ខេត្តបន្ទាយមានជ័យ ៖ នៅព្រឹកថ្ងៃទី១ខែកញ្ញាឆ្នាំ២០១៥លោកគោស៊ុំសារឿតអភិបាលខេត្តបន្ទាយមានជ័យ លោកគឹមសុវណ្ណប្រធានមន្ទីសាធារណៈការនិងដឹកជញ្ជូនខេត្តបន្ទាយមានជ័យនិងមន្ទីរអង្គភាពពាក់ពន្ធនិងប្រជាពលរដ្ឋជាច្រើននាក់បានចូលរួមធ្វើពិធីបើក
ការដ្ឋានស្ថាបនា ផ្លូវលំ២ខ្សែដែលមានប្រវែង១៨០០ម៉ែត្រស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។លោកគោស៊ុំសារឿតបានស្នើសុំឲ្យអ្នករស់នៅលើចិញ្ចើមផ្លូវត្រូវរុះរើសំណង់ចេញដោយខ្លួនឯង ហើយពុំទទួលបានការដោះស្រាយគោលនយោឡើយដើ្បីជីកប្រឡាយបង្ហូរទឹក ។លោក គឹម សុវណ្ណ ប្រធានមន្ទីរសាធារណការនិងដឹកជញ្ជូនខេត្តបន្ទាយមានជ័យមានប្រសាសន៍ថា ផ្លូវដែលបើកការដ្ឋានមានចំនួន ២ខ្សែប្រវែង ១.៨០០ម៉ែត្រ គ្រាដែលខ្សែទីមួយមានប្រវែង៩០០ម៉ែត្រ និងផ្លូវខ្សែទីពីរមានប្រវែង ៩០០ម៉ែត្រស្ថិតនៅសង្កាត់កំពង់ស្វាយក្រុងសិរីសោភ័ណ ហើយផ្លូវប្រវែង ១.៨០០ម៉ែត្រនេះគឺកសាងដោយថវិកាក្រសួងសាធារណៈការ និងដឹកជញ្ជូនដែលគ្រោងចំណាយថវិការអស់ជិត ១០ម៉ឺនដុល្លាអាមេរិក ។លោក គោស៊ុំ សារឿត អភិបាលខេត្តបន្ទាយមានជ័យមានប្រសាសន៍ថា ផ្លូវ២ខ្សែនេះគឺរយៈពេលកន្លងមកប្រជាពលរដ្ឋជួបការលំបាកនៅរដូវវស្សា ប៉ុន្តែដោយមានការយកចិត្តទុកដាក់ពីរាជរដ្ឋាភិបាលក្រសួងសាធារណការ និងដឹកជញ្ជូនបានជួយកសាងផ្លូវដំបូង
ដោយក្រាលគ្រួសក្រហម និងពេលក្រោយនឹងអាចចាក់បេតុងដើម្បីឲ្យប្រជាពលរដ្ឋទៅមកបានដោយងាយស្រួល និងងាយស្រួលដល់សិស្សទៅសាលាផងដែរ ។ លោកបញ្ជាក់ថា ចាប់ពីពេលនេះទៅប្រជាពលរដ្ឋនឹងរួចផុតពីការលំបាកដោយទឹកជនលេចផ្លូវទៀតហើយ ។លោកអភិបាលខេត្តក៏បានសុំឲ្យអ្នកដែលរស់នៅលើចិញ្ចើមផ្លូវត្រូវចូលរួមរុះរើសំណង់ដោយខ្លួនឯង ហើយក្រសួងគ្មានថវិការដោះគោលនយោបាយឡើយ ។ ចំណែកប្រព័ន្ធរំដោះទឹកសងខាងផ្លូវគឺមន្ទីរសាធារណៈការជាអ្នកកាយឲ្យ ហើយប្រជាពលរដ្ឋចួលរួមដាក់តាមមុខផ្ទះរៀងៗខ្លួន។លោកស្រីថ្លែងសុផលប្រជាពលរដ្ឋរស់នៅទីនោះបាននិយាយថាក្រោយពីបានផ្លូវពីខ្សែនេះធ្វើស្អាតគាត់សប្បាយចិត្តណាស់ពីព្រោះរយះពេលកន្លងមកផ្លូវទាំង២ខ្សែនេះការធ្វើដំណើរទៅមកពីបាកយ៉ាងខ្លាំងទាំងខែប្រាំងនិងខែវស្សាគាត់តំណាងឲ្យប្រជាពលរដ្ឋនៅទីនោះសូមថ្លែងអំគុណដល់រាជរដ្ឋាភិបាលដែលបានយកចិត្តទុកដាក់ក្នុងការកសាងផ្លូវទាំង២ខ្សែនេះឲ្យបានទាន់ពេលវេលាដែលប្រជាពលរដ្ឋកំពុងត្រូវការ៕
