ្ហាសំណូមពរពន្លឿនការតបណ្តាញអគ្គិសនី សំណូមពរឲ្យមានសាលាមត្តេយ្យនៅក្នុងភូមិ ការអនុវត្តគោលនយោបាយភូមិឃុំមានសុវត្ថិភាព ជាដើម។ល។ជាមួយនឹងបញ្ហាជាច្រើនទាំងនោះ ករណីដែលមានកម្ដៅខ្លាំងជាងគេនៅក្នុងវេទិកាសាធារណៈនោះ គឺប្រជាពលរដ្ឋកើតទុក្ខខ្លាំងជាងគេនោះគឺបញ្ហា ភ្លើងអគ្គីសនី បញ្ហាគ្រឿងស្រវឹង បញ្ហាគ្រឿងញៀនជាដើម ។សិស្សម្នាក់បានលើកឡើងអំពីបញ្ហាគ្រឿងស្រវឹងថាប្អូនសែនឆ្ងល់ថារាជរដ្ឋាភិបាលបានចេញច្បាប់ហាមប្រាមមិនឲ្យធ្វើការផ្សព្វផ្សាយអំពីគ្រឿងស្រវឹងក្នុងទូរទស្សន៍ប៉ាណូផ្សេងៗតែរហូតមកដល់សព្វថ្ងៃនេះមិនត្រឹមតែការបង្ក្រាបគ្រឿងស្រវឹងនោះទេបែជានាំគ្នាដាក់បដាឃោសនាអំពីគ្រឿងស្រវឹងយ៉ាងអាណាធិបតេយ្យពិសេសដាក់នៅមុខខ្លោងទ្វារសាលាសម្តេចឪមួយផ្ទាំងយ៉ាងធំធ្បើ ឲ្យសិស្សសាលានៅទីនោះចេញក៏ឃើញចូលក៏ឃើញធ្វើឲ្យខេត្តបន្ទាយមានជ័យជួបគ្រោះចរាចរណ៍ខ្លាំងជាងគេនៅក្នុងប្រទេស។ចំណែកប្រជាពលរដ្ឋរស់នៅម្តុំរ៉ារទេះភ្លើងស្តិតនៅភូមិសែសិន សង្កាត់អូរអំបិលវិញថានៅទីនោះមានអ្នកជក់និងលក់គ្រឿងញៀនយ៉ាងច្រើនឃើញតែសមិត្តកិច្ចចុះបង្ក្រាបមួយថ្ងៃៗមិនចេះអស់ចាប់បាន១០នាក់លក់និងជក់គ្រឿងញៀនឡើងដល់២០នាក់កើតឡើងវិញចាប់មិនចេះអស់។ចំណែកសិស្សស្រីម្នាក់ទៀតបាននិយាយថាកញ្ញាពេញចិត្តណាស់របស់ក្រសួងអប់រំធ្វើការរិតបន្តឹងក្នុងការប្រឡងបាក់ឌុបតែសិស្សដែលប្រឡងបាក់ឌុបនេះភាគច្រើនមិនសូវចេះវាអាចធ្វើឲ្យប្រឡងមានការធ្លាក់ច្រើនកញ្ញាបានលើកជាសំនួថាចុះបើសិស្សប្រឡងធ្លាក់ច្រើនតើឲ្យគ្នាធ្វើអ្វីក្រោយពីប្រឡងធ្លាក់នេះដោយសារតែសិស្សនៅក្នុងខេត្តបន្ទាយមានជ័យប្រឡងធ្លាក់ច្រើនសិស្សម្នាក់ៗបានធ្វើការចំណាកស្រុកទៅរកការងារធ្វើនៅប្រទេសថៃរាប់មឺុននាក់ឯណោះទាំប្រថុយប្រថាន ិនគិតពីការស្លាប់រស់។ចំណែកបញ្ហាអគ្គីសនីវិញបញ្ហាប្រឈមខ្លាំងនោះគឺបង្គោលភ្លើងតចូលមិនដល់ភូមិ ខ្សែភ្លើងតខ្វាត់ខ្វែងពេញភ្ូមិធ្វើឲ្យប្រជាពលរដ្ឋមានការភ័ណខ្លាចក្នុងការឆក់ស្លាប់យ៉ាងខ្លាំងដោយសារតែការធ្វេសប្រហេសរបស់មន្ត្រីអគ្គីសនីមិនចេះដើរមើលតាមភូមិឃុំថ្មីៗនេះមានបុគ្គលឹកអគី្គសនីម្នាក់បានឆក់ស្លាប់យ៉ាងអាសារបង់ដោយសារតែការធ្វែសប្រហែសរបស់បុគ្គលឹកខ្លួន៕