ភ្នំពេញ៖រថយន្តបាឡែនមួយគ្រឿងបើកបត់ឆ្លងផ្លូវមិនប្រយ័ត្នជ្រុលទៅបុករថយន្តឡិុចស៊ីសចំចហៀងបណ្ដាលឲ្យរងការខូចខាត ។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៩និង៤០នាទីយប់ ថ្ងៃទី១២ ខែមករា ឆ្នាំ២០១៦ នៅចំណុចមុខវិទ្យាល័យព្រះសុីសុវត្តិ តាមបណ្ដោយផ្លូវព្រះនរោត្ដម ស្ថិតក្នុងសង្កាត់ជ័យជំនះ ខណ្ឌដូនពេញ។
តាមសាក្សីដែលឃើញហេតុនេះបានឲ្យដឹងថា មុនពេលើតហេតុគេបានឃើញរថយន្តឡិចស៊ីស RX300 ពណ៌ស្ក ពាក់ស្លាកលេខភ្នំពេញ2C.9424 បើកបរទិសដៅពីត្បួងទៅជើងតាមបណ្ដោយផ្លូវព្រះនរោត្ដម ក្នុងល្បឿនល្មម ខណះមកដល់ចំណុចកើតហេតុស្រាប់តែមានរថយន្តបាឡែន ពណ៌ស្ក ពាក់ស្លាកលេខភ្នំពេញ2Z.0469 ដែលបើកបរតាមបណ្ដោយផ្លូវ១៨៤ ទិសដៅពីលិចទៅកើត ហើយមកដល់ផ្លូវព្រះនរោត្ដម ក៏បានបត់ឆ្វេងឆ្លងផ្លូវដោយបត់មិនប្រយ័ត្ន ក៏ជ្រុលទៅបុករថយន្តឡិចស៊ីសចំពីចហៀងបណ្ដាលឲ្យរថយន្តឡិចស៊ីស កូតទ្វាមួយចហៀងនិងបែកកង់ក្រោយផ្នែកខាងឆ្វេង រីឯរថយន្តបាឡែនដែលបង្កនោះ ក៏បានរបូតកាងពីមុខផងដែរ ។ដោយឡែកក្នុងហេតុការណ៍គ្រោះថ្នាក់ចរាចរណ៍ខាងលើនេះមិនបណ្ដាលឲ្យមនុស្សណាម្នាក់រងរបួសនោះទេ។ក្រោយពេលកើតហេតុខាងម្ចាស់រថយន្តបាឡែនសង់ថ្លៃខូចខាតទៅលើម្ចាស់រថយន្តឡិចស៊ីសដើម្បីបញ្ចប់រឿងនៅនិងកន្លែងកើតហេតុ៕
Ads
