ឧត្តរមានជ័យ៖ ខួបអនុស្សាវរីយ៍លើកទី៣៧ ទិវាជ័យជំនះ(៧មករា១៩៧៩-៧មករា២០១៦)ត្រូវបានប្រារព្វធ្វើឡើងនៅបរិវេណសួនច្បាមុខសាលាខេត្តឧត្តរមានជ័យ ដោយមានមហាជនជាមន្ត្រីរាជការ កងកម្លាំងប្រដាប់អាវុធទាំងបីប្រភេទ ប្រជាពលរដ្ឋនិងសិស្សានុសិស្ស៦១៣នាក់.ចូលរួមទៀតផង។ពិធីនេះ ប្រព្រឹត្តទៅក្រោមការចូលរួមពីសំណាក់ ឯកឧត្តម នាយឧត្តមសេនីយ៍ គន់ គីម ប្រធានក្រុមការងារថ្នាក់ជាតិចុះជួយខេត្តឧត្តរមានជ័យ ឯកឧត្តមជាដារ៉ា មេបញ្ជាការរងខរះភូមិន្ទ ឯកឧត្តស ថាវី អភិបាលនៃគណអភិបាលខេត្តនិងឯកឧត្តមអមដំណើរជាច្រើនទៀត។ឯកឧត្តមស ថាវី អភិបាលខេត្ត បានអានសន្ទរកថា សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងពិធីខួបលើកទី៣៧ នៃទិវាជ័យជំនះ៧មករា។ឯកឧត្តមស ថាវី អភិបាលខេត្ត បានលើកឡើងថា ប្រទេសកម្ពុជា មានការអភិវឌ្ឍន៍ ក្រោមការដឹកនាំរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាមួយនឹងការអភិវឌ្ឍន៍ប្រទេស
ទាំងមូលប្រកបកដោយសុខសន្តិភាព ស្ថេរភាព ពេញលេញ ហើយបានលិចមុខលើឆាកអន្តរជាតិ។ឯកឧត្តមស ថាវី អភិបាលខេត្ត បានបន្តទៀតថា ជាមួយនឹងសន្តិភាពរីកចម្រើននេះ ក៏បានរំលឹកប្រវត្តិវេទនាក្នុងរបប៣ឆ្នាំ៨ខែ២០ថ្ងៃដែលពលរដ្ឋរស់នៅក្រោមការកាប់សម្លាប់ ដែលគ្មានសាសនា និងបង្អត់អាហា។តែដោយសារគុណបុណ្យថ្ងៃ៧មករា បានធ្វើឲ្យប្រជាពលរដ្ឋ ប្រទេសជាតិ រស់ឡើងវិញ។៧មករាឆ្នាំ១៩៧៩នេះហើយជាកំណើតទី២របស់យើងទាំងអស់គ្នាដូចនេះយើងមិនត្រូវភ្លេចថ្ងៃនេះឡើយ ជាពិសេសគណបក្សប្រជាជនដែលបានតស៊ូតាំងពីអតីតរហូតដល់ពេលបច្ចុប្បន្ន មានអ្វីៗគ្រប់បែបយ៉ាង៕