កម្លាំងនគរបាលប្រឆាំងការជួញដូរគ្រឿងញៀនរាជធានីភ្នំពេញ បានបើកការស្រាវជ្រាវ និងចាប់ខ្លួនជន សង្ស័យម្នាក់ ពាក់ព័ន្ធការចែកចាយគ្រឿងញៀន ស្ថិតនៅ ភូមិទួលគោក សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ កាលពី រសៀលថ្ងៃទី០៧ ខែឧសភា ឆ្នាំ២០១៤ បន្ទាប់ពីតាមដានពេញមួយព្រឹក ។
ស្នងការរងនគរបាល រាជធានីភ្នំពេញ លោក សុង លី បានបញ្ជាកម្លាំងឱ្យបោសសម្អាត ករណីគ្រឿងញៀន នៅ តាមតំបន់ស្មុគស្មាញ ។
ប្រធានការិយាល័យប្រឆាំងបទល្មើសគ្រឿងញៀន រាជធានីភ្នំពេញ លោក ប៊ន សំអាត បាននិយាយថា ក្រោយ ពីទទួលបាន សេចក្ដីរាយការណ៍ និងព័ត៌មាន សម្ងាត់ពីសកម្មភាព ចែកចាយ និងប្រើប្រាស់ គ្រឿងញៀន នៅ ចំណុចកើតហេតុខាងលើរួចមក លោកបានបញ្ជាឱ្យកម្លាំងនគរបាលជំនាញ សហការជាមួយកម្លាំង នគរបាល ពាក់ព័ន្ធ បានចុះទៅធ្វើការស្រាវជ្រាវ ហើយឈានទៅដល់ការចាប់ខ្លួន ជនសង្ស័យបានម្នាក់ រួមជាមួយនឹងវត្ថុ តាងគ្រឿងញៀន ៤៤កញ្ចប់ ។
មន្ត្រីនគរបាលបានប្រាប់ថា ជនសង្ស័យ រស់ ស្រីសរ វ័យ ២០ឆ្នាំ ស្នាក់នៅក្រោយអង់តែនទួលគោកជាមុខសញ្ញា ចាស់ធ្លាប់ធ្វើសកម្មភាពចែកចាយ គ្រឿងញៀន ជាច្រើនដងមកហើយ ប៉ុន្តែចំណាត់ការរបស់មន្ត្រីមូលដ្ឋាន ហាក់ បីដូចជាគ្មានប្រសិទ្ធិភាព ។ ក្រោយការចាប់ខ្លួន ជនសង្ស័យរូបនេះ និងវត្ថុតាង ត្រូវបាននាំមកសួរនាំបន្ដទៀត នៅការិយាល័យប្រឆាំងបទ ល្មើស គ្រឿងញៀននៃស្នងការដ្ឋាននគរបាល រាជធានីភ្នំពេញ ដើម្បីចាត់ការបន្ដតាមផ្លូវច្បាប់ ៕
