ខេត្តកំពង់ឆ្នាំង ៖ ជនពិការជាគ្រួសារក្រីក្រនិងជនចាស់ជរាគ្មានទីពឹងចំនួន៥នាក់នៅភូមិចន្លោះរ៉េនឃុំស្វាយជ្រុំ និង១គ្រួសារនៅភូមិត្រពាំងពោធិ ឃុំពង្រ ស្រុករលាប្អៀរ ខេត្តកំពង់ឆ្នាំង នៅព្រឹកថ្ងៃទី០២ ខែកញ្ញា ឆ្នាំ២០១៥ នេះត្រូវបានលោកជំទាវ កែ ច័ន្ទមុនី អ្នកតំណាងរាស្ត្រគណបក្សប្រជាជនកម្ពុជា មណ្ឌ លខេត្តកំពង់ឆ្នាំង លោកជំទាវ តុង ណារី សមាជិកក្រុមប្រឹក្សាខេត្ត លោក សេង វិចិត្រ ប្រធានស.ស.យ.ក ស្រុករលាប្អៀរ បានចុះសាកសួរសុខទុក្ខ និងនាំយកអំណោយផ្ទាល់ខ្លួន អំណោយនិងសប្បុរសជនជូនដល់លំនៅដ្ឋានដោយផ្ទាល់ដៃ។
លោកជំទាវ តុង ណារី សមាជិកក្រុមប្រឹក្សាខេត្តកំពង់ឆ្នាំង បានអោយដឹងថា៖ គ្រួសារក្រីក្រជាពិការនិងជនចាស់ជរាគ្មានទីពឹងទាំង៦គ្រួសារ ក្នុងមួយគ្រួសារៗទទួលបានមី១កេស, អង្ក២០គីឡូក្រាម ,ត្រីខ១យួរ, អំបិល៥គីឡូក្រាម, ស្កសរ២គីឡូក្រាម, និងថវិកា៥ម៉ឺនរៀល។ លោកជំទាវក៏បានចែកនំ ខោអាវដល់ក្មេងៗ និងឧបត្ថម្ភដល់ប្រជាការពារ នូវថវិកាសរុប ១០ម៉ឺនរៀលផងដែរ។
នៅក្នុងពេលនោះលោកជំទាវ កែ ច័ន្ទមុនី បានពាំនាំនូវប្រសាសន៍ផ្តាំផ្ញើ សាកសួរសុខទុក្ខពីសំ ណាក់អគ្គមហាសេនាពញាចក្រី ហេង សំរិន ប្រធានរដ្ឋសភា សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលកន្លងមកសម្តេចតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់បងប្អូន នៅគ្រប់ទីកន្លែងគ្រប់មូលដ្ឋាន នៅពេលដែលពួកគាត់មានទុក្ខលំបាក គឺសម្តេចតែងផ្តល់ជូននូវអំណោយសង្គ្រោះជូនដល់បងប្អូនគ្រប់ៗគ្នាទាំងអស់ ដោយមិនបានប្រកាន់ពូជសាសន៍ ឬនិន្នាការនយោបាយឡើយ។
លោកជំទាវ បានបន្តទៀតថា៖ ទោះបីអំណោយនេះ តិចតួចពិតមែនតែក៏អាចជួយដោះស្រាយការលំបាករបស់បងប្អូន លោកយាយលោកតា បានមួយគ្រាផងដែរ។លោកជំទាវក៏បានផ្តាំផ្ញើដល់គ្រួសារក្រីក្រពិការនិងលោកយាយចាស់ជរាគ្មានទីពឹងទាំង៦គ្រួសារ អោយខិតខំថែរក្សាសុខភាពដោយរស់នៅស្អាតហូបស្អាតផឹកស្អាត សំរាកក្នុងមុង ដើម្បីការពារសុខភាពកុំអោយឈឺស្កាត់ ខាតបង់ថវិការ។
គ្រួសារក្រក្រីជាពិការ និងលោកយាយចាស់ជរាគ្មានទីពឹងទាំង៦គ្រួសារ សូមគោរពជួនពរដល់សម្តេច លោកជំទាវ និងសប្បុរសជនទាំងអស់ សូមទទួលបានជ័យជំនះគ្រប់តួនាទីភារកិច្ច រួមគ្នាដឹកនាំប្រ ទេសជាតិ ប្រកបដោយភាពខុខសាន្ត មានសុខសន្តិភាព មានការអភិវឌ្ឍនភាពលើគ្រប់វិស័យ ដើម្បីប្រជាពលរដ្ឋ ភាពសម្បូរសប្បាយរុងរឿងរហូតតទៅអនាគត៕