ខេត្តកំពង់ធំ ៖ បទល្មើសព្រៃឈើ បានធ្វើសកម្មភាពយ៉ាងគគ្រឹកគគ្រេង ដឹកជញ្ជូនតាមរយះរថយន្តឈ្នួល ដែលឈ្មួញបានជួលឲ្យដឹក ក្នុងនោះដែរក៏មានអ្នកប៉ាវផ្តាច់ រត់ការផ្លូវក្នុង អស់សមត្ថកិច្ចដែលមានការពាក់ ព័ន្ឋ នៅក្នុងស្រុកដែលឆ្លងកាត់ ដើម្បីត្រួសត្រាយផ្លូវក្នុងការដឹកជញ្ជូនបទល្មើស។
ជាក់ស្តែងនៅព្រឹកថ្ងៃទី ៦ ខែ ឧសភា ឆ្នាំ ២០១៤ លោក សាយ ណូរ៉ា ព្រះរាជអាជ្ញារង ខេត្តកំពង់ធំ បានដឹកនាំកម្លាំងផ្នែករដ្ឋបាលព្រៃឈើស្ទោង កម្លាំងតំបន់ប្រតិបត្តិការសឹករងកំពង់ធំ និងសមត្ថកិច្ចកងរាជអាវុធហត្ថ ខេត្ត ចុះស្ទាក់ចាប់រថយន្តកូរ៉េ ចំណុះ៣តោនកន្លះ ពណ៌ខៀវ ដែលឈ្មួញបានដឹកចេញពី ស្រុកសណ្តាន់ ឆ្លង កាត់ស្រុកប្រាសាទសំបូរ ខេត្តកំពង់ធំ ស្រុកសន្ទុក ឆ្ពោះទៅខេត្តកំពង់ចាម តែសំណាងអាក្រក់ រថយន្តដឹក បទល្មើសបានបែកកង់ នៅចំនុចភូមិ អណ្តូង៣ ឃុំស្រើង ស្រុកប្រាសាទសំបូរ ខេត្តកំពង់ធំ នៅវេលាម៉ោង២.៣០នាទី ក្រោយមកម្ចាស់រថយន្តបាន នាំយកឈើទាំងនេះ ទៅទុកលាក់នៅក្នុងព្រៃ ខាងក្រោយភូមិ ។
បទល្មើសឈើប្រណិតខុសច្បាប់ ដែលឈ្មួញបាន ដឹកយកទៅទំលាក់ក្នុងព្រៃ ចំនួន៣កន្លែងជិតគ្នានេះ ត្រូវបានបញ្ជាផ្ទាល់ពី លោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ ឲ្យលោក សាយ ណូរ៉ា ព្រះរាជអាជ្ញារង ដឹកនាំកម្លាំងទៅស្ទាក់ចាប់ឈ្មួញដែល បំរ៉ុងដឹកឈើចេញ ពីគោលដៅទុកលាក់ ក្នុងសកម្ម ភាពបង្ក្រាបបទល្មើសនេះ ត្រូវបានឃាត់ខ្លួន បុរសជាតៃកុងឡានម្នាក់ ឈ្មោះស៊ុន វិចិត្រ ភេទ ប្រុស អាយុ រស់នៅភូមិត្រស់ ឃុំបាល័ង្គស្រុកបារាយណ៍ ក្នុងនោះដែរត្រូវបានគេដឹងថា មានឈ្មោះ អួង រស់នៅកំពង់ថ្មជាអ្នករត់ការ ដោយប៉ាវផ្តាច់ទាំឡាន ទាំងឈើ ចំនួន ៣០០០ដុល្លា សម្រាប់នាំចេញពីស្រុកសណ្តាន់ ឆ្ពោះ ទៅខេត្តកំពង់ចាម ។
តាមប្រភពពត៌មានច្បាស់ការ បានឲ្យដឹងថា លោក អួង ជាឈ្មួញរកស៊ីឈើដុះស្លែរ នៅកំពង់ថ្ម ដឹកឈើ និង រត់ការដឹកឈើខុសច្បាប់ ចេញពីស្រុកសណ្តាន់ និងពុំដែលមានសមត្ថកិច្ចណាហ៊ាន ចេញមុខចាប់ឈើរបស់គេនោះទេ តែថ្ងៃនេះប្រហែលជាដល់ថ្ងៃអន្សា ដែលបានប្រាប់សមត្ថកិច្ចទាំងអស់ ហើយបែរជា រថយន្ត បែកកង់ទៅមុខលែងរួច ទើបបែកការ រត់ចរចារទាំងយប់ ដល់ថ្នាក់ដឹកនាំកំពូលៗ របស់សមត្ថកិច្ចក្នុងខេត្តតែបែរជាព្រះអត់ជួយ បុគ្គលដែលជា ឧក្រិដ្ឋជនព្រៃឈើ ទើបត្រូវបានព្រះរាជអាជ្ញាក្របួចតែម្តង។
វត្ថុតាងទាំងអស់ ត្រូវបានដឹកជញ្ជូនមកកាន់ ខណ្ទរដ្ឋបាលព្រៃឈើ កំពង់ធំ ដើម្បីរក្សាទុក ដែលមានចំនួនឈើជាង៧ម៉ែត្រគូប មានមុខ ៣៥ទៅ៤០ ។ ប្រជាពលរដ្ឋ បានសម្តែងនូវសេចក្តីត្រេចអរ យ៉ាងខ្លាំងខណៈពេលដែលបានឃើញស្ថាប័នតុលាការ បាន កំពុងតែអនុវត្តន៍ និងទទួលបានលទ្ធផលជោគជ័យ គ្រប់ករណី និងបាននាំជនល្មើសមក ផ្តន្ទាទោសតាម ច្បាប់។ 
