ខេត្តប៉ៃលិនៈ រងរបួសធ្ងន់បាក់ជើងនៅនិងកន្លែងកើតហេតុ អ្នកទាំង ៣នាក់ ត្រូវបានរថយន្តមន្ទីរពេទ្បបង្អែកខេត្តប៉ៃលិន បញ្ជូនទៅមន្ទីរពេទ្យខេត្តបាត់ដំបងពេលជិតដល់មន្ទីរពេទ្យ អ្នករងគ្រោះក៏បានស្លាប់បុរសម្នាក់ ។ រថយន្តមន្ទីរពេទ្យបង្អែកខេត្តប៉ៃលិនបានដឹកសាកសពបុរសម្នាក់នោះមកប្រគល់ឧ្យក្រុមគ្រួសារយកទៅធ្វើបុណ្យតាមប្រព្រៃណី។
ហេតុការណ៍គ្រោះថ្នាក់ចរាចរណ៍ នេះបានកើតឡើងនៅវេលាម៉ោង២១និង៤០នាទីយប់ថ្ងៃទី១១ ខែមករា ឆ្នាំ២០១៦ នៅចំណុចផ្លូវខាងលិចវត្តបរហ៊ុយ ក្នុងភូមិបរហ៊ុយ សង្កាត់បរយ៉ាខា ក្រុងប៉ៃលិនខេត្តប៉ៃលិន។ តាមសាក្សីនៅជិតកន្លែងកើតេហតុបានឧ្យដឹងថា នៅមុនពេលកើតហេតុ គេបានឃើញមានម៉ូតូសងកូរ៉េមួយគ្រឿងជិះអត់ភ្លើងអត់មានស្លាកលេខ ជិះក្នុងទិសដៅពីខាងកើតទៅលិចស្រាប់តែបានរ៉េចង្កូតបុកទៅលើម៉ូតូសង ១២៥ ពណ៍ខ្មៅគ្មានស្លាកលេខ ពេញទំហឹង បណ្ដាលឧ្យបុរសទាំង ៣នាក់ រងរបួសធ្ងន់បាក់ជើងទាំង ៣ នាក់ ។
ប្រភពបានបន្តទៀតថា បុរសម្នាក់ដែលជិះម៉ូតូសងកូរ៉េ (ស្លាប់នោះ) ឈ្មោះ ថូ ចាន់ធឿន ភេទប្រុសអាយុ ២៦ឆ្នាំ កសិករ រីឯបុរស ២នាក់ដែលជិះម៉ូតូសង ១២៥ នោះអ្នកបើកឈ្មោះ ម៉ៅ និន ភេទប្រុស អាយុ២០ឆ្នាំ មុខរបរកម្មករ រងរបួសបាក់ស្ដាំ ម្នាក់ដែលរួមដំណើរ ឈ្មោះ ស្រល់ ភេទប្រុស អាយុ២១ឆ្នាំ មុខរបរកសិករ រងរបួសបាក់ជើងឆ្វេង អ្នកទាំង៣នាក់រស់នៅក្នុងភូមិបរតាំងស៊ូរ សង្កាត់បរយ៉ាខា ក្រុងប៉ៃលិន។
បន្ទាប់ពីកើតហេតុនគរបាលចរាចរណ៍ផ្លូវគោនៃស្នងការខេត្តប៉ៃលិន បានចុះមកវាស់វែង និងយកម៉ូតូទាំងពីរគ្រឿងទៅរក្សាទុក។
