ខេត្តកណ្តាល ៈ នគរបាលចរាចរណ៍ម្នាក់ក្នុងខេត្តកណ្តាលត្រូវបានជនសង្ស័យល្មើសច្បាប់ចរាចរណ៍ជិះម៉ូតូដឹកកម្មករ50 បុកបណ្តាលអោយដួលរបួសក្បាលនគរបាលចរាចរណ៍ គ្រាដែលនគរបាលកំពុងរឹតបន្តឹងចរាចរណ៍ ។ ហេតុការណ៍បុកនគរបាលចរាចរន៍រងរបួសនេះ កើតឡើងនៅម៉ោងជាង៥ល្ងាចថ្ងៃទី ១២ខែមករានេះ នៅកំណាត់ផ្លូវជាតិលេខ១ ចន្លោះគីឡូម៉ែត្រលេខ 51 និង52 ក្នុងស្រុកកៀនស្វាយខេត្តកណ្តាល គ្រាដែលនគរបាលចរាចរណ៍កំពុងធ្វើសកម្មភាព អនុវត្តន៏ច្បាប់ចរាចរណ៏លើ ការត្រួតពិនឹត្យជាតិអាល់កល់នឹងការ បើកបរមិនពាក់មួក សុវត្ថិភាពស្រាប់តែរវាង ម៉ូតូរ៉ឺម៉កដឹកកម្មករពេញ 50នាក់ , ពណ៏ស គ្មានស្លាកលេខ ដឹកមនុស្សលើរឺម៉កពេញ បានបុកមន្ត្រីចរាចរណ៏ខេត្ត គឺលោកអនុសេនីយ៍ត្រី ហ៊ីង សុផល ភេទប្រុស អាយុ50ឆ្នាំ ។ ជនសង្ស័យល្មើសច្បាប់ចរាចរណ៍ ហើយបើកបុកនគរបាលនេះ ឈ្មោះ ឆាយ លីពិសទ្ធិភេទ ប្រុសអាយុ 25ឆ្នាំមានទីលំនៅក្នុងភូមិ អំពិលទឹកឃុំកំពងភ្នំ
ស្រុក លើកដែកខេត្ត កណ្ដាល ។ សមត្ថកិច្ចបានឃាត់ជនសង្ស័យ និងកសាងសុណុំរឿងតាមនិតិវិធី ។ ដោយឡែកជនរងគ្រោះជានគរបាលចរាចរណ៍ ត្រូវបានបញ្ជូនទៅព្យាបាលនៅមន្ទីរពេទ្យកាល់ម៉ែតនោះហើយ ។ ជនសង្ស័យល្មើសច្បាប់ចរាចរណ៍ ត្រូវគេរាយការណ៍ថា បានបើ ដឹកកម្មករ ក្នុងល្បឿនលឿនហើយមិនប្រយត្ន័ ៕
