ភ្នំពេញ ហេតុការណ៍គ្រោះថ្នាក់ចរាចរណ៍មួយបង្កដោយសារតែរថយន្តកូរូឡាបើកបរក្នុងល្បឿនលឿនហើយបានរ៉េចង្កូតទៅបុកនិងរនាំងដែកពុះចែកទ្រូងផ្លូវបណ្តាលអោយរថយន្តដាច់កាឡេក្រឡាប់ផ្ងារជើងច្រងាងកាលពីវេលាម៉ាង១០យប់ថ្ងៃទី១៤ ខែមករា ឆ្នាំ២០១៦ នៅចំណុចមុខអាកាសយាន្តដ្ឋានអន្តរជាតិភ្នំពញ តាមបណ្តោយផ្លូវមហវិថីសហព័ន្ធរុស្សី ស្ថិតក្នុងសង្កាត់កាកាប ខណ្ឌពោធិ៍សែនជ័យ តែសំណាងល្អមិនរបួសដល់មនុស្ស។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញរថយន្តម៉ាកកូរូឡាមួយគ្រឿងពណ៍ ទឹកប្រាក់ពាក់ស្លាកលេខភ្នំពញ2H 3406. បើកបរតាមបណ្តោយផ្លូវមហាវិថីសហព័ន្ធរុស្សី ក្នុងទិសដៅពីកើតទៅលិចក្នុងល្បឿនលឿនខណះមកដល់ចំណុចកើតហេតុស្រាប់តែរថនយន្តបែក់មុខផ្នែកខាងឆ្វេងក៏ជ្រុលទៅបុកនិងរនាំងដែកពុះចែកទ្រួងផ្លូវបណ្តាលអោយរងការខូចខាតអស់ចំនួន៥ផ្ទាំងហើយរថយន្តក៏ក្រឡាប់ផ្អាជើងឡើងច្រងាងតែសំណាងល្អមិនបង្កអោយមានគ្រោះថ្នាក់ដល់មនុស្សនោះទេ។
ក្រោយពេលកើតហេតុម្ចាស់រថយន្តក៏បានបើកទ្វាចេញពីរថយន្តគេចខ្លួនបាត់ស្រមោលតែម្តង ចំណែករថយន្តត្រូវសមត្ថកិច្ចធ្វើការវាស់វែងកទៅរក្សាទុកនៅការិយាល័យចរាចរណ៍ជើងគោកដើម្បីរងចាំដោះស្រាយតាមផ្លូវច្បាប់៕
