កំពង់ធំៈ ប្រជាពលរដ្ឋ សិស្សានុសិស្សជាង១៥០០នាក់ បានចូលរួមក្នុង ពិធីប្រារព្វអបអរសារទរ ខួបទី៣៧ឆ្នាំ នៃទិវាជ័យជន្នះ៧មករា ឆ្នាំ១៩៧៩ និង២០១៦ នៅស្នាក់ការគណបក្សក្រុងស្ទឹងសែន ខេត្តកំពង់ធំ នៅព្រឹកថ្ងៃទី ៧ ខែមករា ឆ្នាំ ២០១៦ ក្រោមការចូលរួមជាគណៈអធិតី ឯកឧត្តម បណ្ឌិត ងួន ញ៉ិល សមាជិកគណៈអចិន្ត្រៃយ៍គណៈកម្មាធិការកណ្តាល អនុប្រធានទី២ នៃរដ្ឋសភាព និងឯកឧត្តម លោកជំទាវ ចូលរួមជា ច្រើននាក់ផងដែរ។
ឯកឧត្តម អ៊ុត សំអន សមាជិកគណៈកម្មាធិការកណ្តាល ប្រធានគណៈកម្មាធិការគណបក្សខេត្តកំពង់ធំ បានអានសាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា ថ្ងៃនេះជាទិវាដ៏មហានក្ខត្តឬក្ស ដែលប្រជាជនកម្ពុជាយើងទូទាំងប្រទេសចូលរួមយ៉ាងក្លៀវក្លាប្រារព្វ ខួបអនុស្សាវរីយ៍លើកទី៣៧ នៃទិវាជ័យជន្នះជាប្រវត្តិសាស្ត្រ នាថ្ងៃ៧មករា ឆ្នាំ១៩៧៩ និងបានផ្តួលរំលំរបបបនក្បត់ប្រល័យពូជសាស្ត្រប៉ុលពត ប្រជាជនកម្ពុជា ក៏ដូចជាប្រជាជនក្នុងពិភពលោក ស្រឡាញ់សន្តិភាព សេរីភាព និងយុត្តិធម៌ ហើយនៅតែចងចាំព្រឹត្តការណ៍ប្រវត្តិសាស្ត្រនេះ ក្នុងស្មារតីគោរពដឹងគុណយ៉ាងជ្រាល ជ្រៅ ចំពោះយុទ្ធជន យុទ្ធនារី អ្នកស្នេហាជាតិដ៏ច្រើនឥតគណនា ដែលបានក្រោកឈរតស៊ូប្រយុទ្ធយ៉ាងប្តូរ ផ្តាច់ ហ៊ានលះបង់សាច់ស្រស់ឈាមស្រស់ និងអាយុជីវិតប្រកបដោយវីរៈភាពវីរភាពដ៏ខ្ពង់ខ្ពស់ ក្នុងបុព្វហេតុ សង្គ្រោះជាតិ មាតុភូមិ ។
តំណាងអង្គមិទិ្នញបានមានចំណាប់អារម្មណ៍ថា យើងខ្ញុំចងចាំជានិច្ចនូវគុណូបការៈដ៏ធំធេងបំផុត ហើយបានចាត់ទុកថា ថ្ងៃ៧មករា ជាថ្ងៃកំណើតទី២ របស់យើងខ្ញុំ បើគ្មានថ្ងៃ៧មករា យើងខ្ញុំក៏មិនបានរស់រានមានជីវិត និងមានឳកាសទទួលបាននូវការអភិវឌ្ឍន៍លើគ្រប់វិស័យ ដូចសព្វថ្ងៃនេះឡើយ សច្ចធម៌នៃប្រវត្តិសាស្ត្រនេះ មិនអាចបដិសេធ ឬមូលបង្កាច់បានជាដាច់ខាត ជាពិសេសនៅពេលប្រទេសជាតិ ធ្លាក់ក្នុងរបបប្រល័យពូជសាស្ត្រប៉ុលពត ដែលបានធ្វើទារុណកម្ម កាប់សម្លាប់យ៉ាងរង្គាលមកលើប្រជាពលរដ្ឋខ្មែរ អស់ជាង៣លាននាក់យ៉ាងព្រៃផ្សៃនិងអយុត្តធម៌បំផុត ពេលនោះមានតែគណៈបក្សប្រជាជនកម្ពុជាតែមួយគត់ដែលបានក្រោកឡើងដឹកនាំប្រជាជនវាយរំលំរបបឃោរឃៅនេះ ដើម្បីសង្គ្រោះជាតិ ហើយដណ្តើមបាន ជ័យជំនះ៧មករា ឆ្នាំ១៩៧៩ ។
ឯកឧត្តម បណ្ឌិត ងួន ញ៉ិល សមាជិកគណៈអចិន្ត្រៃយ៍គណៈកម្មាធិការកណ្តាល អនុប្រធានទី២ នៃរដ្ឋសភាព បានមានប្រសាសន៍ ផ្តាំផ្ញើរដល់ប្រជាពលរដ្ឋដែលបានមកចូលរួមជាង១៥០០នាក់ថា ចូរចង់ចាំនូវ គុណបំណាច់របស់របស់គណបក្សប្រជាជនកម្ពុជា ដែលបានផ្តួលរំលំរបបបនក្បត់ប្រល័យពូជសាស្ត្រប៉ុលពត ឲ្យរួចផុតពីឋាននរគ ប្រជាពលរដ្ឋខ្មែរទូទាំងប្រទេស រងទុក្ខវេទនា លំបាកខ្លោចផ្សារ ប្រពន្ឋបែកប្តី ម្តាយព្រាត់កូន ត្រូវបានស្លាប់ជាបន្តបន្ទាប់ ដោយសារតែគ្មានចំណីអាហារ ថ្នាំសង្កូវ និងត្រូវបានគេចង់ស្លាបសេក យកទៅសម្លាប់ចោល ប្រជាជនពេលនោះគ្មានសិទ្ធិសេរីភាពអ្វីទាំងអស់ កុំថាឡើយតែនិយាយ ឬក៏ច្រៀង កាលនោះសុទ្ធតែបន់ស្រន់ឲ្យ ទេវតាមកជួយ តែគ្មានគណបក្សណាចេញមុខមកជួយនោះទេ គឺមានតែគណបក្សប្រជាជនតែមួយគត់ ដែលបានរួបរួមបងប្អូអ្នកស្ម័គ្រចិត្តឲ្យងើបឈរឡើង ដើម្បីតស៊ូមិនខ្លាចស្លាប់ដើម្បី វាយរំលំបនក្បត់ឃោឃៅនេះ ដើម្បីសង្គ្រោះជាតិ ហើយបានដណ្តើមបានជ័យជន្នះ នៅថ្ងៃ៧មករា ឆ្នាំ១៩៧៩មក រហូតមកដល់រយះពេល៣៧ឆ្នាំ មានសន្តិភាព សេរីភាព មិនតែប៉ុណ្ណោះគណបក្សបានខិតខំស្តារ និងកសាងប្រទេសឡើងវិញ ដោយចាប់ពីបាតដៃទទេ រហូតបានរីកចម្រើនគ្រប់វិស័យទាំងអស់។
ដោយ ប៊ុន រដ្ឋា
