ភ្នំពេញ ៖ រថយន្តរេងរ៉ូវើស៊េរី២០១៤មួយគ្រឿងជិះដោយកូនអ្នកធំម្នាក់ រួមជាមួយអង្គរក្ស បានបើកបត់ឆ្វេងឆ្លងផ្លូវស្របជាមួយម៉ូតូហុងដាណៃហត ដែលជិះដោយអង្គរក្ស២នាក់ ក៏ត្រូវបានម៉ូតូហុងដាឌ្រីមសេ១២៥មួយគ្រឿងដែលជិះដោយបុរសម្នាក់ក្នុងល្បឿនលឿនចាប់ហ្វ្រាំងមិនទាន់ទៅបុកម៉ូតូហុងដាណៃហតក៏បោកផ្ទប់និងជំហៀងខាងស្ដាំរថយន្តរ៉េងរ៉ូវើ
បណ្ដាលអោយរថយន្តនិងម៉ូតូរងការខូចខាតយ៉ាងដំណំ ដែលហេតុការណ៍នេះបានកើតឡើងកាលពីវេលាម៉ោង១១និង២០នាទីយប់ថ្ងៃទី១១ខែឧសភាឆ្នាំ២០១៤ ត្រង់ចំណុចច្រកចូលបុរីអែតវ៉ូត តាមបណ្ដោយមហាវិថីសហព័ន្ធរុស្ស៊ីក្នុងសង្កាត់ទឹកថ្លា ខណ្ឌសែនសុខ។ តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេ ឃើញរថយន្តរ៉េ
ងរ៉ូវើ ពណ៌ខ្មៅ មួយគ្រឿង ពាក់ស្លាកលេខ 2AC-2222 បានធ្វើដំណើរដោយនារីម្នាក់ជាកូនអ្នកធំ រួមដំណើរជាមួយអង្គរក្ស តាមបណ្ដោយផ្លូវមហាវិថីសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ចំណុចកើតហេតុខាងលើក៏រថយន្តរ៉េងរ៉ូវើខាងលើនេះបានបត់ឆ្វេងឆ្លងផ្លូវដោយមានម៉ូតូមួយគ្រឿងម៉ាកណៃហត ពណ៌ខ្មៅ ពាក់ស្លាកលេខ 1AK-1147 ជិះដោយបុរស
២នាក់ជាអង្គរក្សបត់ស្របគ្នាជាមួយរថយន្ត ហើយខណៈនោះក៏ស្រាប់តែមានម៉ូតូម៉ាកហុងដាឌ្រីសេ១២៥ ពណ៌ក្រហម ពាក់ស្លាកលេខ ភ្នំពេញ 1CD-0557 ដែលជិះដោយបុរសម្នាក់ក្នុងល្បឿនយ៉ាងលឿនតាមបណ្ដោយផ្លូវសហព័ន្ធរុស្ស៊ី ទិសដៅពីលិចទៅកើតចាប់ហ្វ្រាំងមិនទាន់ក៏ជ្រុលបុកម៉ូតូណៃហតដែលកំពុងបត់ឆ្លងបោកផ្ទប់ចំរថយន្តដែលកំពុងបត់ស្របគ្នានោះបណ្ដាលអោយម៉ូតូនិងរថយន្តរងការខូចខាតយ៉ាងដំណំ ហើយក្នុងហេតុការណ៍គ្រោះថ្នាក់ចរាចរនេះមិនមានអ្នករងរបួស
ធ្ងន់ធ្ងរនោះទេគ្រាន់តែរងរបួសស្រាលតែប៉ុណ្ណោះ។ បន្ទាប់ពីកើតហេតុក្រុមអ្នកយកព័ត៌មានបានចុះទៅផ្ដិតយករូបភាព ក៏ត្រូវក្រុមអង្គរក្សរបស់កូនអ្នកធំនោះរារាំងថែមទាំងចង់បោកកាមេរ៉ាអ្នកសារព័ត៌មានថែមទៀតផង ដោយកូនស្រីអ្នកធំនោះសំអាងថាខ្លួនមានអំណាចស្គាល់ថ្នាក់ដឹកនាំធំៗក្នុងអង្គភាពសារព័ត៌មាននិងមិនចង់អោយចុះផ្សាយពីព្រឹត្តិការណ៍គ្រោះថ្នាក់ចរាចរនេះនោះទេ។
បន្ទាប់ពីកើតហេតុសមត្ថកិច្ចចរាចរអធិការដ្ឋានខណ្ឌសែនសុខចុះធ្វើការវាស់វែងចំពោះគ្រោះថ្នាក់ចរាចរនេះនិងយកទៅរក្សាទុកនៅអធិការដ្ឋាននគរបាលខណ្ឌសែនសុខដើម្បីធ្វើការដោះស្រាយគ្នាតាមផ្លូវច្បាប់នៅពេលក្រោយ៕
