ខេត្តបន្ទាយមានជ័យ នាព្រឹកមិញថ្ងៃទី០៩ឧសភាឆ្នាំ២០១៤នេះប្រជាពលរដ្ឋជាច្រើននាក់នៅក្រុងប៉ោយប៉ែតបានហែក្បួនបាតុកម្មប្រឆាំងនិងដីការបស់តុលាការខេត្តបន្ទាយមានជ័យដែលបានសម្រេចការពារដីចំនួន៤០០០ម៉ែត្រការ៉េនៅចំណុចភូមិក្បាលស្ពាន២សង្កាត់និងក្រុងប៉ោយប៉ែត ។
ក្បួនបាតុកម្មខាងលដើរឆ្ពោះទៅកាន់សាលាក្រុងប៉ោយប៉ែតដើម្បីតវ៉ាប្រឆាំងនិងដិការខេត្តបន្ទាយមានជ័យចុះថ្ងៃទី០១ខែមេសាឆ្នាំ២០១៤សម្រេចឲ្យរក្សាការពារដីទំហំ៤០០០០ម៉ែត្រការ៉េនៅចំណុចភូមិក្បាលស្ពាន២សង្កាត់និងក្រុងប៉ោយប៉ែតខេត្តបន្ទាយមានជ័យ របស់ដើមបណ្តឹង ឈ្មោះ គឹម សារិន និង ញឹម ម៉ែន ។
បើយោងតាមសំណុំរឿងរក្សាការពារលេខ៧៣៖ចុះថ្ងៃទី២៧ខែវិច្ឆិកាឆ្នាំ២០១៣ របស់ប្រធានសាលាដំបូងខេត្តបន្ទាយមានជ័យលោក អាំងមាលតី បង្គាប់ឲ្យរក្សាការពារដីទំហំទទឹង១០០ម៉ែត្រនិងបណ្តោយ៤០០ម៉ែត្រមានព្រំប្រទល់ខាងជើងទល់និងផ្លូវលំខាងត្បូងទល់និងផ្លូវលំខាងកើតទល់និងផ្លូវ២០ម៉ែត្រ ខាងលិចទល់និងផ្លូវលំ ។ ប្រវត្តិខ្លះៗនៃដីទំនាស់ខាងលើ៖ឈ្មោះគឹមសារិនដែលជាដើមបណ្តឹងមានបង្កាន់ដៃកាន់កាប់ដីធ្លីខាងលើកំឡុងឆ្នាំ១៩៩៨ ហើយបានជូលដីនោះឲ្យទៅឈ្មោះ មូល សំបុន ឈួសឆាយជីកប្រឡាយពទ្ធ័ជុំវិញដីខាងលើ ។
ប៉ុន្តែក្រោយមកស្រាប់តែមានឈ្មោះអាយ អូន ឈ្មោះ សែម ស៊ីណន និងអ្នកផ្សេងទៀតឃុបឃិតគ្នាធើ្វបណ្ណ័សម្គាល់សិទ្ធិនាទី២០តុលាឆ្នាំ២០០៣ ។ បើទោះជាយ៉ាងណាក៏ដោយនាព្រឹកមិញនេះសម្លេងអ្នកហែក្បួនបាតុកម្មបានស្រែកទ្រហឹងថា៖ តុលាការអយុត្តិធម៌ណាស់សុំឲ្យអាជ្ញាធរក្រុងប៉ោយប៉ែតជួយធើ្វអន្តរាគមន៏លើបណ្តឹងរក្សាការពាររបស់តុលាការនេះផងហើយឲ្យសមេចហ៊ុនសែនដែលពួកគេហៅថាបុរសខ្លាំងនោះចេញមុខជួយធើ្វអន្តរាគមន៏លើតុលាការដើម្បីឲ្យដកបណ្តឹងរក្សាការពារជាបន្ទាន់ ។
លើសពីនេះទៅទៀតនោះម្ចាស់ដីខ្លះបានស្រែកថា៖ដីរបស់ខ្លួនមានប្លង់កម្មសិទ្ធិករស្របច្បាប់តាំងពីថ្នាក់មូលដ្ឋានរហូតដល់ថ្នាក់ក្រសួងដែនដីនគរូបណីយកម្មនិងសំណង់ទៀតផង ប៉ុន្តែពេលនេះប្លង់របស់ពួកគេហាក់មិនមានប្រសិទ្ធិភាពឡើយ ក្រៅតែពីដីរបស់ប្រជាពលរដ្ឋធម្មតានោះក៏មានដីលោកឧត្តមសេនីយ៏ប៉ូលីសម្នាក់ ឈ្មោះ ឃុន សំបូ ដែលកំពុងតែសាងសង់អាគារដ៏ខ្ពស់ស្គឹមស្កៃក៏ត្រូវបានតុលាការចេញដីការសម្រេចឲ្យរក្សាការពារដែរ តែថាដីការរបស់តុលាការនេះហាក់មិនត្រូវបានគេគោរពស្មើភាពនោះទេ ជាក់ស្តែងសំណង់លោកឧត្តមសេនីយ៏ នៅតែបន្តការសាងសង់ដោយមិនខ្វល់និងដីការរបស់តុលាការឡើយ ។
ពាក់ពន្ធ័និងបញ្ហាទំនាស់ដីធ្លីដ៏ធំនៅក្រុងប៉ោយប៉ែតនេះ លោក ង៉ោម៉េងជ្រូន បានថ្លែងទៅកាន់ក្រុមបាតុករថា៖ លោកនិងជួយខាងប្រជាពលរដ្ឋភាគច្រើនដើម្បីឲ្យពួកគាត់បានបន្តរស់នៅដោយសុខុដុមវិញតែថាកាលពីកន្លងទៅថ្មីៗនេះលោក ង៉ោម៉េងជ្រូន ធ្លាប់បានលើកឡើងថា៖បញ្ហាដីទំនាស់ខាងលើគឺជានិតិវិធីរបស់តុលាការមិនមែនជាកាតព្វកិច្ចរបស់លោកឡើយ ។
ចំណែកអ្នកវិភាគផ្លូវច្បាប់មួយចំនួនបានលើកឡើងថា៖ បញ្ហាដីធ្លីនៅតំបន់ប៉ោយប៉ែតនេះ គឺបុព្វហេតុកើតឡើងទៅជាទំនាស់នោះដោយសារតែក្រុមមន្ត្រីថ្នាក់មូលដ្ឋានបានឃុបឃិតគ្នាជាមួយឈ្មួញទុច្ចរិតដើរបង្កបញ្ហាលើពលរដ្ឋស្លូតត្រង់ ជាក់ស្តែងដូចជាករណីដីចំណុចដីសស្ថិតក្នុងភូមិក្បាលស្ពាន១នោះកន្លងមកកើតជារឿងផ្ទុះការតវ៉ារហូតដល់មានមនុស្សស្លាប់ចំនួន០៥ នាក់នៅលើដីនោះ ហើយត្រូវបាននាយករដ្ឋមន្ត្រី លោក ហ៊ុនសែន បានប្រកាស់ឲ្យអាជ្ញាធរកាត់ដីទំនាស់
នោះប្រគល់ឲ្យភាគីប្រជាជនវិញសំនួរសួរថា៖តើមកទល់និងពេលនេះភាគីខាងប្រជាជនទាំងនោះ បានទទួលដីគ្រប់គ្នាហើយឬនៅ ? ហេតុអី្វ ? ។ ប៉ុន្តែបញ្ហាដីទំនាស់ទំហំ៤០០០០ម៉ែត្រការ៉េនៅចំណុចខាងលើនេះ បើតុលាការមានយុត្ថាធិការច្បាស់លាស់កុំជាប់ជំពាក់និងអំពើពុករលួយនោះភាគីជម្លោះនឹងជាទទួលបាននូវយុត្តិធម៌ពោលគឺ អ្នកចាញ់គឺជារំលោភ ឯអ្នកឈ្នះគឺជាអ្នករងគ្រោះ ។
