ខេត្តសៀមរាបកាលពីចុងសប្តាហ៍ថ្ងៃសៅរ៍ទី០៩ខែមករាឆ្នាំ២០១៦លោកឯម ច័ន្ទមករាអគ្គលេខាធិការក្រុមប្រឹក្សាសកម្មភាពជនពិការ នៃក្រសួងសង្គមកិច្ច អតីតយុទ្ធជន និង យុវនីតិសម្បទា ឯ.ឧគឹម ឆៃហៀងអភិបាលរងនៃគណៈអភិបាលខេត្តសៀមរាបរួមដំណើរដោយលោកប្រធានមន្ទីរសង្គមកិច្ច អតីតយុទ្ធជន និង យុវនីតិសម្បទា និង បងប្អូនជាសប្បុរសជនមកពីសហរដ្ឋអាមេរិកបានចុះសួរសុខទុក្ខនិង សំណេះសំណាលជាមួយក្មួយៗកុមារកំព្រា នៅមជ្ឈមណ្ឌលកុមារកំព្រាខេត្ត ចំនួន៨០នាក់ ស្ថិតនៅភូមិគោកស្នួលឃុំខ្នាត ស្រុកពួក ខេត្តសៀមរាប ។
ក្នុងកិច្ចស្វាគមន៍របស់លោក អោ ម៉ៅប្រធានស្តីទីនៃមន្ទីរសង្គមកិច្ចអតីតយុទ្ធជន និង យុវនីតិសម្បទា ខេត្ត បានគូសបញ្ជាក់ថា ទៅទូទាំងខេត្តមានមជ្ឈមណ្ឌល និងអង្គការចិញ្ចឹមកុមារកំព្រា ចំនួន ៥៤មណ្ឌល មាន កុមារចំនួន ១ពាន់៨៦២នាក់ ស្រី ៨៣០នាក់។ ម្យ៉ាងទៀតថ្ងៃនេះមានកុមារកំព្រា ចំនួន៨០នាក់ ដែលមកពីមណ្ឌល និង អង្គការចំនួន២ ដែលបានចូលរួម។
មានប្រសាសន៍សំណេះសំណាលនោះលោកស្រីឆេងដាណេក៏បានសម្តែងនូវក្តីអាឡោះអាល័យ ចំពោះទឹកដីមាតុភូមិខ្លួន ដែលរងគ្រោះដោយរបបប្រល័យពូជសាសន៍ប៉ុល ពត ដែលធ្វើឲ្យលោកស្រីមិនអាច បំភ្លេចបាន ពីការពិព័ណ៌នារបស់ឳពុកម្តាយ ពីសោទនាកម្មដ៏ព្រៃផ្សៃប្រល័យពូជសាសន៍ជាតិឯង។ ទោះបីលោក ស្រីបានភ្លាតឆ្ងាយពីមាតុភូមិផ្តល់កំណើតក៏ពិតមែន តែអ្នកស្រីនូវតែមានចិត្តភក្តីនៃទឹកដីដ៏អភ័ព្ទហើយក៏ជាការ ចូលរួមអបអរសាទរខួបលើកទី៣៧ថ្ងៃជ័យជំនះ៧មករា ដែលជាថ្ងៃមានជីវិតថ្មី សុភមង្គលថ្មីហើយដើម្បីតបស្នង សង់គុណដល់មាតុប្រទេសខ្លួនវិញ ថ្ងៃនេះលោកស្រីបាននាំយកនូវអំណោយមួយចំនួនចូលរួមជាមួយឯកឧត្តម រដ្ឋមន្ត្រីក្រសួងសង្គមកិច្ច អតីតយុទ្ធជន និង យុវនីតិសម្បទា យកមកចែកជូនក្មួយៗនាពេលថ្ងៃនេះដោយក្មួយៗ គឺជាសមាជិកដ៏ល្អក្នុងសង្គម សម្រាប់ក្រុមគ្រួសារ និង អនាគតរបស់ប្រទេសកម្ពុជា។
នាឱកាសនោះ លោក គឹម ឆៃហៀងអភិបាលរងនៃគណៈអភិបាលខេត្តនិង លោកឯម ច័ន្ទមករាអគ្គលេខាធិការក្រុមប្រឹក្សាសកម្មភាពជនពិការបានសម្តែងនូវការអាណិតអាសូរ ចំពោះក្មួយៗកុមារកំព្រាដែលត្រូវបានទទួលការអប់រំ រៀនសូត្រ នៅតាមមជ្ឈមណ្ឌល នូវចំណេះដឹងទូទៅ និង បច្ចេកទេសក្រោមការយកចិត្តទុកដាក់ពីលោកគ្រូអ្នកគ្រូដែលជាម្តាយទី២របស់ក្មួយៗ ហើយទាំងនេះក៏ត្រូវបានយកចិត្តទុកដាក់ពីប្រមុខរាជរដ្ឋាភិបាលកម្ពុជាក្រោមកិច្ចដឹកនាំប្រកប ដោយគតិបណ្ឌិតដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី និង សម្តេចគត្តិព្រឹទ្ធបណ្ឌិត ព្រមទាំងថ្នាក់ ដឹកនាំគ្រប់លំដាប់ថ្នាក់ បានធ្វើការរៀបចំជួបជុំលេងសប្បាយជាមួយក្មួយៗទៀតផង ។ លោកទាំងពីរ ក៏បានបញ្ជាក់ផងដែរថាក្មួយៗទាំងអស់គឺជាសរសស្តម្ភដ៏រឹងមាំរបស់ប្រទេសជាតិ ដែលជាធនធានមនុស្សដ៏សំខាន់ក្នុងកិច្ចអភិវឌ្ឍន៍សង្គមជាតិនិងក្លាយខ្លួនជាថ្នាក់ដឹកនាំប្រកបទៅ ដោយចំណេះដឹងទៀតផង ។ឯ.ឧឯម ច័ន្ទមករាក៏បានសម្តែងនូវអំណរគុណ ចំពោះទឹកចិត្តរបស់លោកស្រីឆេង ដាណេដែលជាអានិជនខ្មែររស់នៅសហរដ្ឋអាមេរិកដែលមានទឹកចិត្តមនុស្សធម៌ ក្នុងការចូលរួមជាមួយក្រសួងសង្គមកិច្ច នូវសម្ភារៈសិក្សា និង ថវិកា ជូនដល់កុមារកំព្រានាពេលនេះ ក៏សបញ្ជាក់ពីទឹកចិត្តរបស់បងប្អូនសប្បុរសជនខ្មែរអានិជនដែលតែងគិតដល់មាតុប្រទេសខ្លួន សំខាន់លើវិស័យអប់រំសិក្សា ក្នុងការកសាងធនធានមនុស្សនៅកម្ពុជា ។ឯកឧត្តម បានលើកនូវដំបូន្មានល្អៗមួយចំនួន សម្រាប់ក្មួយៗកុមារកំព្រាទាំងអស់ត្រូវគោរពត្រង់ត្រាប់នូវដំបូន្មានរបស់លោកគ្រូ អ្នកគ្រូ នឹង ចេះជួយនូវទុក្ខធុរះមិត្តភ័ក្ត ចេះស្រឡាញ់សាមគ្គីគ្នាឲ្យបានល្អ នៅក្នុងមជ្ឈមណ្ឌល ព្រមទាំងត្រូវខិតខំសិក្សារៀនសូត្រ និង ត្រូវជៀសឲ្យឆ្ងាយពីគ្រឿងញៀនដែលសង្គមស្អប់ខ្ពើម ។
ក្នុងនោះដែរគណៈប្រតិភូក៏បាននាំយកអំណោយរបស់លោកវង់ សូត្ររដ្ឋមន្ត្រីក្រសួងសង្គមកិច្ច អតីត យុទ្ធជន និងយុវនីតិសម្បទារួមនឹងបងប្អូនសប្បុរសជនអានិជនរស់នៅសហរដ្ឋអាមេរិកនូវសម្ភារៈសិក្សាព្រម ទាំងបានរៀបចំជួបជុំពិសារអាហារថ្ងៃត្រង់ជូនដល់ក្មួយៗកុមារកំព្រានិងបានធ្វើការឌួសអាហារ បញ្ចុកអាហារដល់ក្មួយៗក្នុងភាពទឹកចិត្តជាម្តាយឳពុករបស់ក្មួយៗប្រកបដោយភាពរីករាយ ក្នុងការអាណិតអាសូរដល់ក្មួយៗកុមារកំព្រាផងដែរ ។ ក្នុងនោះដែរថ្នាក់ដឹកនាំមន្ទីរសង្គមកិច្ច អតីតយុទ្ធជននិង យុវនីតិសម្បទាខេត្ត ក៏បានផ្តល់ នូវសម្លៀកបំពាក់កីឡា ជូនដល់កុមារកំព្រាផងដែរ ៕
ដោយគឿនវេត
