កំពង់ធំ ៖ ក្រោយពីខេត្តកំពង់ធំ ត្រូវបានធ្វើការផ្លាសប្តូរ មន្ត្រី ថ្នាក់ដឹកនាំ ស្ថាប័នតុលការ ដោយត្រូវបានតែងតាំង លោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ ព្រមទាំងព្រះរាជអាជ្ញា ប្រជាពលរដ្ឋ បានមានការភ្ញាក់ផ្អើល ដោយសារតែ បានបើកឆាក៣ ករណី ក្នុងការបង្ក្រាបបទល្មើសព្រៃឈើ និងអាចចាប់ ខ្លួនជនល្មើសទាំង៣ករណីមកដាក់ទោសតាមច្បាប់ ដោយគ្មានការលើកលែង ទោះជាបុគ្គលនោះ មានការ អន្តរាគមន៍ ពីខាងណាក៏ដោយ ។
មិនតែប៉ុណ្ណោះបានធ្វើឲ្យប្រជាពលរដ្ឋ ជាច្រើននាក់បានលាន់មាត់ថា ព្រះ រាជអាជ្ញាឈុតនេះ មិនមែនដូចមុននោះទេ តែហ៊ានចាប់បានដឹងថាគុកតែ១គត់ និងបានបង្កើនភាពជឿជាក់ និងទុកចិត្តកាន់តែខ្លាំង ចំពោះការអនុវត្តន៍ច្បាប់ ក្នុងស្ថាប័នតុលាការ ដែលមានលោក អ៊ិត សុធា ជាព្រះរាជ អាជ្ញាអមសាលាដំបូងខេត្តកំពង់ធំ ព្រមទាំងប្រកាន់នូវភាពយុត្តិធម៌
ក្នុងនោះដែរក៏មានមហាជនទូទៅ បានរងចាំមើលថា តើព្រះរាជអាជ្ញា នៅរាជកាល អ៊ុត សុធា អាចចាត់វិធានការ ទាមទារឈើគ្រញូងចំនួន ១០ដុំ ដែលលោក វរៈសេនីយ៍ត្រី សេង ប៊ុនតេង កងរាជអាវុធហត្ថខេត្តកំពង់ធំ និងជាជំនួយការ របស់លោក ហង្ស ថុល មេបញ្ជាការកងរាជអាវុធហត្ថខេត្តកំពង់ធំ បានលួចយកចេញពីរថយន្តក្រុង កាលពីថ្មីកន្លងមកនេះ ឲ្យនាំឈើគ្រញូងទាំង១០ ប្រគល់ជូនសមត្ថកិច្ចមេព្រៃ ជាសាធារណៈបានឬទេ ។
សូមបញ្ជាក់ផងដែរថា កាលពីថ្មីកន្លងមកនេះ លោកសេង ប៊ុនតេង កងរាជអាវុធហត្ថខេត្តកំពង់ធំ បាននាំ យករថយន្តដែលចាប់បានពី បទល្មើស មកជិះធ្វើអជីវកម្ម បំម្រើផលប្រយោជន៍ផ្ទាល់ខ្លួន និងបានធ្វើសកម្ម ភាព យកស្បែកជាកងរាជអាវុធហត្ថ ព្រមទាំងបក្សពួកជិះរថយន្តប្រដេញរថយន្តដឹកឈើ បណ្តាលឲ្យមន្ត្រី របស់ខ្លួនស្លាប់ ដោយសារក្រឡាប់ឡាន ដោយសារតែដេញបទល្មើស មិនតែប៉ុណ្ណោះបានធ្វើសកម្មភាព ចាប់រថយន្តលើកទី១ ចាប់ចូលបន្ទាយឈើចំនួន៥តោន នាំគ្នាលួចអស់ នៅសល់ឈើជាង៥០០គីឡូក្រាម ទើបប្រគល់ឲ្យសមត្ថកិច្ច បន្ទាប់មក ក៏បានធ្វើសកម្មភាពចាប់
រថយន្ត ចួលបន្ទាយ ហើយបិទទ្វារមិនឲ្យ លោក ប៉ែន សារ៉ាត់ អតីត ព្រះរាជអាជ្ញាខេត្តកំពង់ធំ និងសមត្ថកិច្ចជំនាញរដ្ឋបាលព្រៃឈើ ព្រមទាំងអ្នក សារពត៌មាន ចូលទៅ ក្រោយលោក សេង ប៊ុនតេង នាំគ្នាលួចឈើគ្រញូងចំនួន១០ដុំ ទៅលាក់រួច ទើបបើក ទ្វារឲ្យអ្នកពត៌មាន និងសមត្ថកិច្ចចូល រហូតមកដល់ពេលនេះ ឈើគ្រញូងចំនួន១០ដុំ ដែលមានមុខ ៣០ទៅ ៣៥ ប្រវែង ជាង២ម៉ែត្រ ដែលមានតម្លៃសរុបទាំង១៧ដុំ មានតំលៃ ១៥ ម៉ឺនដុល្លានោះ មិនទាន់ឃើញប្រគល់ ជូនសមត្ថកិច្ច
ជំនាញនោះទេ ។ តាមប្រភពពត៌មាន ដែលបែកធ្លាយចេញពីក្នុងបន្ទាយ បានឲ្យដឹងថា នៅក្នុងបន្ទាយកងរាជអាវុធហត្ថខេត្ត កំពង់ធំ មានទាំងអ្នកលួចឈើ មានទាំងឈ្មួញឈើ ដែលជាមន្ត្រីកងរាជអាវុធហត្ថខេត្តកំពង់ធំ ដូចគ្នា តែខណៈនេះឈើដែលលោក វរៈសេនីយ៍ត្រី សេង ប៊ុនតេង បានលួចទាំង១០ដុំនោះ ប្រហែលជាចរាចរណ៍ ចូលទៅក្នុងប្រទេសវៀតណា
មបាត់ទៅហើយ នេះក៏ដោយសារតែមានការឃុបឃិតគ្នា ជាពិសេសស្ថាប័ន តុលាការ ឥតចាត់ការ ដែលជាហេតុបណ្តាលឲ្យមានការសង្ស័យ តែសង្ឃឹមថាលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ និងបើកគេហទំព័រ ខ្មៅនេះឡើងវិញ ដើម្បីលុបបំបាត់នូវអំពើពុករលួយ ។ 
