ខេត្តកំពង់ធំៈ យុទ្ធជន យុវនារី ៥៥រូប ត្រូវបានបញ្ជូលជាសមាជិកគណៈបក្សប្រជាជនកម្ពុជា ឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី ៣ ខែ មករា ឆ្នាំ ២០១៦ ក្រោមអធិបតីភាព ឯកឧត្តម សោម ស៊ុន សមាជិកអចិន្ត្រៃយ៍គណៈកម្មាធិការ គណបក្សខេត្ត និងជាអនុប្រធានក្រុមការងារថ្នាក់កណ្តាលចុះជួយ ស្រុកស្ទោង ព្រមទាំងលោក ព្រឹក រដ្ឋា ប្រធានគណបក្សស្រុកស្ទោង ព្រមទាំងលោកយាយ លោកតា ប្អូនៗយុទ្ធជន ចូលរួមជាច្រើននាក់ នៅក្នុងបរិវេណវត្តបន្ទាយស្ទោង ស្រុកស្ទោង ខេត្តកំពង់ធំ។
ដើម្បីអបអរសាទរ ថ្ងៃ៧មករា ខួបលើកទី ៣៧ឆ្នាំ នេះ យុវជនចំនួន ៥៥រូប មាន ស្រី ២២រូប ក្នុងនោះមាន សមាជិករបស់គណៈ សម រង្សី មួយចំនួន បានសម្រេចចិត្តបោះបង់ចោល និងឈប់ផ្ញើរវាសនា អស់ជំនឿនិងការទុកចិត្ត ទៅលើគណៈសម រង្សី និង គឹម សុខា បានមករួមរស់ជាមួយ នឹងគណៈបក្សប្រជាជនកម្ពុជាវិញ ដែលមានគោលជំហរនិងមានគោលដៅ ច្បាស់លាស់និងសមត្ថភាពក្នុងការដឹកនាំ និងអភិវឌ្ឍន៍ប្រទេសជាតិ ឲ្យបានរីកចម្រើន ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា ។
លោក ព្រឹម រដ្ឋា ប្រធានគណបក្សស្រុកស្ទោង បានផ្តាំផ្ញើរដល់សមាជិកគណបក្សប្រជាជនថ្មី ឲ្យយល់ពីតួនាទីរបស់ខ្លួន ក្នុងនាមជាសមាជិកគណបក្ស មានតួនាទីភារៈកិច្ច ត្រូវស្មោះត្រង់មិនងាករ៉េ ត្រូវទៅចុះឈ្មោះបោះឆ្នោត និងត្រូវទៅបោះឆ្នោត ត្រូវជឿនិងគាំទ្រគណបក្សប្រជាជន
ដោយសារតែយើងបានឃើញ ការអភិវឌ្ឍន៍របស់ប្រទេសជាតិ ឲ្យមានផ្លូវថ្នល់ សាលារៀន មន្ទីរពេទ្យ និងហេដ្ឋារចនាសម្ព័ន្ឋផ្សេងៗ ដោយសារតែជាស្នារដៃរបស់គណបក្សប្រជាជនកម្ពុជា ។
ឯកឧត្តម សោម ស៊ុន ប្រធានការងារចុះជួយឃុំបន្ទាយស្ទោង បានមានប្រសាសន៍ថា គណបក្សមានអាយុកាលចំណាស់ជាងគេ ដែលត្រូវបានបង្កើត ថ្ងៃទី ២៨ ខែ មិថុនា ឆ្នាំ១៩៥១ មានចាស់ទុំខាងនយោបាយ ហើយមានបទពិសោធន៍ ក្នុងការដឹកនាំប្រទេសជាតិ ចំណែកគណបក្សដែលបានធ្វើនយោបាយប្រគួត ប្រជែងជាមួយគឺគណបក្សសង្គ្រោះជាតិ និងជាគណបក្សថ្មីដែលទើបតែបង្កើត ហើយពុំមានបទពិសោធន៍ ក្នុងការឆាកនយោបាយ គណបក្សប្រជាជនជាគណបក្សដែលបាន រំដោះជាតិមាតុភូមិចេញពីរបបបនក្បត់ ប្រល័យពូជសាសន៍
ប៉ុលពត ខណៈពេលដែលប្រជាពលរដ្ឋរងទុកវេទនា រស់នៅក្នុងគុគអត់ជញ្ជាំង ប្រជាពលរដ្ឋខ្មែរ កំពុងតែរស់នៅក្នុងឋាននរគ ហើយបានអំពាវនាវឲ្យទេវតាជួយ ខណៈពេលដែលប្រជាពលរដ្ឋ ខ្មែរទាំងអស់គ្មានសិទ្ធិអ្វីទាំងអស់ សូម្បីតែនិយាយ ឬច្រៀង និងត្រូវសំលាប់ចោលដែរ ។ដោយ ប៊ុន រដ្ឋា
