កំពត ៖ ជនសង្ស័យ ជួញដូរ និងប្រើប្រាស់គ្រឿងញៀន ចំនួន ០៥ នាក់ រួមនឹងវត្ថុតាង ត្រូវបាន កម្លាំង នៃការិយាល័យ កណ្តាលនគរបាល ព្រហ្មទណ្ឌ ដឹកនាំដោយ លោកឧត្តមសេនីយ៏ត្រី ម៉ៅ ច័ន្ធមធុរិទ្ធ ស្នងការខេត្តកំពត សហការជាមួយមន្ទីរប្រឆាំងគ្រឿងញ្ញៀនក្រសួងមហាផ្ទៃ ធ្វើការឃាត់ខ្លួនជនសង្ស័យចំនួន ០២ នាក់ កាលពីវេលាម៉ោង ១ និង៣០នាទីយប់ ថ្ងៃទី ១១ ខែ វិច្ចិការ ឆ្នាំ២០១៥ នៅចំណុច ក្នុងភូមិទ្វីខ/ជ សង្កាត់អណ្ដូងខ្មែរ ក្រុងកំពត។ជនសង្ស័យទាំង៥នាក់នោះ ត្រូវបានគេស្គាល់ឈ្មោះ៤នាក់ ទី១. ប៊ិ សុភ័ក្រ ឬប៊ិ សុវណ្ណរ៉ា អាយុ៣៤ឆ្នាំ រស់នៅភូមិសាគរ សង្កាត់កំពង់កណ្ដាល។ ទី២. អ៊ុង តាន់ អាយុ២៧ឆ្នាំ រស់នៅភូមិគ្រៀល ឃុំជុំគ្រៀល ស្រុកទឹកឈូ។ ទី៣. ញឹម បុទុម ភេទប្រុស អាយុ៣៤ឆ្នាំ ភូមិស្វាយធំ សង្កាត់ក្រាំងអំពិល ក្រុងកំពត។ ទី៤. ស៊ី រតនា ភេទប្រុស អាយុ២៤ឆ្នាំ រស់នៅ សង្កាត់អណ្ដូងខ្មែរ ក្រុងកំពត ។
លោកវរសេនីយទោ លក ញ៉ាវ នាយរងការិយាលយ័ព្រហ្មទណ្ឌ័កំរិតធ្ងន់ស្នងការដ្ឋានខេត្តបានឲ្យដឹងថាៈ ជនសង្សយ័ចែកចាយ និងប្រើប្រាស់គ្រឿងញៀន៥នាក់ត្រូវកំលាំងសមត្ថកិច្ចនរគបាលខេត្តសហការជាមួយមន្ទីរប្រឆាំងគ្រឿងញ្ញៀនក្រសួងមហាផ្ទៃ ឃាត់ខ្លួននៅចំណុចផ្ទះជួល ក្នុង ភូមិ ឃុំ ខាងលើ ។លោកបានបន្តទៀតថាៈវត្ថុតាងរឹបអូសដែលសមត្ថកិច្ចដកហូតបានរួមមានដកហូតម្សៅថ្នាំញៀនចំនួន២កញ្ចប់ ឧបករណ៍កែច្នៃសម្រាប់ជក់២ សម្រាប់ជញ្ជីងថ្លឹង២គ្រឿង គ្រាប់អាវុធខ្លី២២គ្រាប់ទូរស័ព្ទដៃ៧គ្រឿង អាយផេត០១ លុយខ្មែរជាង២០ម៉ឺនរៀល ម៉ូតូ៤គ្រឿង និងរថយន្ត camry ហាយព្រីតសេរី ២០០៨ ១គ្រឿង ។បន្ចុប្បន្នជនសង្ស័យក្រោយពីសមត្ថកិច្ចធ្វើការសាកសួររួច បានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕