សៀមរាប៖នៅរសៀលថ្ងៃទី២០ ខែវិច្ឆិកា ឆ្នាំ២០១៥ អង្កការមូលនិធិទំពាំងស្នងឬស្សី បានប្រារពពិធី ផ្តល់អាហារូបករណ៍ ដល់សិស្សស្រី អន្តេវាសិកដ្ឋានវិទ្យាល័យអង្គរ ស្ថិតក្នុងសង្កាត់ សាលាកំរើក ក្រុងនិងខេត្តសៀមរាប។ពិធីនេះមានការចូលរួម ពីសំណាក់អាជ្ញាធរមូលដ្ឋាននិងមន្ត្រីពាក់ពន្ធ័គ្រប់ជាន់ថ្នាក់ ថ្លែងក្នុងពិធីនេះដែរលោក សាម ឡន ចៅសង្កាត់សាលាកំរើក ក៍បានណែនាំដល់សិស្សស្រីដែលស្នាក់នៅក្នុងអង្កការ ដើម្បីជាប្រយោជន៍និងជាស្ពានទៅថ្ងៃក្រោយ អាហារូបករណ៍ ដែលអង្កការ ខឹតខំជួយដល់សិស្សក្រីក្រ លោកបន្តថា សូមឲ្យសិស្សស្រីទាំងអស់ ត្រូវខំសិក្សានិងជៀសវាងអំពើដែលមិនល្អសង្គមស្អប់ខ្ពើម ។
លោក ស៊ាន សុផល ប្រធានមូលនិធិអន្តេវាសិកដ្ឋាន បានឲ្យដឹងថា អន្តេវាសិកដ្ឋាននារីបង្កើតឡើងដោយក្រសួងអប់រំ យុវជន និងកីឡា ក្រោមគម្រោងថវិកាធនាគារអភិវឌ្ឍន៍អាស៊ី(ADB)នៅឆ្នាំ២០០៧ដែលមាន៣ខេត្ត គឺខេត្តសៀមរាប កំពង់ធំ និងខេត្តក្រចេះ។
អន្តេវាសិកដ្ឋាននារីនេះបង្កើតឡើងក្នុងគោលបំណងជួយដល់សិស្សស្រី ដែលទើបប្រឡងជាប់សញ្ញាបត្រមធ្យមសិក្សាបឋមភូមិ ហើយជាសិស្សដែលទទួលបាននិទ្ទេសល្អរឺល្អបង្គួរ មានទីលំនៅ នៅឆ្ងាយពីវិទ្យាល័យដែលត្រូវបន្តការសិក្សារចាប់ពី១០ គីឡូម៉ែត្រឡើងទៅ ជាពិសេសសិស្សមានជីវភាពក្រីក្រ ពំមានលទ្ធភាពបន្តការសិក្សារបាន។
លោកបន្តថា រហូតមកដល់ពេលនេះសិស្សស្រីដែលធ្លាប់បាននិងកំពុងស្នាក់នៅក្នុងអន្តេវាសិកដ្ឋានមានចំនួន៥ជំនាន់ សិស្សសរុប១៥៣ នាក់ហើយក្នុងឆ្នាំសិក្សារ២០១៥និង២០១៦នេះសិស្សកំពុងស្នាក់នៅក្នុងអន្តេវាសិកដ្ឋានសរុប៥៥នាក់។
ក្នុងនោះដែលើជំនាញផ្សេងៗទៀតក្រៅពីកម្មវិធី សិក្សារនៅក្នុងសាលា មានជំនួយបច្ចេកទេស៧មុខវិជ្ជាសំខាន់ៗ១ ច្បាប់ផ្សេងៗសម្រាប់ស្ត្រី ដែលដាក់បញ្ជូលទៅក្នុងប្រព័ន្ធកុំព្យូទ័រស្រាប់ ២ បណ្តុះបណ្តាល ជំនាញប្រើប្រាស់កុំព្យូទ័រនិងបច្ចេកវិជ្ជាពត៍មានវិទ្យា ៣ បណ្តុះបណ្តាល មេរៀនអភិវឌ្ឍន៍ផ្នែកបំណិតជីវិតដល់សិស្សនិងសហគមន៍ ៤ បណ្តុះបណ្តាលចំណេះដឹងផ្នែកយេនឌ័រលើកការសម្រេចចិត្តនៅតាមសាលាមធ្យមសិក្សារ ៥ ការប៉ាន់ប្រមាណលើតម្រូវការនិងនិរន្តភាពសម្ភារៈប្រើប្រាស់សម្រាប់ការរស់នៅ ៦ មានវគ្គសិក្សារស្តីពីសិទ្ធិស្ត្រីនិងភាពជាអ្នកដឹកនាំ៕