ភ្នំពេញ ៖ រថយន្តកុងតឺនរ័មួយគ្រឿងតៃកុងងក់មួយភាំងបានជ្រុលចង្កូតទៅបុកក្បាលព្រួញរបាំងថ្មពុះចែកទ្រូងផ្លូវបណ្តាលឱ្យបាក់ហើយរថយន្តមិនទាន់អស់ល្បឿនក៏បើកក្បាលឡើងគងពាក់កណ្តាលរបាំងថ្មពុះចែកទ្រូងផ្លូវកិនថ្មបែកខ្ចាយពេញផ្លូវ ។ហេតុការណ៏នេះកើតឡើងនៅវេលាម៉ោង២និង៣០នាទី រំរងអធ្រាត្រ ឈានចូលថ្ងៃ ទី ១៣ ឧសភា ២០១៤ នៅចំណុចជិតស្តុបវត្តច្បារអំពៅ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុមានរថយន្តកុងតឺន័រមួយគ្រឿងម៉ាកពុយហ្សូ ពណ៌ត្រួយចេក ពាក់ស្លាកលេខភ្នំពេញ3C-0095 បើកដោយបុរសម្នាក់ក្នុងទិសដៅ ពីកើតទៅលិច តាមផ្លូវជាតិលេខ២ឆ្ពោះទៅភ្នំពេញស្រាប់តែមកដល់ចំណុចកើតហេតុតៃកុងរយន្តលក់មួយភាំងក៏ជ្រុលចង្កូតទៅបុកក្បាលព្រួញរនាំងថ្មពុះចែកទ្រូងផ្លូវ បណ្តាលឱ្យបាក់ហើយរថយន្តមិនទាន់អស់ល្បឿនក៏បើកក្បាលរថយន្តឡើងគងពីលើពាក់កណ្តាលបាំងថ្មនិងដាច់កាឡេខាងធ្យូដតែម្តងចំណែកអ្នកបើកបររត់គេចខ្លួនបាត់ស្រមោលតែម្តង។
តាមប្រភពព័ត៌មាននៅកន្លែងកើតហេតុគេឃើញរថយន្តកុងតឺន័រជាច្រើនគ្រឿងបើកមកពីក្រោយកុងតឺន័រដែលបានទៅបុកនិងរបាំងថ្ម ដោយឮពួកគេនិយាយថា សុទ្ធតែជាគ្នាឯង ប៉ុន្តែពេលសមត្ថកិច្ចសាកសូរបែរជាឆ្លើយថាមិនស្គាល់។នៅក្នុងហេតុនេះផងដែរសមត្ថកិច្ចចង់ស្គាល់ក្រុមហ៊ុននេះឱ្យបានច្បាស់និងចង់ដឹងថាតើក្រុមហ៊ុនរើសអ្នកបើកបរមកធ្វើការមានជំនាញច្បាស់លាស់អត់ បានជាពេលបើកបុកគេបុកឯងហើយអាងរត់គេចខ្លួនឲ្យបានហើយជាការស្រាច ។
ហេតុការណ៍គ្រោះថ្នាក់ចរាចរនេះត្រូវបានសមត្ថកិច្ចមូលដ្ឋានសហការជាមួយសមត្ថកិច្ចចរាចរជំនាញចុះវាស់វែងយករថយន្តបង្កហេតុនិងម្ចាស់បើកបរនេះទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំធ្វើការដោះស្រាយតាមផ្លូវច្បាប់៕
