ស្ទឹងត្រែង ៖ បុរសម្នាក់ជិះម៉ូតូឌុបប្រពន្ធឆ្លងចំណុចផ្លូវប្រសព្វអូរពងមាន់ ខណរថយន្តហាយលែនឌ័រមួយគ្រឿងពណ៌ទឹកប្រាក់បើកបរក្នុងល្បឿនលឿនខ្វះការប្រុងប្រយ័ត្ន បានបុកម៉ូតូម៉ាកសេ១២៥ពណ៌ខ្មៅ គ្មានស្លាកលេខ បណ្ដាលឲ្យភាគីខាងម៉ូតូ២នាក់ប្តីប្រពន្ធរងរបួសយ៉ា
ធ្ងន់ធ្ងរ។ក្រោយពេលកើតហេតុរថយន្តបង្កបានបើកគេចបាត់ស្រមោល។
ហេតុការណ៍រថយន្តបុកម៉ូតូនេះ បានកើតឡើងកាលពីវេលាម៉ោង៧ព្រឹកថ្ងៃទី១៨ ខែវិច្ឆិកា ឆ្នាំ២០១៥ នៅចំណុចអូរពងមាន់ ភូមិរាជានុកូល សង្កាត់-ក្រុងស្ទឹងត្រែង។
សមត្ថកិច្ចចរាចរបានឲ្យដឹងថាជនរងគ្រោះត្រូវរថយន្តបុកទាំង២នាក់ប្តីប្រពន្ធ មានឈ្មោះហាន រីយ៉ា ភេទប្រុស អាយុ២៨ឆ្នាំ (ប្តី)និងប្រពន្ធឈ្មោះនៅ សុខអៀនភេទស្រីអាយុ២២ឆ្នាំប្តីប្រពន្ធទាំង២នាក់មានមុខរបរ កសិករ រស់នៅភូមិអំខួង ឃុំស្រែក្រសាំង ស្រុកសៀមបូក ស្ទឹងត្រែង។ចំណែកអ្នកបើកបរមិនត្រូវបានគេស្គាល់ អត្តសញ្ញាណទេ តែគេឃើញរថយន្តនោះ មានពណិ៍ទឹកប្រាក់ ស្លាកលេខ០៧៣៨មិនចាំថា២អីនោះទេ។
សមត្ថកិច្ចបានបន្តអោយដឹងទៀតថា មុនពេលកើតហេតុសាក្សីគេឃើញម៉ូតូសេ១២៥ពណិ៍ខ្មៅ០៥គ្មានស្លាកលេខ បើកបរពីត្បូងទៅជើងឆ្លងចំណុចប្រសព្វ ខណនោះក៏មានរថយន្តហាយឡែនឌ័រពណិ៍ទឹកប្រាក់ ឃើញស្លាកលេខ០៧៣៨ បើកបញ្ច្រាសទិសគ្នាបានបុក យ៉ាងពេញទំហឹងបណ្ដាលឲ្យ២នាក់ប្តីប្រពន្ធរងរបួសធ្ងន់ប្រពន្ធបាក់ជើង និងប្តីគ្រាំក្នុងយ៉ាធ្ងន់។ ក្រោយពេលកើតហេតុ រថយន្តបង្ក បានបើករត់គេចឆ្លងកាត់ប៉ុស្ត៍ត្រួតពិនិត្យ នគរបាលចរាចរផ្លូវគោកតែស្ទាក់មិនឈប់បានបើកបាត់រត់ស្រមោល ។
លោកបន្តថាចំពោះករណីគ្រោះថ្នាក់ចរាចរណ៍នេះ សមត្ថកិច្ចអះអាងថា កើតឡើងដោយសារតែបើកបរប្រជែងក្នុងស្ថានភាពគ្រោះថ្នាក់។ក្រោយកើតហេតុត្រូវបានរថយន្តសង្គ្រោះរបស់មន្ទីរពេទ្យបង្អែកខេត្តដឹកជនរងគ្រោះធ្វើការសង្គ្រោះបន្ទាន់។ក្នុងករណីគ្រោះថ្នាក់ចរាចរនេះត្រូវបានសមត្ថកិច្ចចុះមកវាស់វែង នាំយកម៉ូតូ ទៅរក្សាទុកនៅការិយាល័ចរាចរផ្លូវគោកខេត្ត។ចំណែករថយន្តបង្កសមត្ថកិច្ចកំពុងស្វែងរកដើម្បីចាត់វិធាការតាមផ្លូវច្បាប់៕
