កំពត៖ ជនសង្ស័យម្នាក់ ត្រូវបានកម្លាំងនគរបាល ស្រុកទឹកឈូ ធ្វើការឃាត់ខ្លួន នៅព្រឹក ថ្ងៃទី ៥ ខែមករា ឆ្នាំ២០១៦ ពាក់ព័ន្ធនឹងករណីរំលោភសេពសន្ថវៈ លើក្មួយស្រីថ្លៃ អាយុ១២ ឆ្នាំ ក្នុងផ្ទះចាំចំការកៅស៊ូ នៅភូមិ ត្រពាំងព្រីង ឃុំត្រពាំងព្រីង ស្រុកទឹកឈូ ខេត្តកំពត ។
ជនសង្ស័យមាន ឈ្មោះ ទូច យូន ហៅយួន ភេទប្រុស អាយុ ២១ ឆ្នាំ មានប្រពន្ធត្រូវជាមីងបង្កើតរបស់កុមារីរងគ្រោះ មុខរបរកម្មករចម្ការកៅស៊ូ រស់នៅភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត ស្នាក់នៅបណ្តោះអាសន្ន ក្នុងចម្ការកៅស៊ូ ចំណែកកុម៉ារីរងគ្រោះ អាយុ១២ឆ្នាំ រស់នៅភូមិភ្នំតូច ឃុំកណ្ដោល ស្រុកទឹកឈូ ស្នាក់នៅបណ្តោះអាសន្នក្នុងចម្ការកៅស៊ូជិតជនសង្ស័យ ។
លោកលក ញ៉ាវ នាយរងការិយាលយ័នគរបាលព្រហ្មទណ្ឌ័កំរិតធ្ងន់នៃស្នងការដ្ឋាននគរបាលខេត្តបានឲ្យដឹងថាៈ នៅថ្ងៃកើតហេតុវេលាម៉ោង ៣ រសៀល ថ្ងៃទី៤ ខែមករា មេឃរកភ្លៀងហើយក្មេងស្រីរងគ្រោះបានហៅជនសង្ស័យ ( ជាពូថ្លៃ ) អោយជួយសែងស្រូវដែលហាលចូលក្នុងផ្ទះ លុះពេលសែងស្រូវចូលដល់ក្នុងផ្ទះមិនឃើញមានអ្នកណានៅ ទើបជាឪកាសល្អជនសង្ស័យបានធ្វើសកម្មភាពចាប់រំលោភលើក្មេងស្រី ជាក្មួយស្រីថ្លៃ រហូតបានសម្រេចចំនួន១លើក តែម្ដង ចំណុចផ្ទះចាំចំការកៅស៊ួ នៅភូមិ ត្រពាំងព្រីង ឃុំត្រពាំងព្រីង ស្រុកទឹកឈូ ។
លោកបានឲ្យដឹងទៀតថាៈ ក្រោយពីទទួលបានពាក្យបណ្តឹង របស់ក្រុមគ្រួសារកុមារីរងគ្រោះ លើករណីរំលោភ លោកអធិការនរគបាលស្រុកទឹកឈូដឹកនាំកំលាំង ចុះទៅឃាត់ខ្លួនជនសង្ស័យ ព្រឹក ថ្ងៃទី ៥ ខែ មករា ឆ្នាំ២០១៦ តែម្តង ហើយវេលាម៉ោង១០,៣០នាទីព្រឹក ថ្ងៃដដែល លោកអធិការនរគបាលស្រុកទឹកឈូ បានធ្វើរបាយការណ៏ បញ្ជូនជនសង្ស័យមកកាន់ការិយាល័យជំនាញ នៃស្នងការដ្ឋាននគរបាលខេត្ត សួរនាំបន្ត ។
ចំណែក ជនសង្ស័យ បានឆ្លើយបដិសេធចំពោះសមត្ថកិច្ចជំនាញថា ខ្លួនមិនបានចាប់រំលោភទៅលើជនរងគ្រោះដូចពាក្យចោទប្រកាន់នោះទេ ។ តែបើតាមការពិនិត្យរបស់គ្រូពេទ្របានបញ្ជាក់ថាកុមារីពិតជាមានដាច់រលាត់ សន្ទះព្រហ្មចារីបន្តិចបន្ដួច តែមិនបានស៊ីជំរៅ ។
បច្ចុប្បន្ន ទោះបីជាជនសង្ស័យបានឆ្លើយបដិសេធក៏ដោយក៏សមត្ថកិច្ចជំនាញបានកំពុងកសាងសុំណុំរឿងទៅកាន់តុលាការ ដើម្បីចាត់ការតាមនីតិវិធីច្បាប់ ៕
