កំពង់ធំ=បុរសម្នាក់បានស្លាប់ភ្លាមៗនិងម្នាក់ទៀតរបួសធ្ងន់នៅក្នុងហេតុការណ៍គ្រោះថ្នាក់ចរាចរណ៍មួយបង្កឡើងដោយអ្នកបើកបរម៉ូតូសងកូរ៉េ ជិះវ៉ារថយន្ដមួយគ្រឿងទៀតក៏ជ្រុលមកបុកគោយន្ដកន្ដ្រៃពេញទំហឹងបណ្ដាលអោយស្លាប់ភ្លាមៗនៅនិងកន្លែងកើតហេតុ។ ហេតុការណ៍ដ៏រន្ធត់នេះបានកើតឡើងកាលពីវេលាម៉ោង២០និង២៥នាទីថ្ងៃទី១៣ខែមករាឆ្នាំ២០១៦ត្រង់ចំណុចផ្លូវជាតិលេខ៧១ ចន្លោះគីឡូម៉ែត្រ លេខ ១៥៥ ១៥៦ក្នុងភូមិស្រឡៅទោងឃុំបល្ល័ង្កស្រុកបារាយណ៍ខេត្តកំពង់ធំ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញម៉ូតូ១គ្រឿងជិះគ្នា២នាក់មកដល់ចំនុចកើតហេតុក៏វ៉ារថយន្ដ១គ្រឿងរួចក៏ជ្រុលទៅបុក គោយន្ដកន្ដ្រៃ ក្នុងទិសដៅផ្ទុយគ្នាពីជើង ទៅត្បូង យ៉ាងពេញទំហឹង បណ្ដាលអោយស្លាបមនុស្សម្នាក់និងរបួសធ្ងន់មា្នក់ ដោយអ្នកស្លាប់មានឈ្មោះ ស៊ុម សុត ភេទប្រុស អាយុ ៣០ឆ្នាំ រស់នៅភូមិ តាប្រុកថ្នល់ថ្មី ឃុំឈូកខ្សាច់ ស្រុកបារាយ៍ ខេត្តកំពង់ធំ និងអ្នករបួសមានឈ្មោះ ស្វាយ ផេន ភេទប្រុស អាយុ ៣៧ឆ្នាំ រស់នៅក្នុងភូមិឃុំជាមួយគ្នា ចំណែកអ្នកបើកបរគោយន្ដកន្ដ្រៃមានឈ្មោះ ដែក ជីវ៉ា ភេទប្រុស អាយុ ២៣ឆ្នាំរស់នៅក្នុងភូមិ ជ្រៃវៀនឃុំជ្រៃវៀនស្រុកព្រៃឈរខេត្តកំពចាម។
បន្ទាប់ពីកើតហេតុសមត្ថកិច្ចបានចុះមកធ្វើការវាស់វែងរួចបញ្ចូនសាកសពជនរងគ្រោះអោយក្រុមគ្រួសារ យកទៅធ្វើបុណ្យតាមប្រពៃណី អ្នករងរបួសបញ្ចូនទៅមន្ទីរពេទ្យបង្អែរស្រុកបារាយណ៍សន្ទុកចំណែកម៉ូតូរក្សានិងគោយន្ដរក្សាទុកនៅអធិការដ្ឋាននគរបាលបារាយណ៍ លោក សន់តាល អធិការរងស្រុកបារាយណ៍ ទទួលបន្ទុកផ្នែកចរាចរណ៍បានអោយដឹងថាបាននាំខ្លួនអ្នកបើកបរគោយន្ដកន្ដ្រៃទៅសួរនាំ និងរងចាំភាគីទាំង២ចូលខ្លួនមកដោះស្រាយតាមច្បាប់៕
