ខេត្តប៉ៃលិន៖យុវជនម្នាក់បានស្លាប់ក្រោយពីបញ្ជូនទៅសង្គ្រោះនៅមន្ទីរពេទ្យប្រទេសថៃ និងម្នាក់ទៀតរងរបួសស្រាល ខណៈពេលជិៈម៉ូតូបុកគ្នាក្នុងទឹសដៅបញ្ច្រាស់ទឹស ។ ហេតុការណ៏គ្រោះថ្នាក់ចរាចរណ៏នេះ បានកើតឡើងកាលពីវេលាម៉ោង០៩ និង២០នាទីយប់ថ្ងៃទី៥ ខែមករា ឆ្នាំ២០១៦ ស្ថិតលើកំណាត់ផ្លួវជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ប្រភពព័ត៌មានពីសមត្ថកិច្ចបានឲ្យដឹងថា៖ ជនបង្កជិៈម៉ូតូម៉ាក់វ៉េវ ពណ៍ក្រហមសេរីឆ្នាំ២០០៨ គ្នានស្លាក់លេខ ក្នុងទឹសដៅពីជើងទៅត្បូង ។ មានឈ្មោះឈ្មោះ ឡុង បារាំង ភេទប្រុស អាយុ១៦ឆ្នាំជាសិស្សរស់នៅភូមិ ឃុំកើតហេតុ ខាងលើរងរបួសបែកក្បាលធ្ងន់ បញ្ជូនទៅពេទ្យប្រទេសថៃ ហើយបានស្លាប់នៅប្រទេសថៃ, ចំណែកភាគីម្ខាងទៀតមានឈ្មោះ គឹម សុខជា ភេទប្រុស អាយុ២១ឆ្នាំ ជាបុគ្គលិកកាស៊ីណូ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន រងរបួសស្រាល បែកចញ្ជើមខាងធ្វេង ជិៈម៉ូតូម៉ាក់ហុងដាC125 ពណ៍ខ្មៅសេរី០១២ ពាក់ស្លាក់លេខ ប៉ៃលិន1B-0662 ក្នុងទឹសដៅពីត្បូងទៅជើង ។ ប្រភពព័ត៌មានបន្តថា៖ មុនពេលកើតហេតុ គឺម៉ូតូជនបង្កជិៈពីជើងទៅត្បូង រីឯម៉ូតូម្ខាងទៀតជិៈពីត្បូងមកជើង(បញ្ច្រាស់ទឹសគ្នា) ពេលនោះម៉ូតូជនបង្កបានជិៈបត់ដោយមិនបានមើលមុខក្រោយ ក៏បុកម៉ូតូជនរងគ្រោះតែម្តង ។ បច្ចុប្បន្នសពជនបង្កកំពុងតែបញ្ជូនមកតាមច្រកទ្វាអន្តរជាតិព្រំ ខេត្តប៉ៃលិន ហើយសាច់ញាតិកំពុងរងចំទទួលពីសមត្ថកិច្ច ដើម្បីយកទៅធ្វើបុណ្យតាមប្រពៃណី ។ ចំណែកម៉ូតូទាំងពីរគ្រឿង ត្រួវបាននគរបាលចរាចរណ៍យកទៅរក្សាទុកស្នងការខេត្ត រងចាំការដោះស្រាយតាមច្បាប់៕