ខេត្តសៀមរាបៈ ជនសង្ស័យជាឃាតករសម្លាប់មនុស្សអស់៣នាក់នៅស្រុកអង្គរជុំហែកគុករត់រួចដោយសុវត្តិភាពកាលពីវេលាម៉ោង០៥ទៀបភ្លឺថ្ងៃទី០៤ ខែមករា ឆ្នាំ២០១៦ តែសមត្ថកិច្ចអះអាងថា ដោយសារការធ្វេសប្រហែសពុំមានកម្លាំងនៅយាមកាម ព្រោះរវល់គោរពទង់ជាតិ ការឆ្លើយបែបនេះ បានធ្វើឲ្យមហាជនសង្ស័យថា គោរពទង់ជាតិម៉ោង៧ ព្រឹកហេតុអ្វីបានជាជនសង្ស័យរត់រួចមក៥ព្រឹកពុំមានកម្លាំងយាម។ ជនសង្ស័យដែលជាឃាតករ សម្លាប់មនុស្សដ៏សាហាវនេះ ក្រោយពីចាប់ឃាត់ខ្លួនបាននៅស្រុកអង្គរជុំ សមត្ថកិច្ចបាន បញ្ជូនមកស្នងការនគរបាលខេត្តសៀមរាប អាចនិយាយបានថាជនសង្ស័យបានមកដល់ទ្រុងខ្លា ហើយពុំមានភាគរយណាមួយ បញ្ជាក់ឲ្យដឹងច្បាស់ថា ជនសង្ស័យអាចរត់រួចនោះទេ ដោយសារតែក្រោមការ គ្រប់គ្រងរបស់ប៉ូលិសព្រហ្មទណ្ឌកម្រិតធ្ងន់ខេត្តសៀមរាប ។
លោក ថង សាគន្ធ ស្នងការរដ្ឋាននគរបាលខេត្តសៀមរាប បានឱ្យដឹងដឹងតាមទូរស័ព្ទថា ជនសង្ស័យឈ្មោះ ឈន់ ឆេន អាយុ ១៨ឆ្នាំ ជាឃាតករសម្លាប់មនុស្សអស់៣នាក់ដោយសារតែរឿងដណ្តើមស្រីស្នេហ៍ បានហែកបន្ទប់ឃុំឃាំង រត់រួចខណ:ពេលដែលកម្លាំងសមត្ថកិច្ចកំពុងជាប់រវល់ប្រជុំនិងគោរពទង់ជាតិ និងពុំមានសមត្ថកិច្ចយាមកាមនោះគឺបណ្តាលមកពីកម្លាំងសមត្ថកិច្ចរបស់លោកមានការធ្វេសប្រហែសចំពោះការយាមកាមមានភាពធូរលុងឥឡូវលោកបានដាក់កម្លាំងតាមរកគ្រប់ទីកន្លែងហើយ ប៉ុន្តែរហូតមកដល់ពេលនេះមិនទាន់មានពត៏មានអ្វីច្បាស់លាស់នៅឡើយទេ។លោកឌួង សុខា ប្រធានការិយាល័យនគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តសៀមរាប មិនបានធ្វើការអត្ថាធិប្បាយពាក់ព័ន្ធករណីជនសង្ស័យឈ្មោះ ឈន់ ឆេន ឃាតករសម្លាប់មនុស្សនេះទេ ដោយលោកប្រាប់តាមទូរស័ព្ទថា ដោះសារថាលោកកំពុងជាប់ប្រជុំ លោក សត ណាឌី ស្នងការនគរបាលខេត្តសៀមរាប អ្នកសារព័ត៌មានព្យាយាមទំនាក់ទំនងតាមទូរស័ព្ទ តែខលចូលហើយពុំលើកទូរស័ព្ទ ទើបមិនអាចសុំការបំភ្លឺពីករណី បណ្តែតបណ្តោយឲ្យអ្នកទោសឧក្រិដ្ឋរត់រួចដោយសុវត្តិភាព ។មហាជនទូរទៅក្នុងខេត្តសៀមរាប សុទ្ធតែខកបំណងយ៉ាងខ្លាំង ខណៈពេលដែលមុននេះបន្តិចបានសរសើរ សមត្ថកិច្ចមិនដាច់ពីមាត់ ថាអាចចាប់បានឃាត់ករដែលសម្លាប់មនុស្សដ៏សាហាវ តែក្រោយពេលសរសើរមួយដង្ហើមចង្រិត ស្រាប់តែពួកគាត់មានការភ័យព្រួយ និងបារម្ភណ៍យ៉ាងខ្លាំង ចំពោះឃាតករម្នាក់សោះតែ សមត្ថកិច្ចនៃស្នងការខេត្តសៀមរាប អសមត្ថភាពក្នុងកិច្ចការពារអ្នកទោស ហើយមានក្តីកង្វល់ថា តើអនាគត់ប្រជាពលរដ្ឋសង្ឃឹមអ្នកណា យកទៅផ្ញើរនិងសមត្ថកិច្ចបែរជាសមត្ថកិច្ចគ្មានលទ្ធភាព ក្នុងការគ្រប់គ្រង។ ដោយ ប៊ុន រដ្ឋា
