បន្ទាយមានជ័យ ៖ លើកឡើងក្នុងមិទ្ទីញរំលឹកខួបលើកទី៣៧ ទិវាជ័យជម្នះ៧មករា ១៩៧៩-៧ មករា ២០១៦ ដែលធ្វើឡើងនៅទីស្នាក់ការគណបក្សប្រជាជនកម្ពុជាខេត្តបន្ទាយមានជ័យ ដោយមានអ្នកចូលរួម១៥០០នាក់នោះ ទាំងគរុសិស្ស ទាំងនិស្សិត ទាំងសិស្សសាលា សុទ្ធតែ
ទទួលស្គាល់ថាថ្ងៃ៧មករា ពិតជាបានរំដោះប្រជាពលរដ្ឋ ដែលជាឪពុកម្ដាយ បងប្អូន អ៊ំ ពូមីង និងពិតជាបានរំដោះប្រទេសជាតិឲ្យរួចផុតពីរបបខ្មៅងងឹតប្រល័យពូជសាសន៍ប៉ុលពត។
គរុសិស្ស និស្សិត សិស្សសាលា បានលើកឡើងទៀតថា ថ្ងៃ៧មករា មិនត្រឹមតែរំដោះប្រជាពលរដ្ឋ និងប្រទេសជាតិនោះទេ វាបាននាំមកនូវសន្តិសុខ សន្តិសុខ និងការអភិវឌ្ឍយ៉ាងសម្បូរបែប ដែលអាចឲ្យពួកគាត់ទទួលបាននា ពេលបច្ចុប្បន្ននេះ។ តាមការស្រាវជ្រាវ និងការបង្ហាញពីឯកសារនានា ពួកគាត់ឃើញថារបបប៉ុលពត ពិតជាសាហាវយង់ឃ្នង ដែលបិទសិទ្ធិប្រជាពលរដ្ឋទាំងអស់ ហើយបានបង្អត់អាហារ និងកាប់សម្លាប់ប្រជាពលរដ្ឋយ៉ាងសាហាវព្រៃផ្សៃ ដែលទង្វើទាំងអស់នេះ ពួកគាត់ស្ទើរតែពុំជឿ។
ពួកគាត់សូមដឹងគុណ និងការពារជានិច្ចចំពោះថ្ងៃ៧មករា ជាពិសេស គឺការរំដោះប្រទេសជាតិពីសំណាក់គណបក្សប្រជាជនកម្ពុជា ដែលក្នុងរយៈពេល៣៧ឆ្នាំមកនេះ បានគិតគូរពីប្រជាពលរដ្ឋ និងប្រទេសជាតិ ដោយនាំប្រទេសជាតិទៅរកការអភិវឌ្ឍយ៉ាងឆាប់រហ័ស។
ពួកគាត់សំណូមពរឲ្យយុវជន យុវវ័យជំនាន់ក្រោយដទៃទៀត ធ្វើយ៉ាងណាគាំទ្រថ្ងៃ៧មករា ព្រោះថ្ងៃ៧មករាពិតជាថ្ងៃមានសារៈសំខាន់សម្រាប់ប្រជាពលរដ្ឋខ្មែរ និងពួកខ្លួន ឬអាចនិយាយបានថាជាថ្ងៃកំណើតទី២របស់ពួកខ្លួន។
ក្នុងពិធីនោះដែរ លោកអ៊ុង អឿន ប្រធានគណបក្សប្រជាជនកម្ពុជាខេត្តបន្ទាយមានជ័យ និងជាប្រធានក្រុមប្រឹក្សាខេត្តបន្ទាយមានជ័យផងនោះ បានអានសន្ទរកថាសម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ។ លោកបន្តថា ការប្រារព្វពិធីបុណ្យ នៃជ័យជំនះជាប្រវត្តិសាស្ត្រនេះ ក្នុងស្មារតីគោរពដឹងគុណ យ៉ាងជ្រាលជ្រៅចំពោះយុទ្ធជន យុទ្ធនារី អ្នកស្នេហាជាតិ ដ៏ច្រើនឥតគណនា ដែលបានក្រោកឈរតស៊ូ ប្រយុទ្ធយ៉ាប្តូរផ្តាច់ ហ៊ានបាត់បង់សាច់ស្រស់ ឈាមស្រស់ និងជីវិតប្រកបដោយវរៈភាព ដ៏ខ្ពង់ខ្ពស់ក្នុងបុព្វហេតុ សង្គ្រោះជាតិ និងសូមសម្តែងការគោរពដឹងគុណ យ៉ាជ្រាលជ្រៅចំពោះវរៈកងទ័ពស្ម័ត្រចិត្តវៀតណាម ដែលបានផ្តល់ការជួយឧបត្ថម្ភ គាំទ្រដ៏ធំធេង ចំពោះបុព្វហេតុ ដ៏ឧត្តុង្គឧត្តមនេះ ។ លោកអោយដឹងទៀតថា យើងទាំងអស់គ្នា ក៏សូមលំអោនកាយគោរព្វវិញ្ញាណក្ខន្ធរបស់ជនរួមជាតិជាង ៣លាននាក់ ដែលបានបាត់បង់ជីវិតទៅយ៉ាងអយុត្តិធម៌បំផុត នៅក្រោមរបបប្រល័យពូជន៍សាសន៍ និងសូមឧទ្ទិសបួងសួងអោយដួងព្រលឹងរបស់លោកអ្នកទាំងនោះបានទៅកាន់ សិគតិភពជារៀងដរាបទៅ ក្នុងនោះដែរក៏មានការចែកអំណោយ ដល់អតីតមន្ត្រីរាជការចូលនិវត្ត ១០០នាក់ ៕
