កំពត៖ ស្រុកបន្តាយមាស គឺជាស្រុកមួយ ក្នុងចំណោម ក្រុង ស្រុកទាំង៨របស់ខេត្តកំពត ដែលត្រៀមប្រកាសជាស្រុកគំរូ ទី១ក្នុងប្រទេសកម្ពុជា ដែលនឹង បញ្ឈប់បន្ទោបង់ពាសវាលពាសកាល ពោលគឺប្រជាពលរដ្ឋមានបង្គន់អនាម័យប្រើប្រាស់គ្របផក្រុមគ្រួសារទូទាំងស្រុកនៅដំណាចផ
ឆ្នាំ២០១៥ខាងមុខនេះ ។នេះតាមការឱ្យដឹងរបស់មន្ត្រីគម្រោងកម្មវិធីឈ្មោះថា និរន្តរភាពអនាម័យដើម្បីទាំងអស់គ្នា ហៅថា SSH4A នៃអង្គការអភិវឌ្ឍន៍ហូឡង់ SNV កាលព្រឹកថ្ងៃទី១២ខែវិច្ឆិកាឆ្នាំ២០១៥ នៅក្នុងឱកាសប្រារព្ធពិធីទិវាជាតិលើកកម្ពស់អនាម័យជនបទលើកទី ក្រោមប្រធានបទអនាម័យគឺជាការទទួលខុសត្រូវរបស់យើងទាំងអស់គ្នា ។ដែលពិធីនេះបានធ្វើឡើងឃុំត្រពាំងសាលាខាងលិចស្រុកបន្ទាយមាសខេត្តកំពត ក្រោមអធិបតីភាព ឯ.ឧ ជា-សុផារ៉ារដ្ឋមន្ត្រីក្រសួងអភិវឌ្ឍជនបទ និងមានការចូលរួម ពីប្រតិភូ ក្រសួងនិងមន្ទីរអភិវឌ្ឍជនបទរាជធានី ខេត្តទាំង២៥ទទាំងប្រទេស តំណាងអង្គការម្ចាស់គម្រោង SNV អាជ្ញាធរខេត្តស្រុក ក្រុង និងមេឃុំចៅសង្កាត់ទាំង៩៣ក្នុងខេត្តកំពតលោកគ្រូ អ្នកគ្រូ សិស្សានុសិស្សព្រះសង្ស ប្រជាពលរដ្ឋសរុបប្រមាណ ១ពាន់នាក់បានចូលរួម ។តាមរយះលទ្ធផលបានឱ្យដឹងទៀតថា ស្រុកបន្តាយមាសកាលពីបួនឆ្នាំមុន គឺជាស្រុកមួយដែលមានអត្រាអនាម័យទាបជាងគេនៅកម្ពុជា ដែតែគ្រួសារប្រជាពលរដ្ឋចំនួន ១៦% ទេមានបង្គន់ប្រើប្រាស់ គិតត្រឹមខែមករាឆ្នាំ២០១២ ហើយគិតមកដល់ខែវិច្ឆិកាឆ្នាំ២០១៥នេះនៅទូទាំងស្រុកមានគ្រួសារបន្ទោបង់ពាសវាលពាសកាលមានការថយចុះ ពោលគឺមានគ្រួសារជាង ៩៥% មានបង្គន់ និងកំពុងប្រើប្រាស់បង្គន់ ។ក្នុងនោះឃុំចំនួន១១ឃុំក្នុងចំណោមឃុំចំនួន១៥ទូទាំងស្រុកបន្ទាយមាសត្រូវបានប្រកាសជាផ្លូវការថាជាឃុំបានបញ្ឈប់បន្ទោបពាសវាលពាសកាលទាំងស្រុង បើគិតចំនួនប្រជាពលរដ្ឋមានជាង៨ម៉ឺននាក់ មានការរស់នៅមានបរិស្ថានដែលគ្មានការបន្ទោបង់ពាសវាលពាសកាល ក្នុងចំណោមប្រជាជនជាង៩ម៉ឺននាក់ ។ដោយផ្តើមចេញពីកិច្ចសហការឧបត្ថម្ភគាំទ្រពីអង្គការSNVជាមួយមន្ទីអភិវឌ្ឍជនបទខេត្តអាជ្ញាធរគ្រប់លំដាប់ថ្នាក់រាប់ថយក្រោយនៅសល់តែប្រមាណ៥០ថ្ងៃទៀតប៉ុណ្ណោះស្រុកបន្ទាយមាសនឹងក្លាយជាស្រុកបញ្ឈប់ការបន្ទោបង់ពាសវាលពាសកាលទាំងស្រុង ហើយក៏ជាស្រុកគំរូនៅទូទាំងប្រទេសកម្ពុជាផងដែរ ៕
