ខេត្តស្វាយរៀង៖សមត្ថកិច្ចនគបាលនៃអធិការដ្ឋាននគបាលក្រុងស្វាយរៀងបានចាប់ឃាត់ខ្លួនជនជាតិវៀតណាមស្រីប្រុស១២នាក់យកមកអប់រំមូលហេតុជនជាតិវៀតណាមទាំងនោះបានចូលមកលក់ឆ្នោតវៀតណាមនៅក្នុងក្រុងស្វាយរៀងដោយខុសច្បាប់កាលពីរវេលាម៉ោង៧•០០ព្រឹកដល់ម៉ោង១១•០០ព្រឹកថ្ងៃទី១០មករា២០១៦ រហូតដល់ម៉ោង៤និង៣០នាទីល្ងាចទើបដោះលែងនិងប្រគល់ឆ្នោតឲ្យពួកគេត្រឡប់ទៅប្រទេសវៀតណាមវិញ។
បើតាមមន្ត្រីនគបាលម្នាក់បានឲ្យដឹងថានេះជាលើកទី២ហើយដែលសមត្ថកិច្ចចាប់ឃាត់ខ្លួន
ជនជាតិវៀតណាមដែលចូលមកលក់ឆ្នោតវៀតណាមក្នុងរដ្ឋបាលក្រុងស្វាយរៀង។លើកទី១នៅថ្ងៃទី១៩ខែកញ្ញា២០១៥លោកស្នងការរងនៃទទួលបន្ទុកអន្តោប្រវេសន៍នៃស្នងការដ្ឋាននគបាលខេត្តបានចុះបង្ក្រាបជនអន្តោប្រវេសន៍ខុសច្បាប់ចំនួន២២នាក់ស្រី៩នាក់ដែលចូលមកលក់ឆ្នោតវៀតណាមនៅក្នងរដ្ឋបាលខេត្តស្វាយរៀងចាប់ឃាត់ខ្លួនមកធ្វើកិច្ចសន្យានិងអប់រំ
រួចបញ្ជូនទៅប្រទេសវៀតណាមវិញ។ក្រោយមកមិនបានប៉ុន្មានថ្ងៃផងជនជាតិវៀតណាមដែលចូលមកលក់ឆ្នោតទាំងនោះបានលួចចូលមកលក់ឆ្នោតលួចលាក់ ក៏ប៉ុន្តែនៅដើមខែមករា២០១៦នេះជនជាតិវៀតណាមរាប់រយនាក់បានចូលមកលក់ឆ្នោតទូទាំងរដ្ឋបាលខេត្តជាពិសេសក្នុងក្រុងស្វាយរៀង ក្រុងបាវិតគឺដើរលក់ឆ្នោតវៀតណាមចំហរគ្មានខ្លាចរអាសមត្ថកិច្ចឡើយហើយនៅក្នុងក្រុងស្វាយរៀងមានជនជាតិវៀតណាមចូលមកលក់ឆ្នោតប្រមាណជាម្ភៃទៅ៣០នាក់ដោយខុសច្បាប់ទើបលោកអធិការនៃអធិការដ្ឋាននគបាលក្រុងស្វាយរៀងបញ្ជារឲ្យកម្លាំងនគបាលក្រុងសហការជាមួយនគបាលប៉ុស្ត៍រដ្ឋបាលសង្កាត់ក្នុងក្រុងស្វាយរៀងស្ទាក់ចាប់ជនជាតិវៀតណាមដែលចូលមកលក់ឆ្នោតខុសច្បាប់មកអប់រំនិងធ្វើកិច្ចសន្យាឈប់ឲ្យយកឆ្នោតវៀតណាមមកលក់បន្តទៀត។ទោះបីជាយ៉ាងណាក៏ដោយប្រជាពលរដ្ឋនៅក្នុងខេត្តស្វាយរៀងសូមនូមពរដល់សមត្ថកិច្ចមេត្តាធ្វើយ៉ាងណាលុបបំបាត់អ្នកលក់ឆ្នោតវៀតណាមនិងល្បែងកន្ទុយលេខអោយអស់ពីទឹកដីខេត្តស្វាយរៀងដើម្បីចូលរួមកាត់បន្ថយភាពក្រីក្រជូនប្រជាពលរដ្ឋ។video_2016-01-11_09-52-11
video_2016-01-11_09-52-11
